Proverbs 11

11:1

מאזני מרמה תועבת יהוה ואבן שלמה רצונו׃

Malvera pesilo estas abomenaĵo por la Eternulo; Sed plena pezo plaĉas al Li.

11:2

בא זדון ויבא קלון ואת צנועים חכמה׃

Se venis malhumileco, venos ankaŭ honto; Sed ĉe la humiluloj estas saĝo.

11:3

תמת ישרים תנחם וסלף בוגדים ושדם׃

La senkulpeco de la piuloj gvidos ilin; Sed la falsemo pereigos la maliculojn.

11:4

לא יועיל הון ביום עברה וצדקה תציל ממות׃

Ne helpos riĉo en la tago de kolero; Sed bonfaremo savas de morto.

11:5

צדקת תמים תישר דרכו וברשעתו יפל רשע׃

La justeco de piulo ebenigas lian vojon; Sed malpiulo falos per sia malpieco.

11:6

צדקת ישרים תצילם ובהות בגדים ילכדו׃

La justeco de piuloj savos ilin; Sed la pasio de maliculoj ilin kaptos.

11:7

במות אדם רשע תאבד תקוה ותוחלת אונים אבדה׃

Kiam mortas homo pia, ne pereas lia espero; Sed la atendo de la pekuloj pereas.

11:8

צדיק מצרה נחלץ ויבא רשע תחתיו׃

Piulo estas savata kontraŭ mizero, Kaj malpiulo venas sur lian lokon.

11:9

בפה חנף ישחת רעהו ובדעת צדיקים יחלצו׃

Per la buŝo de hipokritulo difektiĝas lia proksimulo; Sed per kompreno piuloj saviĝas.

11:10

בטוב צדיקים תעלץ קריה ובאבד רשעים רנה׃

Kiam al la piuloj estas bone, la urbo ĝojas; Kaj kiam pereas malpiuloj, ĝi estas gaja.

11:11

בברכת ישרים תרום קרת ובפי רשעים תהרס׃

Per la beno de piuloj urbo altiĝas; Kaj per la buŝo de malpiuloj ĝi ruiniĝas.

11:12

בז לרעהו חסר לב ואיש תבונות יחריש׃

Kiu mokas sian proksimulon, tiu estas malsaĝulo; Sed homo prudenta silentas.

11:13

הולך רכיל מגלה סוד ונאמן רוח מכסה דבר׃

Kiu iras kun kalumnioj, tiu elperfidas sekreton; Sed kiu havas fidelan spiriton, tiu konservas aferon.

11:14

באין תחבלות יפל עם ותשועה ברב יועץ׃

Ĉe manko de prikonsiliĝo popolo pereas; Sed ĉe multe da konsilantoj estas bonstato.

11:15

רע ירוע כי ערב זר ושנא תקעים בוטח׃

Malbonon faras al si tiu, kiu garantias por fremdulo; Sed kiu malamas donadon de mano, tiu estas ekster danĝero.

11:16

אשת חן תתמך כבוד ועריצים יתמכו עשר׃

Aminda virino akiras honoron, Kaj potenculoj akiras riĉon.

11:17

גמל נפשו איש חסד ועכר שארו אכזרי׃

Bonkora homo donos bonon al sia animo, Kaj kruelulo detruas sian karnon.

11:18

רשע עשה פעלת שקר וזרע צדקה שכר אמת׃

Malvirtulo akiras profiton malveran, Kaj la semanto de virto veran rekompencon.

11:19

כן צדקה לחיים ומרדף רעה למותו׃

Bonfarado kondukas al vivo; Kaj kiu celas malbonon, tiu iras al sia morto.

11:20

תועבת יהוה עקשי לב ורצונו תמימי דרך׃

Abomenaĵo por la Eternulo estas la malickoruloj; Sed plaĉas al Li tiuj, kiuj iras vojon pian.

11:21

יד ליד לא ינקה רע וזרע צדיקים נמלט׃

Oni povas esti certa, ke malvirtulo ne restos senpuna; Sed la idaro de virtuloj estos savita.

11:22

נזם זהב באף חזיר אשה יפה וסרת טעם׃

Kiel ora ringo sur la nazo de porko, Tiel estas virino bela, sed malbonkonduta.

11:23

תאות צדיקים אך טוב תקות רשעים עברה׃

La deziro de virtuloj estas nur bono; Sed malvirtuloj povas esperi nur koleron.

11:24

יש מפזר ונוסף עוד וחושך מישר אך למחסור׃

Unu disdonas, kaj riĉiĝas ĉiam pli; Alia tro avaras, kaj tamen nur malriĉiĝas.

11:25

נפש ברכה תדשן ומרוה גם הוא יורא׃

Animo benanta ĝuos bonstaton; Kaj kiu trinkigas, tiu mem havos sufiĉe por trinki.

11:26

מנע בר יקבהו לאום וברכה לראש משביר׃

Kiu retenas grenon, tiun malbenas la popolo; Sed beno venas sur la kapon de tiu, kiu disdonas.

11:27

שחר טוב יבקש רצון ודרש רעה תבואנו׃

Kiu celas bonon, tiu atingos plaĉon; Sed kiu serĉas malbonon, tiun ĝi trafos.

11:28

בוטח בעשרו הוא יפל וכעלה צדיקים יפרחו׃

Kiu fidas sian riĉecon, tiu falos; Sed virtuloj floros kiel juna folio.

11:29

עוכר ביתו ינחל רוח ועבד אויל לחכם לב׃

Kiu detruas sian domon, tiu heredos venton; Kaj malsaĝulo estas sklavo de saĝulo.

11:30

פרי צדיק עץ חיים ולקח נפשות חכם׃

La frukto de virtulo estas arbo de vivo; Kaj akiranto de animoj estas saĝulo.

11:31

הן צדיק בארץ ישלם אף כי רשע וחוטא׃

Se virtulo ricevas redonon sur la tero, Tiom pli malvirtulo kaj pekulo!