Job 17

רוחי חבלה ימי נזעכו קברים לי׃

Souf mwen prèt pou koupe. Mwen pa lwen mouri. Se pou simityè ase mwen bon.

אם לא התלים עמדי ובהמרותם תלן עיני׃

Kote m' vire, se moun k'ap pase m' nan betiz. Vye pawòl jouman yo enpoze m' dòmi.

שימה נא ערבני עמך מי הוא לידי יתקע׃

Ou mèt kwè m', Bondye! Se ou menm ankò ki pou bay garanti pou mwen. M' pa gen pesonn lòt ki ka tope ak yo.

כי לבם צפנת משכל על כן לא תרמם׃

Ou fèmen lespri yo pou yo pa konprann. Pa kite yo gen rezon sou mwen.

לחלק יגיד רעים ועיני בניו תכלנה׃

Pawòl la di: Yon moun ap fè gwo fèt pou zanmi l', epi pitit li yo ap mouri grangou anndan lakay li.

והצגני למשל עמים ותפת לפנים אהיה׃

Yo fè koze sou mwen nan pèp la. Yo vin krache nan figi m'!

ותכה מכעש עיני ויצרי כצל כלם׃

Mwen sitèlman nan lapenn, m' pa ka louvri je m'. Mwen fin tounen zo ak po. Ata lonbraj mwen pa fè!

ישמו ישרים על זאת ונקי על חנף יתערר׃

Moun k'ap mache dwat yo sezi lè yo wè sa. Inonsan yo fin debòde sou mechan an ki vire do bay Bondye.

ויאחז צדיק דרכו וטהר ידים יסיף אמץ׃

Moun k'ap mennen yon vi dwat, se yo ki gen rezon. Sa ki pa mete men yo nan ankenn move zafè kanpe pi rèd sou pozisyon yo.

ואולם כלם תשבו ובאו נא ולא אמצא בכם חכם׃

Nou tout mèt vin kanpe devan m', mwen p'ap jwenn yonn ladan nou ki gen bon konprann.

ימי עברו זמתי נתקו מורשי לבבי׃

Mwen fin viv! Tout plan m' te gen nan tèt mwen kraze. Mwen pa gen ankenn espwa ankò.

לילה ליום ישימו אור קרוב מפני חשך׃

Yo pretann lannwit se lajounen. Lè fènwa, yo di limyè a pa lwen.

אם אקוה שאול ביתי בחשך רפדתי יצועי׃

Se lanmò m'ap tann. Se al kouche nan simityè ki sèl espwa m'.

לשחת קראתי אבי אתה אמי ואחתי לרמה׃

Mwen di tonm lan ou se papa m'. Mwen di vèmen ki pral manje m' yo: nou se manman m' ak sè m'.

ואיה אפו תקותי ותקותי מי ישורנה׃

Kote ki gen espwa pou mwen ankò? Ki moun ki wè yon bon lavi pou mwen ankò?

בדי שאל תרדנה אם יחד על עפר נחת׃

Lè m'a mouri, lè m'a fin desann nan peyi kote mò yo ye a, èske m'a ka pote espwa m' yo ansanm avè m'?