Proverbs 15

Ny famaliana mora dia mampianina ny fahatezerana mafy; Fa ny teny maharary mahatonga fahasosorana.

Une réponse douce calme la fureur, Mais une parole dure excite la colère.

Ny lelan'ny hendry mampiseho fahalalana tsara; Fa ny vavan'ny adala miboiboika fahadalana.

La langue des sages rend la science aimable, Et la bouche des insensés répand la folie.

Ny mason'i Jehovah amin'izao rehetra izao, Mijery ny ratsy fanahy sy ny tsara fanahy.

Les yeux de l'Eternel sont en tout lieu, Observant les méchants et les bons.

Ny teny malemy dia hazon'aina; Fa ny vava ratsy mandratra ny fanahy.

La langue douce est un arbre de vie, Mais la langue perverse brise l'âme.

Ny adala maniratsira ny famaizan-drainy; Fa izay mitandrina ny fananarana no hita ho hendry.

L'insensé dédaigne l'instruction de son père, Mais celui qui a égard à la réprimande agit avec prudence.

Ao an-tranon'ny marina misy harena be; Fa ny fitomboan'ny haren'ny ratsy fanahy dia misy loza.

Il y a grande abondance dans la maison du juste, Mais il y a du trouble dans les profits du méchant.

Ny molotry ny hendry mampiely fahendrena; Fa tsy mba toy izany ny fon'ny adala.

Les lèvres des sages répandent la science, Mais le coeur des insensés n'est pas droit.

Ny fanatitry ny ratsy fanahy dia fahavetavetana eo imason'i Jehovah; Fa ny fivavaky ny marina no sitrany.

Le sacrifice des méchants est en horreur à l'Eternel, Mais la prière des hommes droits lui est agréable.

Fahavetavetana eo imason'i Jehovah ny lalan'ny ratsy fanahy; Fa izay fatra-panaraka ny fahamarinana no tiany.

La voie du méchant est en horreur à l'Eternel, Mais il aime celui qui poursuit la justice.

Famaizana mafy no hihatra amin'izay mivily lalana. Eny, izay mankahala anatra dia ho faty.

Une correction sévère menace celui qui abandonne le sentier; Celui qui hait la réprimande mourra.

Ny fiainan-tsi-hita sy ny fandringanana aza dia miharihary eo anatrehan'i Jehovah, Koa mainka ny fon'ny zanak'olombelona!

Le séjour des morts et l'abîme sont devant l'Eternel; Combien plus les coeurs des fils de l'homme!

Tsy tian'ny mpaniratsira izay mananatra azy, Ary tsy mety manatona ny hendry izy.

Le moqueur n'aime pas qu'on le reprenne, Il ne va point vers les sages.

Ny fo ravoravo mahamiramirana ny tarehy; Fa ny alahelon'ny fo mahareraka ny fanahy.

Un coeur joyeux rend le visage serein; Mais quand le coeur est triste, l'esprit est abattu.

Ny fon'ny manan-tsaina mitady fahendrena; Fa ny vavan'ny adala mankamamy ny fahadalana.

Un coeur intelligent cherche la science, Mais la bouche des insensés se plaît à la folie.

Ratsy avokoa ny andron'ny ory; Fa ny faharavoravoam-po dia fanasana mandrakariva.

Tous les jours du malheureux sont mauvais, Mais le coeur content est un festin perpétuel.

Aleo ny kely misy ny fahatahorana an'i Jehovah Toy izay harena be misy ahiahy.

Mieux vaut peu, avec la crainte de l'Eternel, Qu'un grand trésor, avec le trouble.

Aleo sakafo anana ampian-tsetsetra Toy izay omby mifahy asian-dromoromo.

Mieux vaut de l'herbe pour nourriture, là où règne l'amour, Qu'un boeuf engraissé, si la haine est là.

Izay malaky tezitra manetsika ady; Fa izay mahatsindry fo mampitsahatra fifandirana.

Un homme violent excite des querelles, Mais celui qui est lent à la colère apaise les disputes.

Ny lalan'ny malaina dia toy ny fefy tsilo Fa ny lalamben'ny marina dia voalamina tsara.

Le chemin du paresseux est comme une haie d'épines, Mais le sentier des hommes droits est aplani.

Ny zanaka hendry mahafaly ny rainy; Fa ny adala manao tsinontsinona an-dreniny.

Un fils sage fait la joie de son père, Et un homme insensé méprise sa mère.

Ny fahadalana dia fifalian'ny tsy ampy saina; Fa ny manan-tsaina kosa mizotra mahitsy

La folie est une joie pour celui qui est dépourvu de sens, Mais un homme intelligent va le droit chemin.

Ho foana ny fikasana, raha tsy misy mpisaina; Fa raha maro ny mpanolo-tsaina, dia tanteraka izany.

Les projets échouent, faute d'une assemblée qui délibère; Mais ils réussissent quand il y a de nombreux conseillers.

Faly ny olona, raha mahavaly tsara ny vavany, Ary endrey ny hatsaran'ny teny atao amin'izay andro mahamety azy!

On éprouve de la joie à donner une réponse de sa bouche; Et combien est agréable une parole dite à propos!

Làlan'aina ho any ambony no alehan'ny hendry, Hanalavirany ny fiainan-tsi-hita any ambany,

Pour le sage, le sentier de la vie mène en haut, Afin qu'il se détourne du séjour des morts qui est en bas.

Ravan'i Jehovah ny tranon'ny mpiavonavona; Fa ny fari-tanin'ny mpitondra-tena aoriny mafy.

L'Eternel renverse la maison des orgueilleux, Mais il affermit les bornes de la veuve.

Fahavetavetana eo imason'i Jehovah ny hevi-dratsy; Fa madio ny teny mahafinaritra.

Les pensées mauvaises sont en horreur à l'Eternel, Mais les paroles agréables sont pures à ses yeux.

Izay fatra-pila harena dia mampidi-doza amin'ny ankohonany; Fa izay mankahala kolikoly no ho velona.

Celui qui est avide de gain trouble sa maison, Mais celui qui hait les présents vivra.

Ny fon'ny marina mihevitra vao mamaly; Fa ny vavan'ny ratsy fanahy kosa miboiboika faharatsiana.

Le coeur du juste médite pour répondre, Mais la bouche des méchants répand des méchancetés.

Jehovah dia lavitra ny ratsy fanahy; Fa ny fivavaky ny marina no henoiny.

L'Eternel s'éloigne des méchants, Mais il écoute la prière des justes.

Ny tarehy miramirana mahafaly ny fo; Ary ny filazan-tsoa mamelombelona ny taolana.

Ce qui plaît aux yeux réjouit le coeur; Une bonne nouvelle fortifie les membres.

Ny sofina izay mihaino anatra mahavelona Dia miara-mitoetra amin'ny hendry.

L'oreille attentive aux réprimandes qui mènent à la vie Fait son séjour au milieu des sages.

Izay mandà anatra dia manary tena; Fa izay mihaino ny fananarana no mahazo fahalalana.

Celui qui rejette la correction méprise son âme, Mais celui qui écoute la réprimande acquiert l'intelligence.

Ny fahatahorana an'i Jehovah dia fananarana mampahahendry; Ary ny fanetren-tena mialoha ny fisandratana.

La crainte de l'Eternel enseigne la sagesse, Et l'humilité précède la gloire.