Psalms 37

De David. Ne t'irrite pas contre les méchants, N'envie pas ceux qui font le mal.

Se yon sòm David. Pa fè kòlè lè ou wè mechan yo! Pa anvye sò moun k'ap fè mal yo!

Car ils sont fauchés aussi vite que l'herbe, Et ils se flétrissent comme le gazon vert.

Talè konsa, y'ap rache yo tankou raje. Yo gen pou yo fennen tankou zèb gazon.

Confie-toi en l'Eternel, et pratique le bien; Aie le pays pour demeure et la fidélité pour pâture.

Mete konfyans ou nan Seyè a, fè sa ki byen! Pran peyi a fè kay ou, viv ak kè poze!

Fais de l'Eternel tes délices, Et il te donnera ce que ton coeur désire.

Si se nan Seyè a ou pran tout plezi ou, l'a ba ou tou sa ou ta renmen.

Recommande ton sort à l'Eternel, Mets en lui ta confiance, et il agira.

Renmèt kòz ou nan men Seyè a! Mete konfyans ou nan li, l'a ede ou.

Il fera paraître ta justice comme la lumière, Et ton droit comme le soleil à son midi.

L'a fè jistis ou parèt aklè tankou yon limyè, l'a fè rezon ou parèt aklè tankou gwo solèy midi.

Garde le silence devant l'Eternel, et espère en lui; Ne t'irrite pas contre celui qui réussit dans ses voies, Contre l'homme qui vient à bout de ses mauvais desseins.

Rete dousman dèvan Seyè a, pran san ou. Tann li fè sa l' gen pou l' fè a. Pa fè kòlè lè ou wè moun gen zafè yo ap mache byen. lè ou wè moun reyalize tout move lide yo gen nan tèt yo.

Laisse la colère, abandonne la fureur; Ne t'irrite pas, ce serait mal faire.

Pa fache, pa fè move san. Ou pa bezwen ennève! Sa kapab fè ou fè sa ki mal.

Car les méchants seront retranchés, Et ceux qui espèrent en l'Eternel posséderont le pays.

Moun ki mete konfyans yo nan Seyè a va pran peyi a pou yo. Men, y'ap disparèt mechan yo.

Encore un peu de temps, et le méchant n'est plus; Tu regardes le lieu où il était, et il a disparu.

Talè konsa, p'ap gen mechan ankò. W'a chache yo, ou p'ap jwenn yo.

Les misérables possèdent le pays, Et ils jouissent abondamment de la paix.

Men, moun ki soumèt devan Bondye, yo pral resevwa pèyi a pou byen yo, y'a viv ak kè poze nèt ale.

Le méchant forme des projets contre le juste, Et il grince des dents contre lui.

Mechan yo ap fè konplo sou moun k'ap mache dwat yo. Y'ap gade yo konsa, yo anvi devore yo.

Le Seigneur se rit du méchant, Car il voit que son jour arrive.

Seyè a ap ri mechan an, paske li konnen mechan an pa la pou lontan.

Les méchants tirent le glaive, Ils bandent leur arc, Pour faire tomber le malheureux et l'indigent, Pour égorger ceux dont la voie est droite.

Mechan yo rale koulin yo, y'ap pare banza yo, pou yo touye pòv yo ak malere yo, pou ansasinen moun k'ap mache dwat yo.

Leur glaive entre dans leur propre coeur, Et leurs arcs se brisent.

Men, se yo menm menm koulin yo pral rache. Banza yo menm ap kase nan men yo.

Mieux vaut le peu du juste Que l'abondance de beaucoup de méchants;

Pito ou pa gen anpil byen, men ou mache dwat, pase pou ou gen anpil richès nan fè sa ki mal.

Car les bras des méchants seront brisés, Mais l'Eternel soutient les justes.

Paske, Bondye ap kraze kouraj mechan yo, men l'ap soutni moun ki mache dwat yo.

L'Eternel connaît les jours des hommes intègres, Et leur héritage dure à jamais.

Seyè a konnen jan moun ki fè volonte l' yo ap viv. Eritaj yo la pou tout tan.

Ils ne sont pas confondus au temps du malheur, Et ils sont rassasiés aux jours de la famine.

Yo p'ap wont lè bagay gate, y'ap jwenn tou sa yo bezwen lè grangou tonbe sou peyi a.

Mais les méchants périssent, Et les ennemis de l'Eternel, comme les plus beaux pâturages; Ils s'évanouissent, ils s'évanouissent en fumée.

Men mechan yo ap peri. Moun ki pa vle wè Seyè a ap fennen tankou flè savann. Y'ap disparèt tankou lafimen.

Le méchant emprunte, et il ne rend pas; Le juste est compatissant, et il donne.

