Job 9

ויען איוב ויאמר׃

ایوب نے جواب دے کر کہا،

אמנם ידעתי כי כן ומה יצדק אנוש עם אל׃

”مَیں خوب جانتا ہوں کہ تیری بات درست ہے۔ لیکن اللہ کے حضور انسان کس طرح راست باز ٹھہر سکتا ہے؟

אם יחפץ לריב עמו לא יעננו אחת מני אלף׃

اگر وہ عدالت میں اللہ کے ساتھ لڑنا چاہے تو اُس کے ہزار سوالات پر ایک کا بھی جواب نہیں دے سکے گا۔

חכם לבב ואמיץ כח מי הקשה אליו וישלם׃

اللہ کا دل دانش مند اور اُس کی قدرت عظیم ہے۔ کون کبھی اُس سے بحث مباحثہ کر کے کامیاب رہا ہے؟

המעתיק הרים ולא ידעו אשר הפכם באפו׃

اللہ پہاڑوں کو کھسکا دیتا ہے، اور اُنہیں پتا ہی نہیں چلتا۔ وہ غصے میں آ کر اُنہیں اُلٹا دیتا ہے۔

המרגיז ארץ ממקומה ועמודיה יתפלצון׃

وہ زمین کو ہلا دیتا ہے تو وہ لرز کر اپنی جگہ سے ہٹ جاتی ہے، اُس کے بنیادی ستون کانپ اُٹھتے ہیں۔

האמר לחרס ולא יזרח ובעד כוכבים יחתם׃

وہ سورج کو حکم دیتا ہے تو طلوع نہیں ہوتا، ستاروں پر مُہر لگاتا ہے تو اُن کی چمک دمک بند ہو جاتی ہے۔

נטה שמים לבדו ודורך על במתי ים׃

اللہ ہی آسمان کو خیمے کی طرح تان دیتا، وہی سمندری اژدہے کی پیٹھ کو پاؤں تلے کچل دیتا ہے۔

עשה עש כסיל וכימה וחדרי תמן׃

وہی دُبِ اکبر، جوزے، خوشۂ پروین اور جنوبی ستاروں کے جھرمٹوں کا خالق ہے۔

עשה גדלות עד אין חקר ונפלאות עד אין מספר׃

وہ اِتنے عظیم کام کرتا ہے کہ کوئی اُن کی تہہ تک نہیں پہنچ سکتا، اِتنے معجزے کرتا ہے کہ کوئی اُنہیں گن نہیں سکتا۔

הן יעבר עלי ולא אראה ויחלף ולא אבין לו׃

جب وہ میرے سامنے سے گزرے تو مَیں اُسے نہیں دیکھتا، جب وہ میرے قریب سے پھرے تو مجھے معلوم نہیں ہوتا۔

הן יחתף מי ישיבנו מי יאמר אליו מה תעשה׃

اگر وہ کچھ چھین لے تو کون اُسے روکے گا؟ کون اُس سے کہے گا، ’تُو کیا کر رہا ہے؟‘

אלוה לא ישיב אפו תחתו שחחו עזרי רהב׃

اللہ تو اپنا غضب نازل کرنے سے باز نہیں آتا۔ اُس کے رُعب تلے رہب اژدہے کے مددگار بھی دبک گئے۔

אף כי אנכי אעננו אבחרה דברי עמו׃

تو پھر مَیں کس طرح اُسے جواب دوں، کس طرح اُس سے بات کرنے کے مناسب الفاظ چن لوں؟

אשר אם צדקתי לא אענה למשפטי אתחנן׃

اگر مَیں حق پر ہوتا بھی تو اپنا دفاع نہ کر سکتا۔ اِس مخالف سے مَیں التجا کرنے کے علاوہ اَور کچھ نہیں کر سکتا۔

אם קראתי ויענני לא אאמין כי יאזין קולי׃

اگر وہ میری چیخوں کا جواب دیتا بھی تو مجھے یقین نہ آتا کہ وہ میری بات پر دھیان دے گا۔

אשר בשערה ישופני והרבה פצעי חנם׃

تھوڑی سی غلطی کے جواب میں وہ مجھے پاش پاش کرتا، بلاوجہ مجھے بار بار زخمی کرتا ہے۔

