Psalms 147

הללו יה כי טוב זמרה אלהינו כי נעים נאוה תהלה׃

Lwanj pou Seyè a! Sa bon nèt pou nou chante pou Seyè a. Sa bon nèt pou nou fè lwanj Seyè a. Wi, li merite l' vre!

בונה ירושלם יהוה נדחי ישראל יכנס׃

Seyè a ap rebati lavil Jerizalèm. L'ap fè moun Izrayèl ki te gaye nan mitan lòt nasyon yo tounen lakay yo.

הרפא לשבורי לב ומחבש לעצבותם׃

L'ap bay moun ki nan gwo lapenn yo kouraj. L'ap geri moun ki blese yo.

מונה מספר לכוכבים לכלם שמות יקרא׃

Li konte konbe zetwal ki genyen! Li konnen non yo chak.

גדול אדונינו ורב כח לתבונתו אין מספר׃

Seyè nou an gen pouvwa. Li gen anpil fòs. Konesans li pa gen limit.

מעודד ענוים יהוה משפיל רשעים עדי ארץ׃

Seyè a ap bay pòv malere yo men pou yo leve. Men, l'ap rabese mechan yo jouk atè.

ענו ליהוה בתודה זמרו לאלהינו בכנור׃

Chante yon chante pou Seyè a pou nou di l' mèsi. Fè mizik pou Bondye nou an ak gita.

המכסה שמים בעבים המכין לארץ מטר המצמיח הרים חציר׃

Se li ki kouvri syèl la ak nwaj yo. Se li ki pare lapli pou tè a. Se li ki fè zèb pouse sou mòn yo.

נותן לבהמה לחמה לבני ערב אשר יקראו׃

Li bay bèt yo manje, li bay ti kònèy yo manje lè yo rele.

לא בגבורת הסוס יחפץ לא בשוקי האיש ירצה׃

Li pa pran plezi l' nan chwal ki gen fòs, ni se pa kouraj moun ki fè kè l' kontan.

רוצה יהוה את יראיו את המיחלים לחסדו׃

Moun ki fè kè l' kontan, se moun ki gen krentif pou li, se moun ki mete tout espwa yo nan li, paske yo konnen li renmen yo.

שבחי ירושלם את יהוה הללי אלהיך ציון׃

Nou menm, moun lavil Jerizalèm, fè lwanj Seyè a! Nou menm, moun mòn Siyon, fè lwanj Bondye nou an!

כי חזק בריחי שעריך ברך בניך בקרבך׃

Li fè pòt kay nou yo vin pi solid. Li voye benediksyon sou pitit nou yo nan mitan nou.

השם גבולך שלום חלב חטים ישביעך׃

L'ap veye fwontyè peyi a pou pa gen lagè! L'ap plen vant nou ak bon kalite manje.

השלח אמרתו ארץ עד מהרה ירוץ דברו׃

Li pase yon lòd: lòd la kouri byen vit toupatou sou latè.

הנתן שלג כצמר כפור כאפר יפזר׃

Li fè lanèj tonbe kouvri latè tankou koton. Li fè lawouze tounen ti moso glas sou tout pyebwa.

משליך קרחו כפתים לפני קרתו מי יעמד׃

Li voye lagrèl tankou gravye. Ki moun ki ka sipòte fredi li voye?

ישלח דברו וימסם ישב רוחו יזלו מים׃

Li pase yon lòd, li fè yo tout fonn. Li fè van soufle, dlo pran koule toupatou.

מגיד דברו ליעקב חקיו ומשפטיו לישראל׃

Li fè pitit Jakòb yo konnen pawòl li. li fè pèp Izrayèl la konnen lòd li yo ak sa li deside.

לא עשה כן לכל גוי ומשפטים בל ידעום הללו יה׃

Li pa aji konsa ak okenn lòt nasyon. Li pa fè yo konnen sa l' deside fè. Lwanj pou Seyè a!