Job 30

Fa ankehitriny kosa dia mihomehy ahy na dia izay tokon-jandriko aza, dia zanak'ireo izay nolaviko tsy ho isan'ny amboa miandry ny ondriko akory aza.

Et maintenant!... je suis la risée de plus jeunes que moi, De ceux dont je dédaignais de mettre les pères Parmi les chiens de mon troupeau.

Eny, mampaninona ahy ny herin'ny tànan'ireo. Izay efa very fahatanjahana?

Mais à quoi me servirait la force de leurs mains? Ils sont incapables d'atteindre la vieillesse.

Manjenjena noho ny tsi-fisian-kanina sy ny mosary izy; Homankomana foana any an-tany karankaina izy, dia eo an-katoky ny loza sy ny fandringanana.

Desséchés par la misère et la faim, Ils fuient dans les lieux arides, Depuis longtemps abandonnés et déserts;

Mitsongo anambodihena eo amin'ny kirihitrala izy, ary ny fakan'ny anjavidy no fihinany.

Ils arrachent près des arbrisseaux les herbes sauvages, Et ils n'ont pour pain que la racine des genêts.

Roahina tsy ho eo amin'ny olona izy sady akoraina toy ny mpangalatra.

On les chasse du milieu des hommes, On crie après eux comme après des voleurs.

Any an-dohasaha mahatsiravina no tsy maintsy itoerany, dia ao an-dava-tany sy an-dava-bato.

Ils habitent dans d'affreuses vallées, Dans les cavernes de la terre et dans les rochers;

Minananana eny amin'ny kirihitrala izy ary mitangorona eo ambanin'ny amiana.

Ils hurlent parmi les buissons, Ils se rassemblent sous les ronces.

Zanaky ny adala izy sady zanaky ny tsy manan-kaja, ka roahina tsy ho eo amin'ny tany.

Etres vils et méprisés, On les repousse du pays.

Ary ankehitriny efa ataony an-kira aho. Eny, efa ambentinteniny aho.

Et maintenant, je suis l'objet de leurs chansons, Je suis en butte à leurs propos.

Ataony toy ny zava-betaveta aho ka halaviriny, ary tsy menatra handrora ny tavako izy.

Ils ont horreur de moi, ils se détournent, Ils me crachent au visage.

Fa noketrahin'Andriamanitra ny kofehiko, ka nampietreny aho; Ka dia mba nesorin'iretsy kosa teo anatrehako ny lamboridiny.

Ils n'ont plus de retenue et ils m'humilient, Ils rejettent tout frein devant moi.

Misy androvolahy mitsangana eo ankavanako; Manosika ny tongotro hiala izy ary manandratra tovon-tany hampidirany loza amiko.

Ces misérables se lèvent à ma droite et me poussent les pieds, Ils se fraient contre moi des sentiers pour ma ruine;

Mandrava ny lalako sy manararaotra ny andravana ahy izy, nefa ny tenany tsy manan-kamonjy,

Ils détruisent mon propre sentier et travaillent à ma perte, Eux à qui personne ne viendrait en aide;

Toy ny fiditra eo amin'ny banga lehibe no fihaviny, ka avy ao amin'ny voarava no imaonany.

Ils arrivent comme par une large brèche, Ils se précipitent sous les craquements.

Voatodika hamely ahy ny fampitahorana: Manenjika ny voninahitro tahaka ny rivotra izy, ka levona tahaka ny rahona ny famonjena ahy

Les terreurs m'assiègent; Ma gloire est emportée comme par le vent, Mon bonheur a passé comme un nuage.

Ary ankehitriny, raraka ato anatiko ny fanahiko. Fenjàn'ny andro fahoriana aho.

Et maintenant, mon âme s'épanche en mon sein, Les jours de la souffrance m'ont saisi.

Ny alina mampahalò ny taolako ho afaka amiko, ary tsy mitsahatra ireo manotahota ahy ireo.

La nuit me perce et m'arrache les os, La douleur qui me ronge ne se donne aucun repos,

Noho ny haben'ny hery dia tonga tsy antonona ny akanjoko, manenda ahy tahaka ny vozon-dobaka izany.

Par la violence du mal mon vêtement perd sa forme, Il se colle à mon corps comme ma tunique.

Eny, nanary ahy teo amin'ny fotaka Izy, ka efa tahaka ny vovoka sy ny lavenona aho

Dieu m'a jeté dans la boue, Et je ressemble à la poussière et à la cendre.

Mitaraina aminao aho, nefa tsy mihaino ahy Hianao; Mijoro eo aho, nefa ierenao foana.

Je crie vers toi, et tu ne me réponds pas; Je me tiens debout, et tu me lances ton regard.

Efa manjary lozabe amiko Hianao; Ny herin'ny tananao no andrafianao ahy.

Tu deviens cruel contre moi, Tu me combats avec la force de ta main.

Aingainao ho eny amin'ny rivotra aho ka alefanao handeha, ary levoninao amin'ny tafio-drivotra mifofofofo ho tsinontsinona aho.

Tu me soulèves, tu me fais voler au-dessus du vent, Et tu m'anéantis au bruit de la tempête.

Fa fantatro fa hampodinao any amin'ny fahafatesana aho, dia any amin'ny trano fivorian'ny olombelona rehetra.

Car, je le sais, tu me mènes à la mort, Au rendez-vous de tous les vivants.

Kanefa tsy manainga ny tànany va ny olona, raha ianjeran'ny rava? Ary tsy mitaraina va izy, raha tratry ny loza?

Mais celui qui va périr n'étend-il pas les mains? Celui qui est dans le malheur n'implore-t-il pas du secours?

Tsy nitomany ny ory va aho? Tsy nangorakoraka ny malahelo va ny fanahiko?

N'avais-je pas des larmes pour l'infortuné? Mon coeur n'avait-il pas pitié de l'indigent?

Fa niandry ny soa aho, kanjo tonga ny ratsy; Ary nanantena ny mazava aho, kanjo avy ny maizina.

J'attendais le bonheur, et le malheur est arrivé; J'espérais la lumière, et les ténèbres sont venues.

Nandevilevy ny tsinaiko ka tsy nanam-pitsaharana; Nitsena ahy ny andro fahoriana.

Mes entrailles bouillonnent sans relâche, Les jours de la calamité m'ont surpris.

Mitsaitsaika mitafy lamba fisaonana aho sady tsy mahita masoandro; Mitsangana aho ka mitaraina eo ampivorian'ny olona.

Je marche noirci, mais non par le soleil; Je me lève en pleine assemblée, et je crie.

Rahalahin'ny amboadia aho Ary naman'ny ostritsa.

Je suis devenu le frère des chacals, Le compagnon des autruches.

Efa mainty ny hoditro sady miendakendaka, ary efa karankaina noho ny hafanana ny taolako.

Ma peau noircit et tombe, Mes os brûlent et se dessèchent.

Nanjary fisaonana ny lokangako. Ary feon'ny mitomany ny sodiko.

Ma harpe n'est plus qu'un instrument de deuil, Et mon chalumeau ne peut rendre que des sons plaintifs.