Psalms 135

alleluia laudate nomen Domini laudate servi Dominum

Purihin ninyo ang Panginoon. Purihin ninyo ang pangalan ng Panginoon; purihin ninyo siya, Oh ninyong mga lingkod ng Panginoon:

qui statis in domo Domini in atriis domus Dei nostri

Ninyong nagsisitayo sa bahay ng Panginoon. Sa mga looban ng bahay ng ating Dios.

laudate Dominum quoniam bonus Dominus cantate nomini eius quoniam decens

Purihin ninyo ang Panginoon; sapagka't ang Panginoon ay mabuti: magsiawit kayo ng mga pagpuri sa kaniyang pangalan; sapagka't maligaya.

quia Iacob elegit sibi Dominus Israhel in peculium suum

Sapagka't pinili ng Panginoon para sa kaniya si Jacob, at ang Israel na kaniyang pinakatanging kayamanan.

quia ego scio quod magnus Dominus et Dominus noster prae omnibus diis

Sapagka't nalalaman ko na ang Panginoon ay dakila, at ang ating Panginoon ay higit sa lahat na dios.

omnia quae voluit Dominus fecit in caelo et in terra in mari et in cunctis abyssis

Anomang kinalugdan ng Panginoon, ay kaniyang ginawa, sa langit at sa lupa, sa mga dagat, at sa lahat ng mga kalaliman.

levans nubes de summitatibus terrae fulgura in pluviam fecit educens ventos de thesauris suis

Kaniyang pinailanglang ang mga singaw na mula sa mga wakas ng lupa; kaniyang ginagawa ang mga kidlat na ukol sa ulan; kaniyang inilalabas ang hangin mula sa kaniyang mga ingatang-yaman.

qui percussit primitiva Aegypti ab homine usque ad pecus

Na siyang sumakit sa mga panganay sa Egipto, sa tao at gayon din sa hayop.

misit signa et portenta in medio tui Aegypte in Pharao et in cunctos servos eius

Siya'y nagsugo ng mga tanda at mga kababalaghan sa gitna mo, Oh Egipto, kay Faraon, at sa lahat niyang mga lingkod.

qui percussit gentes multas et occidit reges fortes

Na siyang sumakit sa maraming bansa, at pumatay sa mga makapangyarihang hari;

Seon regem Amorreorum et Og regem Basan et omnia regna Chanaan

Kay Sehon na hari ng mga Amorrheo, at kay Og na hari sa Basan, at sa lahat ng mga kaharian ng Canaan:

et dedit terram eorum hereditatem hereditatem Israhel populo suo

At ibinigay ang kanilang lupain na pinakamana, isang pinakamana sa Israel sa kaniyang bayan.

Domine nomen tuum in aeternum Domine memoriale tuum in generatione et generatione

Ang iyong pangalan, Oh Panginoon, ay magpakailan man; ang alaala sa iyo, Oh Panginoon, ay sa lahat ng sali't saling lahi.

quia iudicabit Dominus populum suum et in servos suos erit placabilis

Sapagka't hahatulan ng Panginoon ang kaniyang bayan, at magsisisi tungkol sa kaniyang mga lingkod.

idola gentium argentum et aurum opera manuum hominum

Ang mga diosdiosan ng mga bansa ay pilak at ginto, na gawa ng mga kamay ng mga tao.

os habent et non loquentur oculos habent et non videbunt

Sila'y may mga bibig, nguni't hindi sila nangagsasalita; mga mata ay mayroon sila, nguni't hindi sila nangakakakita;

aures habent et non audient sed nec spiritus in ore eorum

Sila'y may mga tainga, nguni't hindi sila nangakakarinig; at wala mang anomang hinga sa kanilang mga bibig.

similes illis fiant qui faciunt ea omnis qui confidit in eis

Silang nagsisigawa sa kanila ay magiging gaya nila; Oo, bawa't tumitiwala sa kanila.

domus Israhel benedicite Domino domus Aaron benedicite Domino

Oh sangbahayan ni Israel, purihin ninyo ang Panginoon: Oh sangbahayan ni Aaron, purihin ninyo ang Panginoon:

domus Levi benedicite Domino timentes Dominum benedicite Domino

Oh sangbahayan ni Levi, purihin ninyo ang Panginoon: ninyong nangatatakot sa Panginoon, purihin ninyo ang Panginoon.

benedictus Dominus ex Sion qui habitat in Hierusalem alleluia

Purihin ang Panginoon mula sa Sion, na siyang tumatahan sa Jerusalem. Purihin ninyo ang Panginoon.