Luke 22

Now the feast of unleavened bread drew nigh, which is called the Passover.

Ary efa mby akaiky ny andro firavoravoana fihinanana ny mofo tsy misy masirasira, dia ilay andro atao hoe Paska.

And the chief priests and scribes sought how they might kill him; for they feared the people.

Ary ny lohan'ny mpisorona sy ny mpanora-dalàna nitady izay hamonoany an'i Jesosy; nefa natahotra ny olona izy.

Then entered Satan into Judas surnamed Iscariot, being of the number of the twelve.

Fa Satana niditra tao anatin'i Jodasy, ilay atao hoe Iskariota, anankiray tamin'ny roa ambin'ny folo lahy;

And he went his way, and communed with the chief priests and captains, how he might betray him unto them.

dia nankao amin'ny lohan'ny mpisorona sy ny lehiben'ny mpiambina izy ka niresaka taminy ny amin'izay hamadihany an'i Jesosy amin'ireo.

And they were glad, and covenanted to give him money.

Dia faly ireo ka nanaiky hanome vola azy.

And he promised, and sought opportunity to betray him unto them in the absence of the multitude.

Ary nanaiky izy ka nitady izay andro hahazoany hamadika Azy amin'ireo amin'ny tsy misy olona.

Then came the day of unleavened bread, when the passover must be killed.

Ary tonga ny andro fihinanana ny mofo tsy misy masirasira, dia ilay tsy maintsy hamonoana ny Paska.

And he sent Peter and John, saying, Go and prepare us the passover, that we may eat.

Ary Jesosy naniraka an'i Petera sy Jaona ka nanao hoe: Mandehana, ka amboary ny Paska hohanintsika.

And they said unto him, Where wilt thou that we prepare?

Ary hoy ireo taminy: Aiza no tianao hanamboaranay azy?

And he said unto them, Behold, when ye are entered into the city, there shall a man meet you, bearing a pitcher of water; follow him into the house where he entereth in.

Dia hoy Izy taminy: Indro, raha miditra ao an-tanàna ianareo, dia hisy lehilahy mitondra siny feno rano hifanena aminareo; manaraha azy ao amin'ny trano izay hidirany.

And ye shall say unto the goodman of the house, The Master saith unto thee, Where is the guestchamber, where I shall eat the passover with my disciples?

Dia lazao amin'ny tompon-trano hoe: Izao no lazain'ny Mpampianatra aminao: Aiza ny efi-trano hiarahako mihinana ny Paska amin'ny mpianatro?

And he shall shew you a large upper room furnished: there make ready.

Ary izy hanoro anareo efi-trano malalaka ambony rihana, izay efa nasiana fipetrahana; any no amboary.

And they went, and found as he had said unto them: and they made ready the passover.

Dia nandeha izy ka nahita araka izay efa nolazainy taminy; dia namboatra ny Paska izy.

And when the hour was come, he sat down, and the twelve apostles with him.

Ary nony tonga ny fotoana, dia nipetraka hihinana Izy mbamin'ny Apostoly.

And he said unto them, With desire I have desired to eat this passover with you before I suffer:

Ary hoy Izy taminy: Naniry koa raha naniry Aho hiara-mihinana ity Paska ity aminareo, dieny mbola tsy mijaly Aho.

For I say unto you, I will not any more eat thereof, until it be fulfilled in the kingdom of God.

Fa lazaiko aminareo fa tsy mba hihinana izany intsony Aho ambara-pahatanterak'izany ao amin'ny fanjakan'Andriamanitra.

And he took the cup, and gave thanks, and said, Take this, and divide it among yourselves:

Ary nandray kapoaka Izy, dia nisaotra ka nanao hoe: Raiso ity, ka zarao aminareo;

For I say unto you, I will not drink of the fruit of the vine, until the kingdom of God shall come.

fa lazaiko aminareo fa hatramin'izao dia tsy hisotro ny vokatry ny voaloboka intsony Aho mandra-pahatongan'ny fanjakan'Andriamanitra.

And he took bread, and gave thanks, and brake it, and gave unto them, saying, This is my body which is given for you: this do in remembrance of me.

Ary nandray mofo Izy, ary rehefa nisaotra, dia novakiny ka natolony azy sady nataony hoe : Ity no tenako izay omena ho anareo; izao no ataovinareo ho fahatsiarovana Ahy.

