Proverbs 10

משלי שלמה בן חכם ישמח אב ובן כסיל תוגת אמו׃

Men pwovèb wa Salomon yo: Yon pitit ki gen bon konprann fè kè papa l' kontan. Men, yon pitit san konprann bay manman l' lapenn.

לא יועילו אוצרות רשע וצדקה תציל ממות׃

Byen ou rive fè nan move kondisyon p'ap rapòte ou anyen. Men, lè ou serye, ou sove lavi ou.

לא ירעיב יהוה נפש צדיק והות רשעים יהדף׃

Seyè a p'ap kite moun ki mache dwat soufri grangou. Men, l'ap anpeche mechan an jwenn sa li anvi a.

ראש עשה כף רמיה ויד חרוצים תעשיר׃

Parese fè ou pòv, men travay di fè ou rich.

אגר בקיץ בן משכיל נרדם בקציר בן מביש׃

Yon nonm ki wè lwen ranmase rekòt li lè rekòt la pare. Men, se yon wont pou moun ki pase tou tan rekòt la ap dòmi.

ברכות לראש צדיק ופי רשעים יכסה חמס׃

benediksyon Bondye ap chita sou yon nonm debyen. Pawòl yon moun mechan p'ap janm kite ou wè jan l' mechan.

זכר צדיק לברכה ושם רשעים ירקב׃

Y'ap toujou chonje yon nonm debyen, y'a fè lwanj pou li. Men, talè konsa non mechan an ap sèvi jouman.

חכם לב יקח מצות ואויל שפתים ילבט׃

Moun ki gen bon konprann koute konsèy yo ba li. Men, moun k'ap pale tankou moun fou pa lwen mouri.

הולך בתם ילך בטח ומעקש דרכיו יודע׃

Yon nonm serye pa janm bezwen pe anyen. Men, yo gen pou yo bare moun k'ap fè vis.

קרץ עין יתן עצבת ואויל שפתים ילבט׃

Moun k'ap twenzi je yo sou moun, se moun k'ap voye wòch kache men. Men, moun ki pale kare anpeche kont.

מקור חיים פי צדיק ופי רשעים יכסה חמס׃

Pawòl ki soti nan bouch moun k'ap mache dwat yo bay lavi. Men, pawòl yon moun mechan p'ap janm kite ou wè jan l' mechan.

שנאה תעורר מדנים ועל כל פשעים תכסה אהבה׃

Lè ou gen renmen nan kè ou, ou padonnen tout peche. Men, lè ou rayi moun, ou toujou ap chache kont.

בשפתי נבון תמצא חכמה ושבט לגו חסר לב׃

Moun lespri pale bon pawòl. Men, pou moun san konprann, se baton nan dèyè yo.

חכמים יצפנו דעת ופי אויל מחתה קרבה׃

Moun ki gen bon konprann toujou ap aprann. Men, lè moun san konprann ap pale, malè pa lwen.

הון עשיר קרית עזו מחתת דלים רישם׃

Byen yon moun rich, se pwoteksyon li. Men, depi yon nonm pòv, nanpwen pwoteksyon pou li.

פעלת צדיק לחיים תבואת רשע לחטאת׃

Travay moun k'ap mache dwat yo bay lavi. Lajan moun k'ap fe sa ki mal yo se pou malè yo.

ארח לחיים שומר מוסר ועוזב תוכחת מתעה׃

Moun ki koute lè yo rale zòrèy yo ap jwenn chemen lavi. Men, moun ki refize admèt lè yo antò pèdi chemen yo.

מכסה שנאה שפתי שקר ומוצא דבה הוא כסיל׃

Moun ki rayi moun nan kè yo, se moun ou pa ka fye. Tout moun k'ap mache fè tripotay se moun san konprann.

ברב דברים לא יחדל פשע וחשך שפתיו משכיל׃

Plis ou pale anpil, plis ou ka rive fè peche. Lè ou gen bonjan konprann ou kenbe bouch ou fèmen.

כסף נבחר לשון צדיק לב רשעים כמעט׃

Pawòl ki soti nan bouch moun k'ap mache dwat, se lò. Men, lide k'ap travay nan tèt yon mechan pa vo anyen.

שפתי צדיק ירעו רבים ואוילים בחסר לב ימותו׃

Pawòl ki soti nan bouch moun k'ap mache dwat ap pwofite anpil moun. Men, moun sòt yo ap mouri, paske yo pa gen konprann.

ברכת יהוה היא תעשיר ולא יוסף עצב עמה׃

benediksyon Bondye bay moun richès. Ou te mèt travay di ou pa ka mete anyen sou li.

כשחוק לכסיל עשות זמה וחכמה לאיש תבונה׃

Lè moun san konprann ap fè sa ki mal, se tankou yon jwèt pou yo. Men, yon moun lespri pran plezi l' nan chache gen bon konprann.

מגורת רשע היא תבואנו ותאות צדיקים יתן׃

Yon moun ki mache dwat, Bondye va ba li tou sa l' ta renmen genyen. Men mechan an, se sa l' pè rive l' la k'ap rive l'.

כעבור סופה ואין רשע וצדיק יסוד עולם׃

Depi move tan pase, mechan yo disparèt lamenm. Men, moun k'ap mache dwat yo ap toujou kanpe fèm.

כחמץ לשנים וכעשן לעינים כן העצל לשלחיו׃

Pa janm voye parese fè komisyon pou ou. L'ap ennève ou menm jan sitwon fè dan moun gasi, menm jan lafimen fè je moun koule dlo.

יראת יהוה תוסיף ימים ושנות רשעים תקצרנה׃

Krentif pou Bondye fè moun viv lontan. Men, mechan yo mouri anvan lè yo.

תוחלת צדיקים שמחה ותקות רשעים תאבד׃

Sa moun k'ap mache dwat yo ap tann lan va rive vre. Men, mechan yo p'ap janm jwenn sa y'ap tann lan.

מעוז לתם דרך יהוה ומחתה לפעלי און׃

Chemen Bondye se yon pwoteksyon pou moun ki serye. Men, l'ap detwi moun k'ap fè mal yo.

צדיק לעולם בל ימוט ורשעים לא ישכנו ארץ׃

Yo p'ap janm ka fè moun k'ap mache dwat yo brannen. Men, mechan yo ap disparèt nan peyi a.

פי צדיק ינוב חכמה ולשון תהפכות תכרת׃

Lè moun k'ap mache dwat yo ap pale, se bon koze yo bay. Men, moun k'ap pale mal yo ap disparèt.

שפתי צדיק ידעון רצון ופי רשעים תהפכות׃

Moun k'ap mache dwat yo konn bèl pawòl pou yo di. Men, lang mechan yo, se kouto de bò.