John 10

Verily, verily, I say unto you, He that entereth not by the door into the sheepfold, but climbeth up some other way, the same is a thief and a robber.

He pono, he pono taku e mea nei ki a koutou, Ki te kahore tetahi e tomo ra te kuwaha ki te kainga hipi, ki te piki ke, he tahae ia, he tangata pahua.

But he that entereth in by the door is the shepherd of the sheep.

Tena ko te tangata e tomo ana ra te kuwaha, ko te hepara ia o nga hipi.

To him the porter openeth; and the sheep hear his voice: and he calleth his own sheep by name, and leadeth them out.

Ka uaki te kaitiaki tatau ki a ia; ka rongo ano nga hipi ki tona reo: na ka karangatia e ia ana hipi ake, to tenei ingoa, to tenei ingoa, ka arahina ki waho.

And when he putteth forth his own sheep, he goeth before them, and the sheep follow him: for they know his voice.

A ka oti ana ake hipi te tuku ki waho, ka haere ia i mua i a ratou, ka aru nga hipi i a ia: e matau ana hoki ratou ki tona reo.

And a stranger will they not follow, but will flee from him: for they know not the voice of strangers.

E kore ia ratou e aru i te tauhou, engari ka oma i a ia: e kore hoki e matau ki te reo o nga tauhou.

This parable spake Jesus unto them: but they understood not what things they were which he spake unto them.

I korerotia tenei kupu whakarite e Ihu ki a ratou: heoi kihai ratou i mohio ki nga mea i korerotia e ia ki a ratou.

Then said Jesus unto them again, Verily, verily, I say unto you, I am the door of the sheep.

Na ka mea ano a Ihu ki a ratou, He pono, he pono taku e mea nei ki a koutou, Ko ahau te tatau o nga hipi.

All that ever came before me are thieves and robbers: but the sheep did not hear them.

He tahae, he kaipahua te hunga katoa i haere mai i mua i ahau: heoi kihai nga hipi i whakarongo ki a ratou.

I am the door: by me if any man enter in, he shall be saved, and shall go in and out, and find pasture.

Ko ahau te tatau: ki te waiho ahau hei huarahi tomokanga mo tetahi, e ora ia, a ka haere ki roto, ka haere ki waho, ka kite hoki i te kai.

The thief cometh not, but for to steal, and to kill, and to destroy: I am come that they might have life, and that they might have it more abundantly.

Heoi ano ta te tahae e haere mai ai, he tahae, he patu, he whakamoti hoki: i haere mai ahau kia whiwhi ai ratou ki te ora, ina, tona nui noa atu.

I am the good shepherd: the good shepherd giveth his life for the sheep.

Ko ahau te hepara pai, he hepara pai, ka tuku i a ia ano kia mate mo nga hipi.

But he that is an hireling, and not the shepherd, whose own the sheep are not, seeth the wolf coming, and leaveth the sheep, and fleeth: and the wolf catcheth them, and scattereth the sheep.

Tena ko te tangata e utua ana, ehara nei i te hepara, ehara nei i a ia nga hipi, i tona kitenga i te wuruhi e haere mai ana, whakarerea ake e ia nga hipi, oma ana: na ka hopukia ratou e te wuruhi, a whakamararatia ana nga hipi.

The hireling fleeth, because he is an hireling, and careth not for the sheep.

Ka oma te tangata e utua ana, no te mea e utua ana ia, kahore hoki ona whakaaro ki nga hipi.

I am the good shepherd, and know my sheep, and am known of mine.

Ko ahau te hepara pai, e matau ana hoki ki aku, a e matau ana aku ki ahau.

As the Father knoweth me, even so know I the Father: and I lay down my life for the sheep.

Pera tonu me to te Matua matau ki ahau, me toku matau hoki ki te Matua: e tuku ana hoki ahau i ahau ki te mate mo nga hipi.

And other sheep I have, which are not of this fold: them also I must bring, and they shall hear my voice; and there shall be one fold, and one shepherd.

He hipi atu ano aku, ehara nei i tenei kainga: me arahi mai ratou e ahau, a ka rongo ratou ki toku reo; a e whakakotahitia te kahui, kotahi ano hoki hepara.

Therefore doth my Father love me, because I lay down my life, that I might take it again.

Koia te Matua ka aroha mai ai ki ahau, no te mea e tuku ana ahau i ahau kia mate, kia whakaora ake ai ano ahau i ahau.

No man taketh it from me, but I lay it down of myself. I have power to lay it down, and I have power to take it again. This commandment have I received of my Father.

Ehara i te mea ma tetahi tangata ahau e whakamate, engari maku ano ahau e tuku ki te mate. Kei ahau te tikanga mo te tuku atu, kei ahau ano te tikanga mo te whakaora. Na toku matua tenei ture kua riro mai nei i ahau.

There was a division therefore again among the Jews for these sayings.

Katahi ka wehewehea nga Hurai, na enei kupu.

And many of them said, He hath a devil, and is mad; why hear ye him?

He tokomaha o ratou i mea, He rewera tona, e haurangi ana; he aha koutou ka whakarongo ai ki a ia?