Likewise also the cup after supper, saying, This cup is the new testament in my blood, which is shed for you.

Ary araka izany koa ny kapoaka, rehefa vita ny sakafo, dia hoy Izy: Ity kapoaka ity no fanekena vaovao amin'ny rako, izay aidina ho anareo.

But, behold, the hand of him that betrayeth me is with me on the table.

Fa, indro, ny tànan'izay mamadika Ahy dia eto amiko eto ambonin'ny latabatra.

And truly the Son of man goeth, as it was determined: but woe unto that man by whom he is betrayed!

Fa ny Zanak'olona mandeha tokoa, araka izay nanendrena; nefa lozan'izay lehilahy hahazoana manolotra Azy!

And they began to enquire among themselves, which of them it was that should do this thing.

Ary ireo nifanontany izay anankiray eo aminy hahefa izany.

And there was also a strife among them, which of them should be accounted the greatest.

Ary nisy koa fifandirana tao aminy ny amin'izay anankiray aminy hatao lehibe.

And he said unto them, The kings of the Gentiles exercise lordship over them; and they that exercise authority upon them are called benefactors.

Ary hoy Jesosy taminy: Ny mpanjakan'ny jentilisa mampanompo azy ary izay manapaka azy no atao hoe mpanao soa.

But ye shall not be so: but he that is greatest among you, let him be as the younger; and he that is chief, as he that doth serve.

Fa tsy mba toy izany ianareo; fa izay lehibe aminareo dia aoka ho toy ny zandry; ary izay manapaka dia aoka ho toy ny mpanompo.

For whether is greater, he that sitteth at meat, or he that serveth? is not he that sitteth at meat? but I am among you as he that serveth.

Fa iza moa no lehibe, izay mipetraka mihinana va, sa izay manompo? Tsy izay mipetraka mihinana va? Fa Izaho dia eo aminareo toy izay manompo.

Ye are they which have continued with me in my temptations.

Ary ianareo no naharitra nanaraka Ahy tamin'ny fakam-panahy nihatra tamiko;

And I appoint unto you a kingdom, as my Father hath appointed unto me;

koa Izaho dia manendry fanjakana ho anareo tahaka ny nanendren'ny Raiko ho Ahy,

That ye may eat and drink at my table in my kingdom, and sit on thrones judging the twelve tribes of Israel.

mba hihinana sy hisotro eo amin'ny latabatro amin'ny fanjakako ianareo sady hipetraka ambony seza fiandrianana hitsara ny firenen'isiraely roa ambin'ny folo,

And the Lord said, Simon, Simon, behold, Satan hath desired to have you, that he may sift you as wheat:

Ary hoy ny Tompo: Ry Simona, ry Simona, indro, Satana efa nilofo nitady anareo hokororohiny toy ny vary.

But I have prayed for thee, that thy faith fail not: and when thou art converted, strengthen thy brethren.

Nefa Izaho nangataka ho anao, mba tsy ho levona ny finoanao; ary rehefa mibebaka ianao, dia ampaherezo ireo rahalahinao.

And he said unto him, Lord, I am ready to go with thee, both into prison, and to death.

Ary hoy izy taminy: Tompoko, vonona hanaraka Anao aho, na ho ao an-tranomaizina, na dia ho amin'ny fahafatesana aza.

And he said, I tell thee, Peter, the cock shall not crow this day, before that thou shalt thrice deny that thou knowest me.

Fa hoy Jesosy: Lazaiko aminao, ry Petera: Raha tsy mbola misy akoho maneno anio, dia handà intelo ho tsy mahalala Ahy ianao.

And he said unto them, When I sent you without purse, and scrip, and shoes, lacked ye any thing? And they said, Nothing.

Ary hoy koa Izy taminy: Raha nirahiko tsy nitondra kitapom-bola na kitapom-batsy na kapa ianareo, moa nisy zavatra nahory anareo va? Dia hoy ireo: Tsy nisy.

Then said he unto them, But now, he that hath a purse, let him take it, and likewise his scrip: and he that hath no sword, let him sell his garment, and buy one.

Fa hoy Izy taminy: Fa amin'izao kosa, izay manana kitapom-bola dia aoka hitondra azy; ary toy izany koa ny kitapom-batsy; ary izay tsy manan-tsabatra kosa, dia aoka hivarotra ny lambany izy ka hividy.

