Job 41

41:1

תמשך לויתן בחכה ובחבל תשקיע לשנו׃

Ĉu vi povas eltiri levjatanon per fiŝhoko, Aŭ ligi per ŝnuro ĝian langon?

41:2

התשים אגמון באפו ובחוח תקוב לחיו׃

Ĉu vi povas trameti kanon tra ĝia nazo Kaj trapiki ĝian vangon per pikilo?

41:3

הירבה אליך תחנונים אם ידבר אליך רכות׃

Ĉu ĝi multe petegos vin, Aŭ parolos al vi flataĵojn?

41:4

היכרת ברית עמך תקחנו לעבד עולם׃

Ĉu ĝi faros interligon kun vi? Ĉu vi povas preni ĝin kiel porĉiaman sklavon?

41:5

התשחק בו כצפור ותקשרנו לנערותיך׃

Ĉu vi amuziĝos kun ĝi kiel kun birdo? Aŭ ĉu vi ligos ĝin por viaj knabinoj?

41:6

יכרו עליו חברים יחצוהו בין כנענים׃

Ĉu kamaradoj ĝin dishakos, Kaj dividos inter komercistoj?

41:7

התמלא בשכות עורו ובצלצל דגים ראשו׃

Ĉu vi povas plenigi per pikiloj ĝian haŭton Kaj per fiŝistaj hokoj ĝian kapon?

41:8

שים עליו כפך זכר מלחמה אל תוסף׃

Metu sur ĝin vian manon; Tiam vi bone memoros la batalon, kaj ĝin ne plu entreprenos.

41:9

הן תחלתו נכזבה הגם אל מראיו יטל׃

Vidu, la espero ĉiun trompos; Jam ekvidinte ĝin, li falos.

41:10

לא אכזר כי יעורנו ומי הוא לפני יתיצב׃

Neniu estas tiel kuraĝa, por inciti ĝin; Kiu do povas stari antaŭ Mi?

41:11

מי הקדימני ואשלם תחת כל השמים לי הוא׃

Kiu antaŭe ion donis al Mi, ke Mi redonu al li? Sub la tuta ĉielo ĉio estas Mia.

41:12

לא אחריש בדיו ודבר גבורות וחין ערכו׃

Mi ne silentos pri ĝiaj membroj, Pri ĝia forto kaj bela staturo.

41:13

מי גלה פני לבושו בכפל רסנו מי יבוא׃

Kiu povas levi ĝian veston? Kiu aliros al ĝia paro da makzeloj?

41:14

דלתי פניו מי פתח סביבות שניו אימה׃

Kiu povas malfermi la pordon de ĝia vizaĝo? Teruro ĉirkaŭas ĝiajn dentojn.

41:15

גאוה אפיקי מגנים סגור חותם צר׃

Ĝiaj fieraj skvamoj estas kiel ŝildoj, Interligitaj per fortika sigelo;

41:16

אחד באחד יגשו ורוח לא יבוא ביניהם׃

Unu kuntuŝiĝas kun la alia tiel, Ke aero ne povas trairi tra ili;

41:17

איש באחיהו ידבקו יתלכדו ולא יתפרדו׃

Unu alfortikiĝis al la alia, Interkuniĝis kaj ne disiĝas.

41:18

עטישתיו תהל אור ועיניו כעפעפי שחר׃

Ĝia terno briligas lumon, Kaj ĝiaj okuloj estas kiel la palpebroj de la ĉielruĝo.

41:19

מפיו לפידים יהלכו כידודי אש יתמלטו׃

El ĝia buŝo eliras torĉoj, Elkuras flamaj fajreroj.

41:20

מנחיריו יצא עשן כדוד נפוח ואגמן׃

El ĝiaj nazotruoj eliras fumo, Kiel el bolanta poto aŭ kaldrono.

41:21

נפשו גחלים תלהט ולהב מפיו יצא׃

Ĝia spiro ekbruligas karbojn, Kaj flamo eliras el ĝia buŝo.

41:22

בצוארו ילין עז ולפניו תדוץ דאבה׃

Sur ĝia kolo loĝas forto, Kaj antaŭ ĝi kuras teruro.

41:23

מפלי בשרו דבקו יצוק עליו בל ימוט׃

La partoj de ĝia karno estas firme kunligitaj inter si, Tenas sin fortike sur ĝi, kaj ne ŝanceliĝas.

41:24

לבו יצוק כמו אבן ויצוק כפלח תחתית׃

Ĝia koro estas malmola kiel ŝtono, Kaj fortika kiel suba muelŝtono.

41:25

משתו יגורו אלים משברים יתחטאו׃

Kiam ĝi sin levas, ektremas fortuloj, Konsterniĝas de teruro.

41:26

משיגהו חרב בלי תקום חנית מסע ושריה׃

Glavo, kiu alproksimiĝas al ĝi, ne povas sin teni, Nek lanco, sago, aŭ kiraso.

41:27

יחשב לתבן ברזל לעץ רקבון נחושה׃

Feron ĝi rigardas kiel pajlon, Kupron kiel putran lignon.

41:28

לא יבריחנו בן קשת לקש נהפכו לו אבני קלע׃

Ne forpelos ĝin sago; Ŝtonoj el ŝtonĵetilo fariĝas pajleroj antaŭ ĝi.

41:29

כקש נחשבו תותח וישחק לרעש כידון׃

Bastonegon ĝi rigardas kiel pajlon, Kaj ĝi mokas la sonon de lanco.

41:30

תחתיו חדודי חרש ירפד חרוץ עלי טיט׃

Sube ĝi havas akrajn pecetojn; Kiel draŝrulo ĝi kuŝas sur la ŝlimo.

41:31

ירתיח כסיר מצולה ים ישים כמרקחה׃

Kiel kaldronon ĝi ondigas la profundon; La maron ĝi kirlas kiel ŝmiraĵon.

41:32

אחריו יאיר נתיב יחשב תהום לשיבה׃

La vojo post ĝi lumas; La abismo aperas kiel grizaĵo.

41:33

אין על עפר משלו העשו לבלי חת׃

Ne ekzistas sur la tero io simila al ĝi; Ĝi estas kreita sentima.

41:34

את כל גבה יראה הוא מלך על כל בני שחץ׃

Ĝi rigardas malestime ĉion altan; Ĝi estas reĝo super ĉiuj sovaĝaj bestoj.