Luke 2

I aua ra ka whakatakotoria he tikanga e Hiha Akuhata kia tuhituhia te ao katoa.

And it came to pass in those days, that there went out a decree from Cæsar Augustus, that all the world should be taxed.

Ko te tuhituhinga tuatahi tenei i meatia i te wa ko Kuirinia te kawana o Hiria.

(And this taxing was first made when Cyrenius was governor of Syria.)

A ka haere nga tangata katoa kia tuhituhia, ia tangata, ia tangata, ki tona ake pa.

And all went to be taxed, every one into his own city.

I haere atu ano a Hohepa i Kariri, i te pa, i Nahareta, ki Huria, ki te pa o Rawiri, ko Peterehema te ingoa: no te mea no te whare ia, no te kawei o Rawiri:

And Joseph also went up from Galilee, out of the city of Nazareth, into Judæa, unto the city of David, which is called Bethlehem; (because he was of the house and lineage of David:)

Kia tuhituhia ai raua ko tana wahine taumau, ko Meri, e hapu ana ia.

To be taxed with Mary his espoused wife, being great with child.

A, i a raua i reira, ka rite nga ra e whanau ai ia.

And so it was, that, while they were there, the days were accomplished that she should be delivered.

Na ka whanau tana matamua, a takaia ana e ia ki nga kakahu, ka whakatakotoria ki te takotoranga kai ma nga kararehe; no te mea kahore he wahi mo ratou i te whare.

And she brought forth her firstborn son, and wrapped him in swaddling clothes, and laid him in a manger; because there was no room for them in the inn.

I taua wahi hoki etahi hepara e noho koraha ana, e tiaki ana i ta ratou kahui i te po.

And there were in the same country shepherds abiding in the field, keeping watch over their flock by night.

Na tu ana tetahi anahera a te Ariki i o ratou taha, a whiti ana te kororia o te Ariki ki a ratou a tawhio noa; a nui whakaharahara to ratou wehi.

And, lo, the angel of the Lord came upon them, and the glory of the Lord shone round about them: and they were sore afraid.

Na ka mea te anahera ki a ratou, Kaua e mataku: ta te mea he kaikauwhau tenei ahau ki a koutou mo te hari nui, meake puta mai ki te iwi katoa.

And the angel said unto them, Fear not: for, behold, I bring you good tidings of great joy, which shall be to all people.

Nonaianei hoki i whanau ai he Kaiwhakaora mo koutou i te pa o Rawiri, ara a te Karaiti, te Ariki.

For unto you is born this day in the city of David a Saviour, which is Christ the Lord.

Ko te tohu tenei ki a koutou; E kite koutou i te tamaiti ka oti te takai ki te kakahu, e takoto ana i te takotoranga kai ma nga kararehe.

And this shall be a sign unto you; Ye shall find the babe wrapped in swaddling clothes, lying in a manger.

Na ohorere tonu ko tetahi ope nui o te rangi e tu tahi ana me taua anahera, e whakamoemiti ana ki te Atua, e mea ana,

And suddenly there was with the angel a multitude of the heavenly host praising God, and saying,

Kia whai kororia te Atua i runga rawa, kia mau te rongo ki runga ki te whenua, me te whakaaro pai ki nga tangata.

Glory to God in the highest, and on earth peace, good will toward men.

A, ka mawehe atu nga anahera i a ratou ki te rangi, ka mea nga hepara tetahi ki tetahi, Tatou ka haere ki Peterehema, kia kite i tenei mea kua puta nei, kua whakapuakina mai nei e te Ariki ki a tatou.

And it came to pass, as the angels were gone away from them into heaven, the shepherds said one to another, Let us now go even unto Bethlehem, and see this thing which is come to pass, which the Lord hath made known unto us.

Na kaika tonu ta ratou haere, a ka kite i a Meri, i a Hohepa, i te tamaiti hoki e takoto ana i te takotoranga kai ma nga kararehe.

And they came with haste, and found Mary, and Joseph, and the babe lying in a manger.

A, no ka kite, ka whakapuakina te mea i korerotia ki a ratou mo tenei tamaiti.

And when they had seen it, they made known abroad the saying which was told them concerning this child.

A miharo ana nga kaiwhakarongo katoa ki enei mea, i korerotia nei ki a ratou e nga hepara.

