Psalms 44

Ho an'ny mpiventy hira. Nataon'ny Koraita. Maskila. Ny sofinay no nandrenesanay, Andriamanitra ô, ny razanay nilaza taminay ny asa nataonao tamin'ny androny, dia tamin'ny andro fahiny.

Au chef des chantres. Des fils de Koré. Cantique. O Dieu! nous avons entendu de nos oreilles, Nos pères nous ont raconté Les oeuvres que tu as accomplies de leur temps, Aux jours d'autrefois.

Ny tananao no nandroahanao ny firenen-tsamy hafa, fa izy kosa nampitoerinao; efa nampahorinao ny firenena maro, fa izy kosa nataonao mahafeno tany.

De ta main tu as chassé des nations pour les établir, Tu as frappé des peuples pour les étendre.

Fa tsy ny sabany no nahazoany ny tany, ary tsy ny sandriny no namonjy azy; fa ny tananao ankavanana sy ny sandrinao ary ny fahazavan'ny tavanao, satria efa sitrakao izy.

Car ce n'est point par leur épée qu'ils se sont emparés du pays, Ce n'est point leur bras qui les a sauvés; Mais c'est ta droite, c'est ton bras, c'est la lumière de ta face, Parce que tu les aimais.

Hianao dia Hianao no Mpanjakako, Andriamanitra ô; Mandidia famonjena ho an'i Jakoba.

O Dieu! tu es mon roi: Ordonne la délivrance de Jacob!

Hianao no hanosehanay ny fahavalonay; ny anaranao no hanitsahanay izay mitsangana hamely anay.

Avec toi nous renversons nos ennemis, Avec ton nom nous écrasons nos adversaires.

Fa tsy ny tsipikako no itokiako, ary ny sabatro tsy hahavonjy ahy.

Car ce n'est pas en mon arc que je me confie, Ce n'est pas mon épée qui me sauvera;

Fa namonjy anay tamin'ny fahavalonay Hianao, ary ny nankahala anay dia nataonao menatra.

Mais c'est toi qui nous délivres de nos ennemis, Et qui confonds ceux qui nous haïssent.

Andriamanitra no ankalazainay mandrakariva; ary ny anaranao no hoderainay mandrakizay.

Nous nous glorifions en Dieu chaque jour, Et nous célébrerons à jamais ton nom. -Pause.

Fa efa nanary anay ianao ka nampahamenatra anay, ary tsy mba mivoaka miaraka amin'ny antokon'ny miaramilanay Hianao.

Cependant tu nous repousses, tu nous couvres de honte, Tu ne sors plus avec nos armées;

Ataonao miamboho ny fahavalonay izahay, koa ny mankahala anay dia nanaram-po namabo.

Tu nous fais reculer devant l'ennemi, Et ceux qui nous haïssent enlèvent nos dépouilles.

Atolotrao tahaka ny ondry hohanina izahay, ary aelinao any amin'ny firenen-tsamy hafa.

Tu nous livres comme des brebis à dévorer, Tu nous disperses parmi les nations.

Mivarotra ny olonao tsy vola tsy harena Hianao, ka tsy mahazo tombony amin'ny vidiny.

Tu vends ton peuple pour rien, Tu ne l'estimes pas à une grande valeur.

Ataonao fandatsan'ny olona miray monina aminay izahay, dia fanakora sy faneson'izay manodidina anay.

Tu fais de nous un objet d'opprobre pour nos voisins, De moquerie et de risée pour ceux qui nous entourent;

Ataonao ho ambentinteny amin'ny firenen-tsamy hafa izahay, dia fihifikifihan-doha amin'ny olona maro.

Tu fais de nous un objet de sarcasme parmi les nations, Et de hochements de tête parmi les peuples.

Tsaroako mandrakariva ny fahafaham-boninahitro, ary efa manafotra ahy ny fangaihaizako,

Ma honte est toujours devant moi, Et la confusion couvre mon visage,

Noho ny feon'ny mpanaratsy sy ny mpanamavo, noho ny fahavalo sy ny mpamaly ratsy.

A la voix de celui qui m'insulte et m'outrage, A la vue de l'ennemi et du vindicatif.

Izany rehetra izany no manjo anay, nefa tsy manadino anao izahay ary tsy mivadika ny fanekenao.

Tout cela nous arrive, sans que nous t'ayons oublié, Sans que nous ayons violé ton alliance:

Tsy mihemotra ny fonay, ary tsy miala amin'ny lalanao ny dianay.

Notre coeur ne s'est point détourné, Nos pas ne se sont point éloignés de ton sentier,

Nefa Hianao nanorotoro anay teo amin'ny fitoeran'ny amboadia sy nanarona anay tamin'ny aloky ny fahafatesana.

Pour que tu nous écrases dans la demeure des chacals, Et que tu nous couvres de l'ombre de la mort.

Raha nanadino ny anaran'Andriamanitray izahay, na nananty tanana tamin'ny andriamani-kafa,

Si nous avions oublié le nom de notre Dieu, Et étendu nos mains vers un dieu étranger,

Tsy handinika izany va Andriamanitra? Fa Izy mahalala ny miafina ao am-po.

Dieu ne le saurait-il pas, Lui qui connaît les secrets du coeur?

Fa noho ny aminao no amonoana anay mandrakariva; toy ny ondry hovonoina no fijery anay.

Mais c'est à cause de toi qu'on nous égorge tous les jours, Qu'on nous regarde comme des brebis destinées à la boucherie.

Mifohaza, ry Tompo ô, nahoana no matory Hianao? Mitsangàna, aza manary mandrakizay.

Réveille-toi! Pourquoi dors-tu, Seigneur? Réveille-toi! ne nous repousse pas à jamais!

Nahoana no manafina ny tavanao Hianao, ka manadino ny fahantranay sy ny fahorianay?

Pourquoi caches-tu ta face? Pourquoi oublies-tu notre misère et notre oppression?

Fa miankohoka amin'ny vovoka ny fanahinay, miraikitra amin'ny tany ny kibonay.

Car notre âme est abattue dans la poussière, Notre corps est attaché à la terre.

Mitsangàna hamonjy anay, ary avoty izahay araka ny famindram-ponao.

Lève-toi, pour nous secourir! Délivre-nous à cause de ta bonté!