Job 9

ایوب نے جواب دے کر کہا،

ויען איוב ויאמר׃

”مَیں خوب جانتا ہوں کہ تیری بات درست ہے۔ لیکن اللہ کے حضور انسان کس طرح راست باز ٹھہر سکتا ہے؟

אמנם ידעתי כי כן ומה יצדק אנוש עם אל׃

اگر وہ عدالت میں اللہ کے ساتھ لڑنا چاہے تو اُس کے ہزار سوالات پر ایک کا بھی جواب نہیں دے سکے گا۔

אם יחפץ לריב עמו לא יעננו אחת מני אלף׃

اللہ کا دل دانش مند اور اُس کی قدرت عظیم ہے۔ کون کبھی اُس سے بحث مباحثہ کر کے کامیاب رہا ہے؟

חכם לבב ואמיץ כח מי הקשה אליו וישלם׃

اللہ پہاڑوں کو کھسکا دیتا ہے، اور اُنہیں پتا ہی نہیں چلتا۔ وہ غصے میں آ کر اُنہیں اُلٹا دیتا ہے۔

המעתיק הרים ולא ידעו אשר הפכם באפו׃

وہ زمین کو ہلا دیتا ہے تو وہ لرز کر اپنی جگہ سے ہٹ جاتی ہے، اُس کے بنیادی ستون کانپ اُٹھتے ہیں۔

המרגיז ארץ ממקומה ועמודיה יתפלצון׃

وہ سورج کو حکم دیتا ہے تو طلوع نہیں ہوتا، ستاروں پر مُہر لگاتا ہے تو اُن کی چمک دمک بند ہو جاتی ہے۔

האמר לחרס ולא יזרח ובעד כוכבים יחתם׃

اللہ ہی آسمان کو خیمے کی طرح تان دیتا، وہی سمندری اژدہے کی پیٹھ کو پاؤں تلے کچل دیتا ہے۔

נטה שמים לבדו ודורך על במתי ים׃

وہی دُبِ اکبر، جوزے، خوشۂ پروین اور جنوبی ستاروں کے جھرمٹوں کا خالق ہے۔

עשה עש כסיל וכימה וחדרי תמן׃

وہ اِتنے عظیم کام کرتا ہے کہ کوئی اُن کی تہہ تک نہیں پہنچ سکتا، اِتنے معجزے کرتا ہے کہ کوئی اُنہیں گن نہیں سکتا۔

עשה גדלות עד אין חקר ונפלאות עד אין מספר׃

جب وہ میرے سامنے سے گزرے تو مَیں اُسے نہیں دیکھتا، جب وہ میرے قریب سے پھرے تو مجھے معلوم نہیں ہوتا۔

הן יעבר עלי ולא אראה ויחלף ולא אבין לו׃

اگر وہ کچھ چھین لے تو کون اُسے روکے گا؟ کون اُس سے کہے گا، ’تُو کیا کر رہا ہے؟‘

הן יחתף מי ישיבנו מי יאמר אליו מה תעשה׃

اللہ تو اپنا غضب نازل کرنے سے باز نہیں آتا۔ اُس کے رُعب تلے رہب اژدہے کے مددگار بھی دبک گئے۔

אלוה לא ישיב אפו תחתו שחחו עזרי רהב׃

تو پھر مَیں کس طرح اُسے جواب دوں، کس طرح اُس سے بات کرنے کے مناسب الفاظ چن لوں؟

אף כי אנכי אעננו אבחרה דברי עמו׃

اگر مَیں حق پر ہوتا بھی تو اپنا دفاع نہ کر سکتا۔ اِس مخالف سے مَیں التجا کرنے کے علاوہ اَور کچھ نہیں کر سکتا۔

אשר אם צדקתי לא אענה למשפטי אתחנן׃

اگر وہ میری چیخوں کا جواب دیتا بھی تو مجھے یقین نہ آتا کہ وہ میری بات پر دھیان دے گا۔

אם קראתי ויענני לא אאמין כי יאזין קולי׃

تھوڑی سی غلطی کے جواب میں وہ مجھے پاش پاش کرتا، بلاوجہ مجھے بار بار زخمی کرتا ہے۔

אשר בשערה ישופני והרבה פצעי חנם׃

وہ مجھے سانس بھی نہیں لینے دیتا بلکہ کڑوے زہر سے سیر کر دیتا ہے۔

לא יתנני השב רוחי כי ישבעני ממררים׃

جہاں طاقت کی بات ہے تو وہی قوی ہے، جہاں انصاف کی بات ہے تو کون اُسے پیشی کے لئے بُلا سکتا ہے؟

