Psalms 108

Fortika estas mia koro, ho Dio; Mi kantos kaj gloros kun mia honoro.

שיר מזמור לדוד נכון לבי אלהים אשירה ואזמרה אף כבודי׃

Vekiĝu, psaltero kaj harpo; Mi vekos la matenan ĉielruĝon.

עורה הנבל וכנור אעירה שחר׃

Mi gloros Vin, ho Eternulo, inter la popoloj; Kaj mi prikantos Vin inter la gentoj.

אודך בעמים יהוה ואזמרך בל אמים׃

Ĉar granda ĝis super la ĉielo estas Via boneco, Kaj ĝis la nuboj estas Via vero.

כי גדול מעל שמים חסדך ועד שחקים אמתך׃

Altiĝu super la ĉielo, ho Dio; Kaj Via gloro estu super la tuta tero.

רומה על שמים אלהים ועל כל הארץ כבודך׃

Por ke liberiĝu viaj amatoj, Helpu per Via dekstra mano, kaj aŭskultu min.

למען יחלצון ידידיך הושיעה ימינך וענני׃

Dio diris en Sia sanktejo: Mi triumfos; Mi dividos Ŝeĥemon, kaj la valon Sukot Mi mezuros.

אלהים דבר בקדשו אעלזה אחלקה שכם ועמק סכות אמדד׃

Al Mi apartenas Gilead, al Mi apartenas Manase; Efraim estas la forto de Mia kapo, Jehuda estas Mia sceptro.

לי גלעד לי מנשה ואפרים מעוז ראשי יהודה מחקקי׃

Moab estas Mia lavopelvo; Sur Edomon Mi ĵetos Mian ŝuon; Super Filiŝtujo Mi triumfe krios.

מואב סיר רחצי על אדום אשליך נעלי עלי פלשת אתרועע׃

Kiu enkondukos min en fortikigitan urbon? Kiu alkondukos min ĝis Edom?

מי יבלני עיר מבצר מי נחני עד אדום׃

Ĉu ne Vi, ho Dio, forlasis nin? Vi ne eliras, ho Dio, kun niaj militistaroj.

הלא אלהים זנחתנו ולא תצא אלהים בצבאתינו׃

Donu al ni helpon kontraŭ la malamiko; Vanta estas helpo de homo.

הבה לנו עזרת מצר ושוא תשועת אדם׃

Kun Dio ni faros heroaĵojn; Kaj Li dispremos niajn malamikojn.

באלהים נעשה חיל והוא יבוס צרינו׃