Job 38

38:1

ויען יהוה את איוב מן הסערה ויאמר׃

Ary teo anatin'ny tafio-drivotra Jehovah dia namaly an'i Joba ka nanao hoe:

38:2

מי זה מחשיך עצה במלין בלי דעת׃

Iza moa izato manao izay hahamaizina ny fisainana amin'ny teny tsy misy fahalalana?

38:3

אזר נא כגבר חלציך ואשאלך והודיעני׃

Misikina ary tahaka ny lehilahy; Fa hanadina anao Aho, ka valio:

38:4

איפה היית ביסדי ארץ הגד אם ידעת בינה׃

Taiza ary ianao, fony Aho nanorina ny tany? Ambarao, raha hainao.

38:5

מי שם ממדיה כי תדע או מי נטה עליה קו׃

Iza ary no nandidy izay ho refiny, raha fantatrao? Ary iza no nanenjana ny famolaina teo aminy?

38:6

על מה אדניה הטבעו או מי ירה אבן פנתה׃

Teo amin'inona no nanorenana ny vodi-andriny, ary iza no nametraka ny vato fehizorony,

38:7

ברן יחד כוכבי בקר ויריעו כל בני אלהים׃

Raha niara-nihira ny kintan'ny maraina, ary nihoby avokoa ireo zanak'Andriamanitra?

38:8

ויסך בדלתים ים בגיחו מרחם יצא׃

Ary iza no nanao varavarana misakana ny ranomasina, raha nibosesika nivoaka avy tany am-bohoka izy,

38:9

בשומי ענן לבשו וערפל חתלתו׃

Raha nanao ny rahona ho fitafiany Aho ary ny aizim-pito ho fonony,

38:10

ואשבר עליו חקי ואשים בריח ודלתים׃

Ary nandidy ny ho fetrany sady nanisy hidy sy varavarana

38:11

ואמר עד פה תבוא ולא תסיף ופא ישית בגאון גליך׃

Ka nanao hoe: Hatreto no azonao androsoana ka tsy hihoatra, ary eto no hampijanonana ny fisafoaky ny onjanao?

38:12

המימיך צוית בקר ידעתה שחר מקמו׃

Hatrizay niainanao moa mba efa nandidy ny maraina va ianao? Efa notoroanao ny fitoerany va ny fipoak'andro,

38:13

לאחז בכנפות הארץ וינערו רשעים ממנה׃

Mba horaisiny ny sisin'ny tany. Ka hakopakopany hiala ny ratsy fanahy?

38:14

תתהפך כחמר חותם ויתיצבו כמו לבוש׃

Ary hiova tahaka ny tanimanga tombohin-kase ny endriny, ka hiseho tahaka ny lamba misoratra ny tarehiny,

38:15

וימנע מרשעים אורם וזרוע רמה תשבר׃

Ary hosakanana ny fahazavan'ny ratsy fanahy, ka ho tapaka ny sandry naingaina.

38:16

הבאת עד נבכי ים ובחקר תהום התהלכת׃

Moa efa niditra hatrany amin'ny loharanon-dranomasina va ianao, ary efa nandehandeha tany amin'ny fanambanin'ny lalina?

38:17

הנגלו לך שערי מות ושערי צלמות תראה׃

Moa efa naharihary taminao va ny vavahadin'ny fahafatesana? Ary efa hitanao va ny vavahadin'ny aloky ny fahafatesana?

38:18

התבננת עד רחבי ארץ הגד אם ידעת כלה׃

Moa efa voadinikao ny hatrany amin'ny fahalalahan'ny tany? Ambarao ary, raha fantatrao izany rehetra izany.

38:19

אי זה הדרך ישכן אור וחשך אי זה מקמו׃

Aiza ary no lalana ho any amin'ny fonenan'ny mazava? Ary aiza no fitoeran'ny maizina?

38:20

כי תקחנו אל גבולו וכי תבין נתיבות ביתו׃

Mba hitondranao izany ho amin'ny faran'ny alehany, ary ho fantatrao ny lalana ho any an-tranony.

38:21

ידעת כי אז תולד ומספר ימיך רבים׃

Eny, fantatrao mantsy izany, satria efa teraka ianao tamin'izay, ary maro ny isan'ny andronao!