And all they that heard it wondered at those things which were told them by the shepherds.

Ko Meri ia i ata rongoa i enei mea katoa, me te whakaaroaro i roto i tona ngakau.

But Mary kept all these things, and pondered them in her heart.

Na ka hoki nga hepara, me te whakakororia, me te whakamoemiti ki te Atua mo nga mea katoa i rongo nei, i kite nei ratou, i rite nei ki nga mea i korerotia ki a ratou.

And the shepherds returned, glorifying and praising God for all the things that they had heard and seen, as it was told unto them.

A, no ka rite nga ra e waru, e kotia ai te tamaiti, ka huaina tona ingoa ko IHU, ko ta te anahera i hua ai ia te mea kahore ano i hapu tona whaea.

And when eight days were accomplished for the circumcising of the child, his name was called JESUS, which was so named of the angel before he was conceived in the womb.

A ka rite nga ra e purea ai te whaea, e whakaritea ai te ture a Mohi, ka kawea ia e ratou ki Hiruharama, kia tapaea ki te Ariki.

And when the days of her purification according to the law of Moses were accomplished, they brought him to Jerusalem, to present him to the Lord;

Kia peratia me te mea i tuhituhia ki te ture a te Ariki, Ko nga tane katoa e oroko puta mai i te kopu, e kiia he tapu ki te Ariki.

(As it is written in the law of the Lord, Every male that openeth the womb shall be called holy to the Lord;)

Kia hoatu ano he patunga tapu, te mea i korerotia i roto i te ture a te Ariki, Kia rua kukupa, kia rua ranei pi kukupa.

And to offer a sacrifice according to that which is said in the law of the Lord, A pair of turtledoves, or two young pigeons.

Na, i Hiruharama tetahi tangata, ko Himiona te ingoa; he tangata tika, he tangata whakaaro, e tatari ana ki te whakaharinga o Iharaira: kei runga hoki te Wairua Tapu i a ia.

And, behold, there was a man in Jerusalem, whose name was Simeon; and the same man was just and devout, waiting for the consolation of Israel: and the Holy Ghost was upon him.

Na kua whakamaharatia ia e te Wairua Tapu, e kore ia e kite i te mate, kia kite ra ano ia i ta te Ariki Karaiti.

And it was revealed unto him by the Holy Ghost, that he should not see death, before he had seen the Lord's Christ.

Na ka haere ia ki te temepara, he meatanga na te Wairua: a i nga matua e mau ana i te tamaiti, i a Ihu, kia meatia ai e raua ki a ia ta te ture i whakarite ai,

And he came by the Spirit into the temple: and when the parents brought in the child Jesus, to do for him after the custom of the law,

Ka tango ia i a ia ki ona ringa, ka whakapai ki te Atua, ka mea,

Then took he him up in his arms, and blessed God, and said,

Katahi, e te Ariki, ka tukua tau pononga kia haere i runga i te rangimarie, ka pera me tau i korero ai:

Lord, now lettest thou thy servant depart in peace, according to thy word:

Ka kite nei hoki oku kanohi i tau whakaoranga,

For mine eyes have seen thy salvation,

Ka whakatakotoria nei e koe ki te aroaro o nga iwi katoa;

Which thou hast prepared before the face of all people;

Hei whakamarama e kite ai nga tauiwi, hei kororia hoki mo tau iwi, mo Iharaira.

A light to lighten the Gentiles, and the glory of thy people Israel.

A miharo tonu a Hohepa raua ko tona whaea ki nga kupu i korerotia mona.

And Joseph and his mother marvelled at those things which were spoken of him.

Na ka manaaki a Himiona i a raua, a ka mea ki tona whaea, ki a Meri, Nana, ka waiho tenei tama hei takanga, hei aranga, mo te tini o te tangata i roto i a Iharaira; hei tohu hoki e korerotia kinotia;

And Simeon blessed them, and said unto Mary his mother, Behold, this child is set for the fall and rising again of many in Israel; and for a sign which shall be spoken against;

Ae ra, ka tika atu ano te hoari, a puta noa i tou ake wairua, e hurahia ai nga whakaaro o nga ngakau maha.

(Yea, a sword shall pierce through thy own soul also,) that the thoughts of many hearts may be revealed.

