Proverbs 15

מענה רך ישיב חמה ודבר עצב יעלה אף׃

回答柔和，使怒消退；言语暴戾，触动怒气。

לשון חכמים תיטיב דעת ופי כסילים יביע אולת׃

智慧人的舌善发知识；愚昧人的口吐出愚昧。

בכל מקום עיני יהוה צפות רעים וטובים׃

耶和华的眼目无处不在；恶人善人，他都鉴察。

מרפא לשון עץ חיים וסלף בה שבר ברוח׃

温良的舌是生命树；乖谬的嘴使人心碎。

אויל ינאץ מוסר אביו ושמר תוכחת יערם׃

愚妄人藐视父亲的管教；领受责备的，得著见识。

בית צדיק חסן רב ובתבואת רשע נעכרת׃

义人家中多有财宝；恶人得利反受扰害。

שפתי חכמים יזרו דעת ולב כסילים לא כן׃

智慧人的嘴播扬知识；愚昧人的心并不如此。

זבח רשעים תועבת יהוה ותפלת ישרים רצונו׃

恶人献祭，为耶和华所憎恶；正直人祈祷，为他所喜悦。

תועבת יהוה דרך רשע ומרדף צדקה יאהב׃

恶人的道路，为耶和华所憎恶；追求公义的，为他所喜爱。

מוסר רע לעזב ארח שונא תוכחת ימות׃

舍弃正路的，必受严刑；恨恶责备的，必致死亡。

שאול ואבדון נגד יהוה אף כי לבות בני אדם׃

阴间和灭亡尚在耶和华眼前，何况世人的心呢？

לא יאהב לץ הוכח לו אל חכמים לא ילך׃

亵慢人不爱受责备；他也不就近智慧人。

לב שמח ייטב פנים ובעצבת לב רוח נכאה׃

心中喜乐，面带笑容；心里忧愁，灵被损伤。

לב נבון יבקש דעת ופני כסילים ירעה אולת׃

聪明人心求知识；愚昧人口吃愚昧。

כל ימי עני רעים וטוב לב משתה תמיד׃

困苦人的日子都是愁苦；心中欢畅的，常享丰筵。

טוב מעט ביראת יהוה מאוצר רב ומהומה בו׃

少有财宝，敬畏耶和华，强如多有财宝，烦乱不安。

טוב ארחת ירק ואהבה שם משור אבוס ושנאה בו׃

吃素菜，彼此相爱，强如吃肥牛，彼此相恨。

איש חמה יגרה מדון וארך אפים ישקיט ריב׃

暴怒的人挑启争端；忍怒的人止息纷争。

דרך עצל כמשכת חדק וארח ישרים סללה׃

懒惰人的道像荆棘的篱笆；正直人的路是平坦的大道。

בן חכם ישמח אב וכסיל אדם בוזה אמו׃

智慧子使父亲喜乐；愚昧人藐视母亲。

אולת שמחה לחסר לב ואיש תבונה יישר לכת׃

无知的人以愚妄为乐；聪明的人按正直而行。

הפר מחשבות באין סוד וברב יועצים תקום׃

不先商议，所谋无效；谋士众多，所谋乃成。

שמחה לאיש במענה פיו ודבר בעתו מה טוב׃

口善应对，自觉喜乐；话合其时，何等美好。

ארח חיים למעלה למשכיל למען סור משאול מטה׃

智慧人从生命的道上升，使他远离在下的阴间。

בית גאים יסח יהוה ויצב גבול אלמנה׃

耶和华必拆毁骄傲人的家，却要立定寡妇的地界。

תועבת יהוה מחשבות רע וטהרים אמרי נעם׃

恶谋为耶和华所憎恶；良言乃为纯净。

עכר ביתו בוצע בצע ושונא מתנת יחיה׃

贪恋财利的，扰害己家；恨恶贿赂的，必得存活。

לב צדיק יהגה לענות ופי רשעים יביע רעות׃

义人的心，思量如何回答；恶人的口吐出恶言。

רחוק יהוה מרשעים ותפלת צדיקים ישמע׃

耶和华远离恶人，却听义人的祷告。

מאור עינים ישמח לב שמועה טובה תדשן עצם׃

眼有光，使心喜乐；好信息，使骨滋润。

אזן שמעת תוכחת חיים בקרב חכמים תלין׃

听从生命责备的，必常在智慧人中。

פורע מוסר מואס נפשו ושומע תוכחת קונה לב׃

弃绝管教的，轻看自己的生命；听从责备的，却得智慧。

יראת יהוה מוסר חכמה ולפני כבוד ענוה׃

敬畏耶和华是智慧的训诲；尊荣以前，必有谦卑。