Job 9

Nang magkagayo'y sumagot si Job, at nagsabi,

et respondens Iob ait

Sa katotohanan ay nalalaman kong ito'y gayon: nguni't paanong makapaggaganap ang tao sa Dios?

vere scio quod ita sit et quod non iustificetur homo conpositus Deo

Kung kalugdan niyang makipagtalo sa kaniya, siya'y hindi makasasagot sa kaniya ng isa sa isang libo.

si voluerit contendere cum eo non poterit ei respondere unum pro mille

Siya ay pantas sa puso, at may kaya sa kalakasan: sinong nagmatigas laban sa kaniya at guminhawa?

sapiens corde est et fortis robore quis restitit ei et pacem habuit

Na siyang naglilipat ng mga bundok, at hindi nila nalalaman, pagka nililiglig niya sa kaniyang pagkagalit.

qui transtulit montes et nescierunt hii quos subvertit in furore suo

Na siyang umuuga ng lupa sa kaniyang kinaroroonan, at ang mga haligi nito ay nangayayanig.

qui commovet terram de loco suo et columnae eius concutiuntur

Na siyang naguutos sa araw, at hindi sumisikat; at nagtatakda sa mga bituin.

qui praecipit soli et non oritur et stellas claudit quasi sub signaculo

Na nagiisang inuunat ang langit, at tumutungtong sa mga alon ng dagat.

qui extendit caelos solus et graditur super fluctus maris

Na lumikha sa Oso, sa Orion, at sa mga Pleyade, at sa mga silid ng timugan.

qui facit Arcturum et Oriona et Hyadas et interiora austri

Na gumagawa ng mga dakilang bagay na di masayod; Oo, mga kamanghamanghang bagay na walang bilang.

qui facit magna et inconprehensibilia et mirabilia quorum non est numerus

Narito, siya'y dumaraan sa siping ko, at hindi ko siya nakikita: siya'y nagpapatuloy rin naman, nguni't hindi ko siya namamataan.

si venerit ad me non videbo si abierit non intellegam eum

Narito, siya'y nangangagaw sinong makasasansala sa kaniya? Sinong magsasabi sa kaniya: Anong ginagawa mo?

si repente interroget quis respondebit ei vel quis dicere potest cur facis

Hindi iuurong ng Dios ang kaniyang galit; ang mga manunulong sa Rahab ay nagsisiyukod sa ilalim niya.

Deus cuius resistere irae nemo potest et sub quo curvantur qui portant orbem

Gaano pa nga kaya kaliit ang maisasagot ko sa kaniya, at mapipiling aking mga salita na maimamatuwid ko sa kaniya?

quantus ergo sum ego qui respondeam ei et loquar verbis meis cum eo

Na kahiman ako'y matuwid, gayon may hindi ako sasagot sa kaniya; ako'y mamamanhik sa aking hukom.

qui etiam si habuero quippiam iustum non respondebo sed meum iudicem deprecabor

Kung ako'y tumawag, at siya'y sumagot sa akin; gayon ma'y hindi ako maniniwala na kaniyang dininig ang aking tinig.

et cum invocantem exaudierit me non credo quod audierit vocem meam

Sapagka't ako'y ginigiba niya sa pamamagitan ng isang bagyo, at pinararami ang aking mga sugat ng walang kadahilanan.

in turbine enim conteret me et multiplicabit vulnera mea etiam sine causa

Hindi niya ako tutulutang ako'y huminga, nguni't nililipos niya ako ng hirap.

non concedit requiescere spiritum meum et implet me amaritudinibus

Kung kami ay magsalita tungkol sa kalakasan, narito, siya'y may kapangyarihan! At kung sa kahatulan, sino, sinasabi niya ay magtatakda sa akin ng panahon?

si fortitudo quaeritur robustissimus est si aequitas iudicii nemo pro me audet testimonium dicere

Kahiman ako'y matuwid, ang aking sariling bibig ay hahatol sa akin: kahiman ako'y sakdal patototohanan niya akong masama.

si iustificare me voluero os meum condemnabit me si innocentem ostendere pravum me conprobabit

Ako'y sakdal; hindi ko talos ang aking sarili; aking niwalang kabuluhan ang aking buhay.

etiam si simplex fuero hoc ipsum ignorabit anima mea et taedebit me vitae meae

Lahat ay isa; kaya't aking sinasabi: kaniyang ginigiba ang sakdal at ang masama.

unum est quod locutus sum et innocentem et impium ipse consumit

Kung ang panghampas ay pumapatay na bigla, tatawanan niya ang paglilitis sa mga walang sala.

si flagellat occidat semel et non de poenis innocentum rideat

Ang lupa ay nabigay sa kamay ng masama: kaniyang tinatakpan ang mga mukha ng mga hukom nito; kung hindi siya, sino nga?

terra data est in manu impii vultum iudicum eius operit quod si non ille est quis ergo est

Ngayo'y ang mga kaarawan ko ay matulin kay sa isang sugo: dumadaang matulin, walang nakikitang mabuti.

dies mei velociores fuerunt cursore fugerunt et non viderunt bonum

Sila'y nagsisidaang parang mga matuling sasakyan: parang agila na dumadagit ng huli.

pertransierunt quasi naves poma portantes sicut aquila volans ad escam

Kung aking sabihin: Aking kalilimutan ang aking daing, aking papawiin ang aking malungkot na mukha, at magpapakasaya ako:

cum dixero nequaquam ita loquar commuto faciem meam et dolore torqueor

Ako'y natatakot sa lahat kong kapanglawan, talastas ko na hindi mo aariin akong walang sala.

verebar omnia opera mea sciens quod non parceres delinquenti

Ako'y mahahatulan; bakit nga ako gagawa ng walang kabuluhan?

si autem et sic impius sum quare frustra laboravi

Kung ako'y maligo ng nieveng tubig, at gawin ko ang aking mga kamay na napakalinis;

si lotus fuero quasi aquis nivis et fulserint velut mundissimae manus meae

Gayon ma'y itutulak mo ako sa hukay, at kayayamutan ako ng aking mga sariling kasuutan.

tamen sordibus intingues me et abominabuntur me vestimenta mea

Sapagka't siya'y hindi tao, na gaya ko, na sasagot ako sa kaniya, na tayo'y pumasok kapuwa sa kahatulan,

neque enim viro qui similis mei est respondebo nec qui mecum in iudicio ex aequo possit audiri

Walang hukom sa pagitan natin, na makapaglagay ng kaniyang kamay sa ating dalawa.

non est qui utrumque valeat arguere et ponere manum suam in ambobus

Ihiwalay niya sa akin ang kaniyang tungkod, at huwag akong takutin ng kaniyang pangilabot:

auferat a me virgam suam et pavor eius non me terreat

Kung magkagayo'y magsasalita ako, at hindi matatakot sa kaniya; sapagka't hindi gayon ako sa aking sarili.

loquar et non timebo eum neque enim possum metuens respondere