A tera hoki tetahi ko Ana, he poropiti, he tamahine na Panuera, no te iwi o Ahera; kua kaumatua ia, e whitu nga tau o tona wahinetanga ake i noho ai i te tane;

And there was one Anna, a prophetess, the daughter of Phanuel, of the tribe of Aser: she was of a great age, and had lived with an husband seven years from her virginity;

He pouaru, kua waru tekau ma wha rawa ona tau e pera ana; heoi kihai i mahue i a ia te temepara; he karakia tonu tana, he nohopuku, he inoi, i te po, i te ao.

And she was a widow of about fourscore and four years, which departed not from the temple, but served God with fastings and prayers night and day.

Na ka tae atu ia i taua haora ano, ka whakawhetai ki te Ariki, a korerotia ana ia e ia ki te hunga katoa o Hiruharama e tatari ana ki te whakaoranga.

And she coming in that instant gave thanks likewise unto the Lord, and spake of him to all them that looked for redemption in Jerusalem.

A, no ka oti nga mea katoa e rite ana ki ta te Ariki ture, ka hoki ratou ki Kariri, ki to ratou ake pa, ki Nahareta.

And when they had performed all things according to the law of the Lord, they returned into Galilee, to their own city Nazareth.

Na ka tupu te tamaiti, ka pakari haere, ka ki i nga whakaaro nunui: a i runga i a ia te aroha noa o te Atua.

And the child grew, and waxed strong in spirit, filled with wisdom: and the grace of God was upon him.

A i haere ona matua i ia tau, i ia tau ki Hiruharama i te hakari o te kapenga.

Now his parents went to Jerusalem every year at the feast of the passover.

A ka tekau ma rua ona tau, ka haere ratou i runga i nga ritenga o te hakari.

And when he was twelve years old, they went up to Jerusalem after the custom of the feast.

A ka rite nga ra, i a raua e hoki ana, ka whakaware iho te tamaiti, a Ihu, i Hiruharama; kihai hoki ona matua i mohio.

And when they had fulfilled the days, as they returned, the child Jesus tarried behind in Jerusalem; and Joseph and his mother knew not of it.

I mahara hoki raua kei roto ia i te tira, na ka haere, kotahi te ra ki te ara; a ka rapu raua i a ia i roto i nga whanaunga, i a raua tangata hoki i mohio ai.

But they, supposing him to have been in the company, went a day's journey; and they sought him among their kinsfolk and acquaintance.

A, no te korenga i kitea ia, hoki ana raua ki Hiruharama, ki te rapu i a ia.

And when they found him not, they turned back again to Jerusalem, seeking him.

A, muri iho i nga ra e toru ka kitea ia i roto i te temepara, e noho ana i waenganui o nga kaiwhakaako, e whakarongo ana ki a ratou, e ui ana ki a ratou.

And it came to pass, that after three days they found him in the temple, sitting in the midst of the doctors, both hearing them, and asking them questions.

A miharo katoa ki tona matauranga, ki ana korero, te hunga i rongo ki a ia.

And all that heard him were astonished at his understanding and answers.

A, no ka kite raua i a ia, ka tino miharo: ka mea tona whaea ki a ia, E tama, he aha koe i penei ai ki a maua? na, pouri noa iho maua ko tou papa, i a maua i rapu nei i a koe.

And when they saw him, they were amazed: and his mother said unto him, Son, why hast thou thus dealt with us? behold, thy father and I have sought thee sorrowing.

Ka mea ia ki a raua, he aha korua i rapu ai i ahau? Kihai korua i mahara kia noho ahau i te whare o toku Matua?

And he said unto them, How is it that ye sought me? wist ye not that I must be about my Father's business?

Heoi kihai raua i matau ki te kupu i korerotia ra e ia ki a raua.

And they understood not the saying which he spake unto them.

Na ka haere tahi atu ia me raua ka tae ki Nahareta, ka ngohengohe ia ki a raua: ko tona whaea ia i rongoa i enei kupu katoa i roto i tona ngakau.

And he went down with them, and came to Nazareth, and was subject unto them: but his mother kept all these sayings in her heart.

Na ka kake haere a Ihu te whakaaro nui, te kaumatua, ka paingia ano e te Atua, e te tangata.

And Jesus increased in wisdom and stature, and in favour with God and man.