38:22

הבאת אל אצרות שלג ואצרות ברד תראה׃

Moa efa niditra tany amin'ny firaketana ny oram-panala va ianao? Ary efa hitanao va ny firaketana ny havandra,

38:23

אשר חשכתי לעת צר ליום קרב ומלחמה׃

Izay voatahiriko ho amin'ny andro fahoriana, dia ny andro misy ady sy tafika?

38:24

אי זה הדרך יחלק אור יפץ קדים עלי ארץ׃

Aiza moa no lalana izarazarana ny mazava sy ielezan'ny rivotra avy any atsinanana ho etỳ ambonin'ny tany?

38:25

מי פלג לשטף תעלה ודרך לחזיז קלות׃

Iza moa no nihady lalan-drano ho an'ny ranonorana mirotsaka be, sy lalan-kaleha ho an'ny helatry ny kotrokorana,

38:26

להמטיר על ארץ לא איש מדבר לא אדם בו׃

Handatsaka ranonorana ambonin'ny tany izay tsy itoeran'olona, dia any amin'ny efitra tsy misy mponina,

38:27

להשביע שאה ומשאה ולהצמיח מצא דשא׃

Mba hahavonto ny efitra sy ny tany foana, ary hampitsimoka ny ahitra vao mitsiry?

38:28

היש למטר אב או מי הוליד אגלי טל׃

Manan-dray va ny ranonorana? Ary iza kosa no miteraka ny ranon'ando?

38:29

מבטן מי יצא הקרח וכפר שמים מי ילדו׃

Kibon'iza moa no nihavian'ny ranomandry? Ary ny vongam-panala avy amin'ny lanitra, iza no niteraka azy?

38:30

כאבן מים יתחבאו ופני תהום יתלכדו׃

Tonga mafy toy ny vato ny rano, Ary mitambatra ny fanambonin'ny lalina.

38:31

התקשר מעדנות כימה או משכות כסיל תפתח׃

Mahavona ny kofehin'ny Ikotokelimiadilaona va ianao, ary mahavaha ny Telonohorefy?

38:32

התציא מזרות בעתו ועיש על בניה תנחם׃

Mahavoaka ny Mazarota amin'ny fotoany va ianao? Ary mahatondra ny Bera mbamin'ny zanany va ianao?

38:33

הידעת חקות שמים אם תשים משטרו בארץ׃

Fantatrao va ny lalàn'ny lanitra? Ary manendry ny fanapahan'ireny ny tany va ianao?

38:34

התרים לעב קולך ושפעת מים תכסך׃

Mahasandratra ny feonao ho amin'ny rahona matevina va ianao, Mba hanafotra anao ny rano mandriaka?

38:35

התשלח ברקים וילכו ויאמרו לך הננו׃

Mahay mandefa ny helatra va ianao, ka ho avy ireo hilaza aminao hoe: Indreto izahay?

38:36

מי שת בטחות חכמה או מי נתן לשכוי בינה׃

Iza moa no nanao ny rahona matevina ho fitoeram-pahendrena, Ary irery miseho erỳ an-danitra ho fampisehoana ny fahalalana?

38:37

מי יספר שחקים בחכמה ונבלי שמים מי ישכיב׃

Iza moa no manam-pahendrena mahisa ny rahom-potsy manify? Ary iza no mahatankina ny fitoeran-dranon'ny lanitra,

38:38

בצקת עפר למוצק ורגבים ידבקו׃

Hitambaran'ny vovoka ho dilatra sy hivonganany ho bainga?

38:39

התצוד ללביא טרף וחית כפירים תמלא׃

Mahay mihaza toha ho an'ny liom-bavy va ianao, sy mahafaka ny fahalianan'ny liona tanora,

38:40

כי ישחו במעונות ישבו בסכה למו ארב׃

Raha mamitsaka ao amin'ny fitoerany izy ary manotrika ao amin'ny kirihitrala?

38:41

מי יכין לערב צידו כי ילדו אל אל ישועו יתעו לבלי אכל׃

Iza moa no manome hanina ny goaika, raha mitaraina amin'Andriamanitra ny zanany ka mirenireny tsy mahita hanina?