לא יתנני השב רוחי כי ישבעני ממררים׃

وہ مجھے سانس بھی نہیں لینے دیتا بلکہ کڑوے زہر سے سیر کر دیتا ہے۔

אם לכח אמיץ הנה ואם למשפט מי יועידני׃

جہاں طاقت کی بات ہے تو وہی قوی ہے، جہاں انصاف کی بات ہے تو کون اُسے پیشی کے لئے بُلا سکتا ہے؟

אם אצדק פי ירשיעני תם אני ויעקשני׃

گو مَیں بےگناہ ہوں توبھی میرا اپنا منہ مجھے قصوروار ٹھہرائے گا، گو بےالزام ہوں توبھی وہ مجھے مجرم قرار دے گا۔

תם אני לא אדע נפשי אמאס חיי׃

جو کچھ بھی ہو، مَیں بےالزام ہوں! مَیں اپنی جان کی پروا ہی نہیں کرتا، اپنی زندگی حقیر جانتا ہوں۔

אחת היא על כן אמרתי תם ורשע הוא מכלה׃

خیر، ایک ہی بات ہے، اِس لئے مَیں کہتا ہوں، ’اللہ بےالزام اور بےدین دونوں کو ہی ہلاک کر دیتا ہے۔‘

אם שוט ימית פתאם למסת נקים ילעג׃

جب کبھی اچانک کوئی آفت انسان کو موت کے گھاٹ اُتارے تو اللہ بےگناہ کی پریشانی پر ہنستا ہے۔

ארץ נתנה ביד רשע פני שפטיה יכסה אם לא אפוא מי הוא׃

اگر کوئی ملک بےدین کے حوالے کیا جائے تو اللہ اُس کے قاضیوں کی آنکھیں بند کر دیتا ہے۔ اگر یہ اُس کی طرف سے نہیں تو پھر کس کی طرف سے ہے؟

וימי קלו מני רץ ברחו לא ראו טובה׃

میرے دن دوڑنے والے آدمی سے کہیں زیادہ تیزی سے بیت گئے، خوشی دیکھے بغیر بھاگ نکلے ہیں۔

חלפו עם אניות אבה כנשר יטוש עלי אכל׃

وہ سرکنڈے کے بحری جہازوں کی طرح گزر گئے ہیں، اُس عقاب کی طرح جو اپنے شکار پر جھپٹا مارتا ہے۔

אם אמרי אשכחה שיחי אעזבה פני ואבליגה׃

اگر مَیں کہوں، ’آؤ مَیں اپنی آہیں بھول جاؤں، اپنے چہرے کی اُداسی دُور کر کے خوشی کا اظہار کروں‘

יגרתי כל עצבתי ידעתי כי לא תנקני׃

تو پھر بھی مَیں اُن تمام تکالیف سے ڈرتا ہوں جو مجھے برداشت کرنی ہیں۔ کیونکہ مَیں جانتا ہوں کہ تُو مجھے بےگناہ نہیں ٹھہراتا۔

אנכי ארשע למה זה הבל איגע׃

جو کچھ بھی ہو مجھے قصوروار ہی قرار دیا گیا ہے، چنانچہ اِس کا کیا فائدہ کہ مَیں بےمعنی تگ و دَو میں مصروف رہوں؟

אם התרחצתי במו שלג והזכותי בבר כפי׃

گو مَیں صابن سے نہا لوں اور اپنے ہاتھ سوڈے سے دھو لوں

אז בשחת תטבלני ותעבוני שלמותי׃

تاہم تُو مجھے گڑھے کی کیچڑ میں یوں دھنسنے دیتا ہے کہ مجھے اپنے کپڑوں سے گھن آتی ہے۔

כי לא איש כמני אעננו נבוא יחדו במשפט׃

اللہ تو مجھ جیسا انسان نہیں کہ مَیں جواب میں اُس سے کہوں، ’آؤ ہم عدالت میں جا کر ایک دوسرے کا مقابلہ کریں۔‘

לא יש בינינו מוכיח ישת ידו על שנינו׃

کاش ہمارے درمیان ثالث ہو جو ہم دونوں پر ہاتھ رکھے،

יסר מעלי שבטו ואמתו אל תבעתני׃

جو میری پیٹھ پر سے اللہ کا ڈنڈا ہٹائے تاکہ اُس کا خوف مجھے دہشت زدہ نہ کرے۔

אדברה ולא איראנו כי לא כן אנכי עמדי׃

تب مَیں اللہ سے خوف کھائے بغیر بولتا، کیونکہ فطری طور پر مَیں ایسا نہیں ہوں۔