Proverbs 27

אל תתהלל ביום מחר כי לא תדע מה ילד יום׃

Kei whakamanamana koe ki te ra apopo; kahore hoki koe e mohio ko te aha e puta mai i roto i te ra.

יהללך זר ולא פיך נכרי ואל שפתיך׃

Ma tetahi atu tangata te whakamoemiti mou, kaua ma tou mangai ake; ma te tangata ke, kaua ma ou ngutu ake.

כבד אבן ונטל החול וכעס אויל כבד משניהם׃

He taimaha te kohatu, he taimaha ano te kirikiri; he taimaha atu ia i a raua tahi te pukuriri o te wairangi.

אכזריות חמה ושטף אף ומי יעמד לפני קנאה׃

He mea nanakia te riri, he rutaki te aritarita; ko wai ia e tu i mua i te hae?

טובה תוכחת מגלה מאהבה מסתרת׃

He pai ke te riri matanui i te aroha huna.

נאמנים פצעי אוהב ונעתרות נשיקות שונא׃

Ko nga patu a te hoa aroha he mea na te pono: ko nga kihi ia a te hoariri auau rawa.

נפש שבעה תבוס נפת ונפש רעבה כל מר מתוק׃

E ngaruru ana te wairua makona ki te honikoma: engari ki te wairua hiakai, reka kau nga mea kawa katoa.

כצפור נודדת מן קנה כן איש נודד ממקומו׃

Rite tonu ki te manu e atiutiu noa atu ana i tona kohanga te tangata e atiutiu noa atu ana i tona wahi.

שמן וקטרת ישמח לב ומתק רעהו מעצת נפש׃

He whakahari ngakau te hinu me te whakakakara; he pera ano nga ahuareka o to te tangata hoa aroha i ahu mai i nga tikanga mateoha i whakatakotoria e tona ngakau.

רעך ורעה אביך אל תעזב ובית אחיך אל תבוא ביום אידך טוב שכן קרוב מאח רחוק׃

Ko tou hoa aroha ake, a ko te hoa hoki o tou papa, kaua e whakarerea; kaua hoki e haere ki te whare o tou tuakana i te ra e mate ai koe: he pai ke hoki te hoa e tata ana i te tuakana i tawhiti.

חכם בני ושמח לבי ואשיבה חרפי דבר׃

E taku tama, kia whakaaro nui, kia koa ai toku ngakau, kia whakahoki kupu ai hoki ahau ki te hunga e tawai ana ki ahau.

ערום ראה רעה נסתר פתאים עברו נענשו׃

E kite atu ana te tangata tupato i te he, a ka huna i a ia: tena ko te kuware, haere tonu atu, mamae tonu atu.

קח בגדו כי ערב זר ובעד נכריה חבלהו׃

Tangohia te kakahu o te kaiwhakakapi mo te tangata ke; tona taunaha ano hoki mo ta te wahine ke.

מברך רעהו בקול גדול בבקר השכים קללה תחשב לו׃

Ko te tangata e maranga ana i te atatu, he nui hoki tona reo ki te manaaki i tona hoa ka kiia tana he kanga.

דלף טורד ביום סגריר ואשת מדונים נשתוה׃

He maturuturu e puputu tonu ana i te ra nui te ua, he wahine ngangare, rite tonu raua:

צפניה צפן רוח ושמן ימינו יקרא׃

Ko te tangata e mea ana ki te pehi i a ia, e mea ana ki te pehi i te hau, a ka tutaki tona ringa matau ki te hinu.

ברזל בברזל יחד ואיש יחד פני רעהו׃

Ko te rino hei whakakoi mo te rino; waihoki ko te tangata ano hei whakakoi i te mata o tona hoa.

נצר תאנה יאכל פריה ושמר אדניו יכבד׃

Ko te kaitiaki o te piki, ka kai i ona hua: ka whakahonoretia te tangata e whakaaro ana ki tona rangatira.

כמים הפנים לפנים כן לב האדם לאדם׃

He pera i te wai, tiro atu, tiro mai he kanohi, ka pena ano to te tangata ngakau ki te tangata.

שאול ואבדה לא תשבענה ועיני האדם לא תשבענה׃

Ko te reinga, ko te whakangaromanga, e kore e makona; e kore ano hoki e makona nga kanohi o te tangata.

מצרף לכסף וכור לזהב ואיש לפי מהללו׃

Ko te oko tahu para mo te hiriwa, ko te oumu mo te koura; a, ko te whakanui i a ia, hei whakamatautau mo te tangata.

אם תכתוש את האויל במכתש בתוך הריפות בעלי לא תסור מעליו אולתו׃

Ahakoa i tukua e koe te wairangi ki te tuki i roto i te kumete i waenga i nga witi pepe, e kore tona whakaarokore e riro.

ידע תדע פני צאנך שית לבך לעדרים׃

Kia anga nui koa kia mohio ki te ahua o au hipi, a kia pai te tiaki i au kahui kau:

כי לא לעולם חסן ואם נזר לדור דור׃

E kore hoki te taonga e mau tonu; e mau ianei te karauna ki nga whakatupuranga katoa?

גלה חציר ונראה דשא ונאספו עשבות הרים׃

Kua whaiti te hei, e kitea ana te tupu hou, a e kohikohia ana nga otaota o nga maunga.

כבשים ללבושך ומחיר שדה עתודים׃

Hei mea kakahu mou nga reme, a koe nga koati hei utu mo te mara.

ודי חלב עזים ללחמך ללחם ביתך וחיים לנערותיך׃

A tera te waiu koati, he nui noa atu hei kai mau, hei kai hoki ma tou whare, hei oranga ano hoki mo au kotiro.