Job 17

רוחי חבלה ימי נזעכו קברים לי׃

Kua pau toku manawa, moti rawa oku ra, kua rite te urupa moku.

אם לא התלים עמדי ובהמרותם תלן עיני׃

He pono he hunga tawai enei kei ahau, a kei roto tonu toku kanohi i a ratou whakakarangitanga.

שימה נא ערבני עמך מי הוא לידי יתקע׃

Tena ra, homai he punga ko koe tonu hei whakakapi turanga moku; ko wai hei papaki ringa ki ahau?

כי לבם צפנת משכל על כן לא תרמם׃

Kua huna hoki e koe to ratou ngakau kei mohio; na reira e kore koe e whakaneke ake i a ratou.

לחלק יגיד רעים ועיני בניו תכלנה׃

Ko te tangata e whaki ana i ona hoa, he mea mo te utu, ko nga kanohi tonu o ana tamariki e hemo.

והצגני למשל עמים ותפת לפנים אהיה׃

Kua meinga hoki ahau e ia hei hahani ma nga iwi; a kua waiho marakerake ahau hei whakaetietinga.

ותכה מכעש עיני ויצרי כצל כלם׃

Kua atarua toku kanohi i te tangi, rite tonu ki te atarangi oku wahi katoa.

ישמו ישרים על זאת ונקי על חנף יתערר׃

Ka miharo te hunga tika ki tenei, a ka whakaoho te tangata harakore i a ia ano hei whakahe i te atuakore.

ויאחז צדיק דרכו וטהר ידים יסיף אמץ׃

Otiia ka mau te tangata tika ki tona ara, a ko te tangata ringa ma ka neke haere ake te kaha.

ואולם כלם תשבו ובאו נא ולא אמצא בכם חכם׃

Ko koutou katoa ia tahuri, anga mai nei, e kore hoki tetahi tangata mahara e kitea e ahau i roto i a koutou.

ימי עברו זמתי נתקו מורשי לבבי׃

Kua pahemo oku ra, motumotuhia ake oku whakaaro i whakatakoto ai, tae noa ki nga whakaaro o toku ngakau.

לילה ליום ישימו אור קרוב מפני חשך׃

Ko te po kua meinga e ratou hei ao; ko te marama, e ki ana ratou, e tata tonu ana ki te pouri.

אם אקוה שאול ביתי בחשך רפדתי יצועי׃

Ki te titiro ahau i te reinga hei whare moku; mehemea kua wharikitia e ahau toku moenga ki te pouri;

לשחת קראתי אבי אתה אמי ואחתי לרמה׃

Mehemea kua karanga ahau ki te pirau, ko koe toku papa; ki te iro ranei, ko koe toku whaea, toku tuahine!

ואיה אפו תקותי ותקותי מי ישורנה׃

Kei hea ra he tumanakohanga atu moku? A ko taku e tumanako atu ai ko wai e kite?

בדי שאל תרדנה אם יחד על עפר נחת׃

Ka riro ki raro ki nga taha o te reinga, ina whai okiokinga i roto i te puehu.