Proverbs 13

בן חכם מוסר אב ולץ לא שמע גערה׃

Yon pitit gason ki gen bon konprann ap koute lè papa l' ap rale zòrèy li. Men, moun k'ap pase moun nan betiz p'ap janm koute lè y'ap fè l' obsèvasyon pou korije l'.

מפרי פי איש יאכל טוב ונפש בגדים חמס׃

Rekonpans yon moun chita sou sa li di ak bouch li. Men, moun ki ipokrit renmen fè mechanste.

נצר פיו שמר נפשו פשק שפתיו מחתה לו׃

Veye pawòl ki soti nan bouch ou, w'a pwoteje lavi ou. Moun k'ap prese louvri bouch yo pale ap detwi pwòp tèt yo.

מתאוה ואין נפשו עצל ונפש חרצים תדשן׃

Parese p'ap janm jwenn sa yo ta renmen genyen. Men, moun k'ap travay di ap jwenn tou sa yo ta renmen genyen.

דבר שקר ישנא צדיק ורשע יבאיש ויחפיר׃

Moun k'ap mache dwat pa vle wè moun k'ap bay manti. Men, sa mechan yo ap fè a se yon wont, se yon dezonè pou tèt yo.

צדקה תצר תם דרך ורשעה תסלף חטאת׃

Lè ou toujou fè sa ki byen, lajistis ap pwoteje ou. Men, peche lakòz mechan yo disparèt.

יש מתעשר ואין כל מתרושש והון רב׃

Gen moun ki pa gen anyen men ki pran pòz moun rich yo. Gen moun ki pran pòz moun pòv yo, epi se yo ki gen fòtin.

כפר נפש איש עשרו ורש לא שמע גערה׃

Yon moun rich sèvi ak lajan l' pou l' sove lavi l'. Moun ki pòv pa vle tande lè w'ap rele dèyè l'.

אור צדיקים ישמח ונר רשעים ידעך׃

Moun k'ap mache dwat yo tankou lanp k'ap klere byen klere. Men, mechan yo tankou yon lanp ki prèt pou mouri.

רק בזדון יתן מצה ואת נועצים חכמה׃

Moun awogan yo toujou ap pouse dife. Men, moun ki koute konsèy, se moun ki gen bon konprann.

הון מהבל ימעט וקבץ על יד ירבה׃

Lajan ou fè fasil pa lwen fini. Lajan ou fè nan di ap toujou fè pitit.

תוחלת ממשכה מחלה לב ועץ חיים תאוה באה׃

Lè ou pa jwenn sa ou t'ap tann lan, se bagay ki pou fè ou malad. Men, lè ou jwenn sa ou te anvi a, se lavi pou ou.

בז לדבר יחבל לו וירא מצוה הוא ישלם׃

Lè ou pa respekte pawòl ki nan lalwa Bondye a, se dèt ou fè. Men, moun ki fè sa lalwa mande yo fè a ap jwenn rekonpans yo.

תורת חכם מקור חיים לסור ממקשי מות׃

Sa moun ki gen bon konprann ap moutre a bay lavi. L'ap ede ou pou ou pa tonbe lè lavi ou an danje.

שכל טוב יתן חן ודרך בגדים איתן׃

Lè ou gen bon konprann, sa fè moun renmen ou. Men, lè moun pa ka fè ou konfyans, ou nan di.

כל ערום יעשה בדעת וכסיל יפרש אולת׃

Tout moun ki gen konprann kalkile byen anvan yo fè yon bagay. Men, moun san konprann yo ap fè ou wè jan yo sòt.

מלאך רשע יפל ברע וציר אמונים מרפא׃

Yon move komisyonè ap mete moun nan ka. Men, yon komisyonè serye ap bay moun kè poze.

ריש וקלון פורע מוסר ושומר תוכחת יכבד׃

Yon moun ki refize aprann ap toujou pòv, l'ap toujou wont. Men, y'ap respekte moun ki koute lè yo rale zòrèy yo.

תאוה נהיה תערב לנפש ותועבת כסילים סור מרע׃

Ala bon sa bon lè ou jwenn sa ou te anvi a! Moun san konprann derefize kite move chemen yo pran an.

הלוך את חכמים וחכם ורעה כסילים ירוע׃

Fè zanmi ak moun ki gen konesans, ou menm tou w'a vin gen konesans. Fè zanmi ak moun ki san konprann, ou nan pwoblèm.

חטאים תרדף רעה ואת צדיקים ישלם טוב׃

Malè ap pousib moun k'ap fè sa ki mal. Men, moun ki mache dwat ap jwenn bon rekonpans.

טוב ינחיל בני בנים וצפון לצדיק חיל חוטא׃

Yon moun ki gen bon kè ap kite byen pou pitit pitit li. Men, richès moun k'ap fè sa ki mal, se moun ki mache dwat yo k'ap jwi li.

רב אכל ניר ראשים ויש נספה בלא משפט׃

Jaden malere bay kont manje. Men, lenjistis fè l' mouri grangou.

חושך שבטו שונא בנו ואהבו שחרו מוסר׃

Si ou pè bat pitit gason ou, ou pa renmen l'. Si ou renmen l', se pou ou korije l'.

צדיק אכל לשבע נפשו ובטן רשעים תחסר׃

Moun k'ap mache dwat toujou gen ase pou yo manje. Men, vant mechan yo pa janm plen.