Psalms 103

Salmo de David. BENDICE, alma mía á JEHOVÁ; Y bendigan todas mis entrañas su santo nombre.

Se yon sòm David. Kite m' di Seyè a mèsi! Kite m' di Seyè ki pa tankou tout moun lan mèsi ak tout nanm mwen!

Bendice, alma mía, á JEHOVÁ, Y no olvides ninguno de sus beneficios.

Wi, kite m' di Seyè a mèsi. Mwen pa dwe janm bliye tout byen li fè pou mwen.

Él es quien perdona todas tus iniquidades, El que sana todas tus dolencias;

Li padonnen tout peche m' yo, li geri tout maladi m' yo.

El que rescata del hoyo tu vida, El que te corona de favores y misericordias;

Li wete m' nan bouch twou a. Li beni m', li fè m' wè jan li renmen m', jan li gen pitye pou mwen.

El que sacia de bien tu boca De modo que te rejuvenezcas como el águila.

Li kouvri m' ak benediksyon pandan tout lavi m', li fè m' rete jenn ak tout fòs mwen, tankou malfini.

JEHOVÁ el que hace justicia Y derecho á todos los que padecen violencia.

Seyè a pa nan patipri. Li rann jistis an favè tout moun k'ap sibi lenjistis.

Sus caminos notificó á Moisés, Y á los hijos de Israel sus obras.

Li fè Moyiz konnen sa l' te gen nan tèt li, li fè pitit Izrayèl yo wè mèvèy li yo.

Misericordioso y clemente es JEHOVÁ; Lento para la ira, y grande en misericordia.

Seyè a gen kè sansib, li gen bon kè. Li pa fè kòlè fasil, li p'ap janm sispann renmen nou.

No contenderá para siempre, Ni para siempre guardará el enojo.

Li p'ap pase tout tan l' ap pini nou, li pa ankòlè pou lontan.

No ha hecho con nosotros conforme á nuestras iniquidades; Ni nos ha pagado conforme á nuestros pecados.

Li pa aji ak nou jan nou ta merite l' la, li pa pini nou jan l' ta dwe pini nou.

Porque como la altura de los cielos sobre la tierra, Engrandeció su misericordia sobre los que le temen.

Menm jan syèl la byen lwen anwo tè a, se konsa Seyè a renmen moun ki gen krentif pou li.

Cuanto está lejos el oriente del occidente, Hizo alejar de nosotros nuestras rebeliones.

Menm jan kote solèy leve a byen lwen ak kote solèy kouche a, se konsa li wete peche nou yo, li voye yo jete byen lwen nou.

Como el padre se compadece de los hijos, Se compadece JEHOVÁ de los que le temen.

Menm jan yon papa sansib pou pitit li, se konsa Seyè a sansib pou moun ki gen krentif pou li.

Porque él conoce nuestra condición; Acuérdase que somos polvo.

Li konnen ak kisa nou fèt, li chonje se pousyè tè nou ye.

El hombre, como la hierba son sus días, Florece como la flor del campo.

Lèzòm menm, lavi yo tankou zèb. Yo grandi, yo fleri tankou flè savann.

Que pasó el viento por ella, y pereció: Y su lugar no la conoce más.

Kou van soufle sou yo, yo disparèt. Pesonn pa rekonèt kote yo te ye a.

Mas la misericordia de JEHOVÁ desde el siglo y hasta el siglo sobre los que le temen, Y su justicia sobre los hijos de los hijos;

Men renmen Bondye pou moun ki gen krentif pou li yo, se bagay ki la pou tout tan. L'ap gen pitye pou pitit pitit yo,

Sobre los que guardan su pacto, Y los que se acuerdan de sus mandamientos para ponerlos por obra.

pou moun ki kenbe pawòl yo ak li, pou moun ki chonje kòmandman li yo pou obeyi yo.

JEHOVÁ afirmó en los cielos su trono; Y su reino domina sobre todos.

Seyè a mete fotèy li anwo nan syèl la, l'ap gouvènen tout bagay.

Bendecid á JEHOVÁ, vosotros sus ángeles, Poderosos en fortaleza, que ejecutáis su palabra, Obedeciendo á la voz de su precepto.

Nou menm zanj li yo ki vanyan, ki gen fòs, nou menm k'ap fè tou sa li mande nou fè, nou menm k'ap koute sa l'ap di nou, fè lwanj Seyè a!

Bendecid á JEHOVÁ, vosotros todos sus ejércitos, Ministros suyos, que hacéis su voluntad.

Nou tout ki fè pati lame ki nan syèl la, nou tout k'ap sèvi l', k'ap fè volonte li, di Seyè a mèsi!

Bendecid á JEHOVÁ, vosotras todas sus obras, En todos los lugares de su señorío. Bendice, alma mía á JEHOVÁ.

Nou tout kreyati Bondye, nou tout ki toupatou kote l'ap gouvènen, di Seyè a mèsi! Wi, kite m' di Seyè a mèsi!