אם לכח אמיץ הנה ואם למשפט מי יועידני׃

گو مَیں بےگناہ ہوں توبھی میرا اپنا منہ مجھے قصوروار ٹھہرائے گا، گو بےالزام ہوں توبھی وہ مجھے مجرم قرار دے گا۔

אם אצדק פי ירשיעני תם אני ויעקשני׃

جو کچھ بھی ہو، مَیں بےالزام ہوں! مَیں اپنی جان کی پروا ہی نہیں کرتا، اپنی زندگی حقیر جانتا ہوں۔

תם אני לא אדע נפשי אמאס חיי׃

خیر، ایک ہی بات ہے، اِس لئے مَیں کہتا ہوں، ’اللہ بےالزام اور بےدین دونوں کو ہی ہلاک کر دیتا ہے۔‘

אחת היא על כן אמרתי תם ורשע הוא מכלה׃

جب کبھی اچانک کوئی آفت انسان کو موت کے گھاٹ اُتارے تو اللہ بےگناہ کی پریشانی پر ہنستا ہے۔

אם שוט ימית פתאם למסת נקים ילעג׃

اگر کوئی ملک بےدین کے حوالے کیا جائے تو اللہ اُس کے قاضیوں کی آنکھیں بند کر دیتا ہے۔ اگر یہ اُس کی طرف سے نہیں تو پھر کس کی طرف سے ہے؟

ארץ נתנה ביד רשע פני שפטיה יכסה אם לא אפוא מי הוא׃

میرے دن دوڑنے والے آدمی سے کہیں زیادہ تیزی سے بیت گئے، خوشی دیکھے بغیر بھاگ نکلے ہیں۔

וימי קלו מני רץ ברחו לא ראו טובה׃

وہ سرکنڈے کے بحری جہازوں کی طرح گزر گئے ہیں، اُس عقاب کی طرح جو اپنے شکار پر جھپٹا مارتا ہے۔

חלפו עם אניות אבה כנשר יטוש עלי אכל׃

اگر مَیں کہوں، ’آؤ مَیں اپنی آہیں بھول جاؤں، اپنے چہرے کی اُداسی دُور کر کے خوشی کا اظہار کروں‘

אם אמרי אשכחה שיחי אעזבה פני ואבליגה׃

تو پھر بھی مَیں اُن تمام تکالیف سے ڈرتا ہوں جو مجھے برداشت کرنی ہیں۔ کیونکہ مَیں جانتا ہوں کہ تُو مجھے بےگناہ نہیں ٹھہراتا۔

יגרתי כל עצבתי ידעתי כי לא תנקני׃

جو کچھ بھی ہو مجھے قصوروار ہی قرار دیا گیا ہے، چنانچہ اِس کا کیا فائدہ کہ مَیں بےمعنی تگ و دَو میں مصروف رہوں؟

אנכי ארשע למה זה הבל איגע׃

گو مَیں صابن سے نہا لوں اور اپنے ہاتھ سوڈے سے دھو لوں

אם התרחצתי במו שלג והזכותי בבר כפי׃

تاہم تُو مجھے گڑھے کی کیچڑ میں یوں دھنسنے دیتا ہے کہ مجھے اپنے کپڑوں سے گھن آتی ہے۔

אז בשחת תטבלני ותעבוני שלמותי׃

اللہ تو مجھ جیسا انسان نہیں کہ مَیں جواب میں اُس سے کہوں، ’آؤ ہم عدالت میں جا کر ایک دوسرے کا مقابلہ کریں۔‘

כי לא איש כמני אעננו נבוא יחדו במשפט׃

کاش ہمارے درمیان ثالث ہو جو ہم دونوں پر ہاتھ رکھے،

לא יש בינינו מוכיח ישת ידו על שנינו׃

جو میری پیٹھ پر سے اللہ کا ڈنڈا ہٹائے تاکہ اُس کا خوف مجھے دہشت زدہ نہ کرے۔

יסר מעלי שבטו ואמתו אל תבעתני׃

تب مَیں اللہ سے خوف کھائے بغیر بولتا، کیونکہ فطری طور پر مَیں ایسا نہیں ہوں۔

אדברה ולא איראנו כי לא כן אנכי עמדי׃