Psalms 91

ישב בסתר עליון בצל שדי יתלונן׃

Ko te tangata kei te wahi ngaro o te Runga Rawa tona kainga, ka noho ia i raro i te taumarumarutanga o te Kaha Rawa.

אמר ליהוה מחסי ומצודתי אלהי אבטח בו׃

Ka kiia e ahau a Ihowa, Ko ia toku piringa, toku pa, toku Atua, ka whakawhirinaki ahau ki a ia.

כי הוא יצילך מפח יקוש מדבר הוות׃

Mana hoki koe e whakaora i te mahanga a te kaihopu manu, i te mate nanakia.

באברתו יסך לך ותחת כנפיו תחסה צנה וסחרה אמתו׃

Ka hipokina koe e ia ki ona hou, a ka piri koe ki raro i ona pakau: ko tona pono hei whakangungu rakau, hei puapua mou.

לא תירא מפחד לילה מחץ יעוף יומם׃

E kore koe e wehi i te mea whakamataku i te po: i te pere e rere ana i te awatea.

מדבר באפל יהלך מקטב ישוד צהרים׃

I te mate uruta e rere ana i te pouri: i te whakangaromanga e whakangaro ana i te poutumarotanga.

יפל מצדך אלף ורבבה מימינך אליך לא יגש׃

He mano te hinga ki tou taha, tekau hoki nga mano ki tou matau; otiia e kore e tata ki a koe.

רק בעיניך תביט ושלמת רשעים תראה׃

Ka titiro kau ou kanohi, ka matakitaki ki te utu mo te hunga kino.

כי אתה יהוה מחסי עליון שמת מעונך׃

Ko koe hoki, e Ihowa, toku piranga! kua waiho e koe te Runga Rawa hei nohoanga mou:

לא תאנה אליך רעה ונגע לא יקרב באהלך׃

Kahore he kino e pa ki a koe, kahore ano he whiu e tata ki tou teneti.

כי מלאכיו יצוה לך לשמרך בכל דרכיך׃

Ka korerotia iho hoki koe e ia ki ana anahera kia tiakina koe i ou ara katoa.

על כפים ישאונך פן תגף באבן רגלך׃

Ma ratou koe e hiki ake ki o ratou ringa, kei tutuki tou waewae ki te kohatu.

על שחל ופתן תדרך תרמס כפיר ותנין׃

Ka haere koe i runga i te raiona, i te neke: ka takahia e koe ki raro te kuao raiona me te nakahi.

כי בי חשק ואפלטהו אשגבהו כי ידע שמי׃

Ka whakaora ahau i a ia, mona i aroha ki ahau; maku ia e whakateitei ake, mona i matau ki toku ingoa.

יקראני ואענהו עמו אנכי בצרה אחלצהו ואכבדהו׃

Ka karanga ia ki ahau, a ka whakahoki kupu ahau ki a ia: ka tata ahau ki a ia i te wa o te he; maku ia e whakaora, maku ano ia e whakahonore.

ארך ימים אשביעהו ואראהו בישועתי׃

Ka whakaroaina e ahau ona ra, a na noa ia: ka whakakitea hoki taku whakaoranga ki a ia.