For I say unto you, that this that is written must yet be accomplished in me, And he was reckoned among the transgressors: for the things concerning me have an end.

Fa lazaiko aminareo: Tsy maintsy ho tanteraka amiko izao voasoratra izao hoe: Ary Izy natao ho isan'ny mpanota (Isa. 53. 12); fa efa ho tanteraka ny amiko.

And they said, Lord, behold, here are two swords. And he said unto them, It is enough.

Ary hoy ireo: Tompoko, indreto sabatra roa. Dia hoy Jesosy taminy: Aoka izay.

And he came out, and went, as he was wont, to the mount of Olives; and his disciples also followed him.

Ary nivoaka Jesosy, koa araka ny fanaony dia nankao an-tendrombohitra Oliva Izy, ary ny mpianatra koa nanaraka Azy.

And when he was at the place, he said unto them, Pray that ye enter not into temptation.

Ary raha vao tonga tao amin'izany tany izany, dia hoy Izy taminy: Mivavaha mba tsy hidiranareo amin'ny fakam-panahy.

And he was withdrawn from them about a stone's cast, and kneeled down, and prayed,

Ary Izy nihataka taminy tokony ho indray mitora-bato, dia nandohalika ka nivavaka hoe:

Saying, Father, if thou be willing, remove this cup from me: nevertheless not my will, but thine, be done.

Raiko ô, raha sitrakao, dia esory amiko ity kapoaka ity; nefa aoka tsy ny sitrapoko anie no hatao, fa ny Anao.

And there appeared an angel unto him from heaven, strengthening him.

Ary nisy anjely avy tany an-danitra niseho teo aminy ka nampahery Azy.

And being in an agony he prayed more earnestly: and his sweat was as it were great drops of blood falling down to the ground.

Ary fadiranovana Izy, ka dia nivavaka mafimafy kokoa; ary ny dininy dia tahaka ny rà nipotrapotraka tamin'ny tany.

And when he rose up from prayer, and was come to his disciples, he found them sleeping for sorrow,

Ary nony nitsangana avy nivavaka Izy, dia nankeo amin'ny mpianatra ka nahita azy matorin'alahelo.

And said unto them, Why sleep ye? rise and pray, lest ye enter into temptation.

Dia hoy Izy taminy: Nahoana no dia matory ianareo? Mitsangàna, ka mivavaha, mba tsy hidiranareo amin'ny fakam-panahy.

And while he yet spake, behold a multitude, and he that was called Judas, one of the twelve, went before them, and drew near unto Jesus to kiss him.

Ary raha mbola niteny Jesosy, indreo, tamy ny vahoaka, ary ilay atao hoe Jodasy, isan'ny roa ambin'ny folo lahy, dia nandeha teo alohany ka nanatona an'i Jesosy hanoroka Azy.

But Jesus said unto him, Judas, betrayest thou the Son of man with a kiss?

Fa hoy Jesosy taminy: Ry Jodasy, fanorohana va no amadihanao ny Zanak'olona?

When they which were about him saw what would follow, they said unto him, Lord, shall we smite with the sword?

Ary izay teo aminy, raha nahita izay efa hanjo, dia nanao hoe: Tompoko, hamely amin'ny sabatra va izahay?

And one of them smote the servant of the high priest, and cut off his right ear.

Ary ny anankiray teo aminy dia nikapa ny mpanompon'ny mpisoronabe ka nahafaka ny sofiny ankavanana.

And Jesus answered and said, Suffer ye thus far. And he touched his ear, and healed him.

Fa Jesosy namaly ka nanao hoe: Aoka ihany na dia izao aza. Dia nanendry ny sofiny Izy ka nahasitrana azy.

Then Jesus said unto the chief priests, and captains of the temple, and the elders, which were come to him, Be ye come out, as against a thief, with swords and staves?

Ary hoy Jesosy tamin'ny lohan'ny mpisorona sy ny lehiben'ny mpiambina ny tempoly ary ny loholona izay tonga hisambotra Azy: Mivoaka mitondra sabatra sy langilangy toy ny hisambotra jiolahy va ianareo?

When I was daily with you in the temple, ye stretched forth no hands against me: but this is your hour, and the power of darkness.

Raha teo aminareo isan'andro teo an-kianjan'ny tempoly Aho, dia tsy naninji-tanana tamiko ianareo; fa izao no fotoanareo sy herin'ny maizina.