Others said, These are not the words of him that hath a devil. Can a devil open the eyes of the blind?

Ko etahi i mea, Ehara enei i nga kupu a te tangata e nohoia ana e te rewera. E ahei koia i te rewera te mea i nga kanohi o nga matapo kia kite?

And it was at Jerusalem the feast of the dedication, and it was winter.

Na i Hiruharama tenei, i te hakari horohoronga: he hotoke;

And Jesus walked in the temple in Solomon's porch.

A e haereere ana a Ihu i te temepara, i te whakamahau o Horomona.

Then came the Jews round about him, and said unto him, How long dost thou make us to doubt? If thou be the Christ, tell us plainly.

Na ka karapotia ia e nga Hurai, ka mea ratou ki a ia, Kia pehea te roa o tau waiho i o matou ngakau kia hikirangi ana? Ki te mea ko te Karaiti koe, korerotia matanuitia mai ki a matou.

Jesus answered them, I told you, and ye believed not: the works that I do in my Father's name, they bear witness of me.

Ka whakahoki a Ihu ki a ratou, Kua korerotia e ahau ki a koutou, a kahore koutou e whakapono: ko nga mahi e mahi nei ahau i runga i te ingoa o toku Matua, ko enei hei kaiwhakaatu moku.

But ye believe not, because ye are not of my sheep, as I said unto you.

Otira e kore koutou e whakapono, no te mea ehara koutou i te hipi naku.

My sheep hear my voice, and I know them, and they follow me:

E rongo ana aku hipi ki toku reo, e matau ana ahau ki a ratou, e aru ana hoki ratou i ahau:

And I give unto them eternal life; and they shall never perish, neither shall any man pluck them out of my hand.

E hoatu ana e ahau ki a ratou he ora tonu; e kore ratou e ngaro ake ake, e kore ano hoki tetahi e kapo atu i a ratou i roto i toku ringa.

My Father, which gave them me, is greater than all; and no man is able to pluck them out of my Father's hand.

Ko toku Matua, nana nei ratou i homai ki ahau, nui ake i te katoa; e kore ano ratou e taea e tetahi te kapo atu i roto i te ringa o toku Matua.

I and my Father are one.

Ko ahau, ko te Matua, kotahi maua.

Then the Jews took up stones again to stone him.

Katahi ka mau ano nga Hurai ki te kohatu hei aki ki a ia.

Jesus answered them, Many good works have I shewed you from my Father; for which of those works do ye stone me?

Ka whakahokia e Ihu ki a ratou, He maha nga mahi pai kua whakakitea nei e ahau ki a koutou, he mea na toku Matua; mo tehea o aua mahi ka akina ai ahau e koutou?

The Jews answered him, saying, For a good work we stone thee not; but for blasphemy; and because that thou, being a man, makest thyself God.

Ka whakahoki nga Hurai ki a ia, ka mea, Ehara te mahi pai i te mea e akina ai koe; engari mo te kohukohu; mo te mea hoki ko koe, tangata nei ano, e whakaatua ana i a koe.

Jesus answered them, Is it not written in your law, I said, Ye are gods?

Ka whakahokia e Ihu ki a ratou, Kahore ranei i tuhituhia i roto i to koutou ture, I mea ahau, he atua koutou?

If he called them gods, unto whom the word of God came, and the scripture cannot be broken;

Ki te huaina e ia he atua te hunga i tae mai nei te kupu a te Atua ki a ratou, a e kore hoki e taea te whakakahore te karaipiture,

Say ye of him, whom the Father hath sanctified, and sent into the world, Thou blasphemest; because I said, I am the Son of God?

E mea ana oti koutou ki ta te Matua i whakatapu ai, i tono mai ai hoki ki te ao, E kohukohu ana koe; noku i mea, Ko te Tama ahau a te Atua?

If I do not the works of my Father, believe me not.

Ki te kore ahau e mahi i nga mahi a toku Matua, aua ahau e whakaponohia.

But if I do, though ye believe not me, believe the works: that ye may know, and believe, that the Father is in me, and I in him.

Tena ki te mahi ahau, ahakoa kahore koutou e whakapono ki ahau, whakaponohia nga mahi: kia matau ai koutou, kia whakapono ai, ko te Matua kei roto i ahau, me ahau hoki kei roto i a ia.

Therefore they sought again to take him: but he escaped out of their hand,

Na ka whai ano ratou kia hopukia ia: heoi puta ana ia i o ratou ringa;

And went away again beyond Jordan into the place where John at first baptized; and there he abode.

Na ka haere ano ia ki tawahi o Horano, ki te wahi i matua iriiri ai a Hoani; a noho ana i reira.

And many resorted unto him, and said, John did no miracle: but all things that John spake of this man were true.

He tokomaha hoki i haere ki a ia; i mea ratou, Kihai a Hoani i mahi i tetahi merekara; he pono ia nga mea katoa i korerotia e Hoani mo tenei.

And many believed on him there.

A he tokomaha o reira i whakapono ki a ia.