Proverbs 12

אהב מוסר אהב דעת ושנא תוכחת בער׃

Moun ki renmen yo korije yo, se moun ki toujou vle konnen. Men, moun ki pa renmen yo rale zòrèy yo, se moun san konprann.

טוב יפיק רצון מיהוה ואיש מזמות ירשיע׃

Seyè a kontan ak moun k'ap fè sa ki byen. Men, l'ap kondannen moun ki toujou sou plan.

לא יכון אדם ברשע ושרש צדיקים בל ימוט׃

Fè mechanste pa bay moun fòs pou yo rete kanpe. Men, moun ki mache dwat p'ap janm brannen.

אשת חיל עטרת בעלה וכרקב בעצמותיו מבישה׃

Yon bon madanm se yon lwanj li ye pou mari li. Men, yon madanm ki fè mari l' wont, se tankou yon maladi k'ap manje ou nan zo.

מחשבות צדיקים משפט תחבלות רשעים מרמה׃

Yon nonm serye p'ap janm mete nan tèt li pou l' fè ou lenjistis. Men, mechan yo ap toujou chache twonpe ou.

דברי רשעים ארב דם ופי ישרים יצילם׃

Pawòl ki soti nan bouch mechan se pèlen pou touye moun. Men, pawòl ki soti nan bouch moun k'ap mache dwat yo, se delivrans pou moun ki an danje.

הפוך רשעים ואינם ובית צדיקים יעמד׃

Rive yon lè, pye mechan yo chape. Ou chache yo, ou pa wè yo. Men, fanmi moun k'ap mache dwat yo ap toujou la.

לפי שכלו יהלל איש ונעוה לב יהיה לבוז׃

Y'ap fè lwanj moun ki gen konprann. Men, y'ap meprize moun ki malveyan.

טוב נקלה ועבד לו ממתכבד וחסר לחם׃

Pito ou pase pou malere men ou gen manje pou ou manje, pase pou ou pran pòz grannèg ou epi w'ap mouri grangou.

יודע צדיק נפש בהמתו ורחמי רשעים אכזרי׃

Moun ki mache dwat okipe ata zannimo nan lakou yo. Men, mechan yo san zantray.

עבד אדמתו ישבע לחם ומרדף ריקים חסר לב׃

Moun ki travay jaden ap jwenn manje pou yo manje plen vant yo. Men, moun k'ap pèdi tan yo nan fè bagay san valè, se san konprann yo ye.

חמד רשע מצוד רעים ושרש צדיקים יתן׃

Mechan toujou ap fè gwo lide dèyè bagay mechan parèy yo pran. Men, moun k'ap mache dwat ap fè bagay k'ap rapòte yo.

בפשע שפתים מוקש רע ויצא מצרה צדיק׃

Pawòl ki soti nan bouch moun mechan tounen yon pèlen pou yo. Men, moun k'ap mache dwat ap soti nan tout move pa.

מפרי פי איש ישבע טוב וגמול ידי אדם ישוב לו׃

Rekonpans yon moun chita sou sa li di ak bouch li. Sa ou fè se sa ou wè.

דרך אויל ישר בעיניו ושמע לעצה חכם׃

Moun sòt toujou konprann sa y'ap fè a byen. Men, moun ki gen bon konprann koute konsèy yo ba yo.

אויל ביום יודע כעסו וכסה קלון ערום׃

Lè yon moun san konprann ankòlè, tout moun wè sa lamenm. Men, yon moun veyatif, lè ou fè l' malonèt, li fè tankou li pa konprann.

יפיח אמונה יגיד צדק ועד שקרים מרמה׃

Lè ou di verite nan tribinal, ou rann lajistis sèvis. Men, temwen k'ap bay manti, se lenjistis l'ap ankouraje.

יש בוטה כמדקרות חרב ולשון חכמים מרפא׃

Pawòl moun ki di tou sa ki vin nan bouch yo se kout ponya. Men, pawòl moun ki gen bon konprann se renmèd.

שפת אמת תכון לעד ועד ארגיעה לשון שקר׃

Manti la pou yon ti tan. Men, verite la pou tout tan tout tan.

מרמה בלב חרשי רע וליעצי שלום שמחה׃

Moun k'ap kalkile jan pou yo fè moun mal, se move kou y'ap chache pote. Men, moun k'ap bay bon konsèy ap gen kè kontan.

לא יאנה לצדיק כל און ורשעים מלאו רע׃

Malè pa janm rive moun k'ap mache dwat. Men, pou mechan yo se apse sou klou.

תועבת יהוה שפתי שקר ועשי אמונה רצונו׃

Seyè a pa vle wè moun k'ap manti. Men, li kontan nèt ak moun ki toujou kenbe pawòl yo.

אדם ערום כסה דעת ולב כסילים יקרא אולת׃

Moun lespri pa janm nan fè moun wè tou sa yo konnen. Men, moun san konprann ap mache fè moun wè jan yo sòt.

יד חרוצים תמשול ורמיה תהיה למס׃

Travay di fè ou grannèg. Men, parese fè ou rete ak moun.

דאגה בלב איש ישחנה ודבר טוב ישמחנה׃

Tèt chaje kraze kouraj yon moun. Men, yon bon pawòl fè kè l' kontan.

יתר מרעהו צדיק ודרך רשעים תתעם׃

Moun ki mache dwat ap toujou moutre zanmi l' bon chemen. Men, mechan an ap fè yo pèdi chemen yo.

לא יחרך רמיה צידו והון אדם יקר חרוץ׃

Parese ap toujou rete grangou. Tout richès yon moun se travay li.

בארח צדקה חיים ודרך נתיבה אל מות׃

Fè sa ki dwat, w'a jwenn ak lavi. Fè sa ki mal, w'a jwenn ak lanmò.