Mechan an prete, li pa nan renmèt. Men, moun ki mache dwat yo gen kè sansib, yo fè kado.

Car ceux que bénit l'Eternel possèdent le pays, Et ceux qu'il maudit sont retranchés.

Moun Seyè a beni va pran peyi a pou yo. Men, moun ki anba madichon Bondye gen pou disparèt sou tè a.

L'Eternel affermit les pas de l'homme, Et il prend plaisir à sa voie;

Seyè a pran men lèzòm, li mete yo nan bon chemen. Li kontan wè yo mache dwat.

S'il tombe, il n'est pas terrassé, Car l'Eternel lui prend la main.

Si yo tonbe, yo p'ap rete atè a. Paske Seyè a ap ba yo men.

J'ai été jeune, j'ai vieilli; Et je n'ai point vu le juste abandonné, Ni sa postérité mendiant son pain.

Depi mwen timoun jouk mwen vin granmoun, mwen pa janm wè Bondye lage yon moun ki mache dwat, ni mwen pa janm wè pitit pitit li yo ap mande charite.

Toujours il est compatissant, et il prête; Et sa postérité est bénie.

Okontrè, moun ki mache dwat l'a toujou gen kè sansib pou l' bay, pou li prete moun tou. Tout pitit pitit li yo tounen yon benediksyon pou lòt moun.

Détourne-toi du mal, fais le bien, Et possède à jamais ta demeure.

Pa fè mal, fè sa ki byen. W'a toujou gen yon kote nan peyi a pou ou rete.

Car l'Eternel aime la justice, Et il n'abandonne pas ses fidèles; Ils sont toujours sous sa garde, Mais la postérité des méchants est retranchée.

Paske, Seyè a renmen moun ki mache dwat. Li pa lage moun ki kenbe fèm nan sèvis li. L'ap toujou pwoteje yo. Men, ras mechan yo gen pou disparèt.

Les justes posséderont le pays, Et ils y demeureront à jamais.

Moun ki mache dwat gen pou pran peyi a pou yo. Y'ap rete nan peyi a tout tan tout tan.

La bouche du juste annonce la sagesse, Et sa langue proclame la justice.

Moun ki mache dwat devan Bondye bay bon konsèy. Se bon pawòl ase ki soti nan bouch li.

La loi de son Dieu est dans son coeur; Ses pas ne chancellent point.

Li kenbe lalwa Bondye a fèm nan kè li, li p'ap janm bite.

Le méchant épie le juste, Et il cherche à le faire mourir.

Mechan an ap veye tout vire tounen moun k'ap mache dwat, l'ap chache jan pou l' touye l'.

L'Eternel ne le laisse pas entre ses mains, Et il ne le condamne pas quand il est en jugement.

Men, Seyè a p'ap lage l' nan men mechan an, li p'ap kite yo kondannen l' lè y'ap jije l'.

Espère en l'Eternel, garde sa voie, Et il t'élèvera pour que tu possèdes le pays; Tu verras les méchants retranchés.

Mete konfyans ou nan Seyè a, fè tou sa l' mande ou fè. L'ap ba ou fòs pou ou ka pran peyi a pou ou. Ou gen pou wè mechan yo disparèt sou latè.

J'ai vu le méchant dans toute sa puissance; Il s'étendait comme un arbre verdoyant.

Mwen te wè yon mechan ki te fè tout moun pè li, li te kanpe tankou yon gwo pye mapou.

Il a passé, et voici, il n'est plus; Je le cherche, et il ne se trouve plus.

Apre sa, mwen tounen vin pase kote l' te ye a, li pa t' la. Mwen chache l', mwen pa janm wè l' ankò.

Observe celui qui est intègre, et regarde celui qui est droit; Car il y a une postérité pour l'homme de paix.

Gade moun k'ap mache dwat la byen gade. Gade tout vire tounen l'. Moun ki viv byen ak tout moun ap gen pitit ak pitit pitit.

Mais les rebelles sont tous anéantis, La postérité des méchants est retranchée.

Men, moun k'ap fè mal yo, y'ap rete konsa y'ap disparèt. Tout pitit ak pitit pitit yo ap disparèt tou.

Le salut des justes vient de l'Eternel; Il est leur protecteur au temps de la détresse.

Se Seyè a k'ap sove moun ki mache dwat yo. L'ap sèvi yo defans lè yo nan tray.

L'Eternel les secourt et les délivre; Il les délivre des méchants et les sauve, Parce qu'ils cherchent en lui leur refuge.

L'ap pote yo sekou, l'ap delivre yo. L'ap wete yo anba men mechan yo, paske se anba zèl li y' al chache pwoteksyon.