Then took they him, and led him, and brought him into the high priest's house. And Peter followed afar off.

Ary izy ireo nisambotra an'i Jesosy, dia nitondra Azy ho ao an-tranon'ny mpisoronabe. Ary Petera nanaraka teny lavidavitra eny.

And when they had kindled a fire in the midst of the hall, and were set down together, Peter sat down among them.

Ary raha namelona afo teo an-kianja ireo ka nipetraka, dia mba nipetraka teo aminy koa Petera.

But a certain maid beheld him as he sat by the fire, and earnestly looked upon him, and said, This man was also with him.

Ary ny ankizivavy anankiray, nony nahita azy nipetraka teo anilan'ny afo, dia nandinika azy ka nanao hoe: Ity koa nomba Azy.

And he denied him, saying, Woman, I know him not.

Fa izy nandà ka nanao hoe: Ravehivavy, tsy fantatro Izy.

And after a little while another saw him, and said, Thou art also of them. And Peter said, Man, I am not.

Ary vetivety foana rehefa afaka izany, dia nisy olona hafa koa nahita azy ka nanao hoe: Hianao koa mba naman'ireny. Fa Petera nanao hoe: Ralehilahy, tsy mba namany aho.

And about the space of one hour after another confidently affirmed, saying, Of a truth this fellow also was with him: for he is a Galilæan.

Ary rehefa afaka tokony ho ora iray, dia nisy anankiray koa nitompo teny ka nanao hoe: Ilehio nomba Azy marina tokoa, fa Galiliana izy.

And Peter said, Man, I know not what thou sayest. And immediately, while he yet spake, the cock crew.

Fa hoy Petera: Ralehilahy, tsy fantatro izay lazainao. Ary niaraka tamin'izay, raha mbola niteny izy, dia nisy akoho naneno.

And the Lord turned, and looked upon Peter. And Peter remembered the word of the Lord, how he had said unto him, Before the cock crow, thou shalt deny me thrice.

Ary ny Tompo nitodika, dia nijery an'i Petera. Ary Petera nahatsiaro ilay tenin'ny Tompo nolazainy taminy hoe: Raha tsy mbola misy akoho maneno anio, dia handà Ahy intelo ianao.

And Peter went out, and wept bitterly.

Ary nivoaka Petera, dia nitomany mafy indrindra.

And the men that held Jesus mocked him, and smote him.

Ary ny lehilahy izay nitana an'i Jesosy dia nanao Azy ho fihomehezana sady nikapoka Azy.

And when they had blindfolded him, they struck him on the face, and asked him, saying, Prophesy, who is it that smote thee?

Ary rehefa nanampi-maso Azy izy, dia nanontany Azy hoe: Maminania; iza moa no namely Anao?

And many other things blasphemously spake they against him.

Ary niteny ratsy izy nilaza zavatra maro hafa koa nanaratsiany Azy.

And as soon as it was day, the elders of the people and the chief priests and the scribes came together, and led him into their council, saying,

Ary raha vao nazava ny andro, niangona ny loholona, dia ny lohan'ny mpisorona sy ny mpanora-dalàna, ka nitondra an'i Jesosy ho eo amin'ny Synedriona, dia nanao hoe:

Art thou the Christ? tell us. And he said unto them, If I tell you, ye will not believe:

Raha Hianao no Kristy, dia lazao aminay. Fa hoy Izy taminy: Na dia hilaza aminareo aza Aho, dia tsy hino ianareo.

And if I also ask you, ye will not answer me, nor let me go.

Ary na dia hanontany aza Aho, dia tsy hamaly akory ianareo.

Hereafter shall the Son of man sit on the right hand of the power of God.

Fa hatramin'izao ny Zanak'olona dia hipetraka eo an-tanana ankavanan'ny herin'Andriamanitra.

Then said they all, Art thou then the Son of God? And he said unto them, Ye say that I am.

Dia hoy izy rehetra: Zanak'Andriamanitra va ary Hianao? Ary hoy Izy taminy: Voalazanareo fa Izaho no Izy.

And they said, What need we any further witness? for we ourselves have heard of his own mouth.

Ary hoy ireo: Ka inona indray no ilantsika vavolombelona? fa ny tenantsika no efa nandre tamin'ny vavany.