Psalms 116

אהבתי כי ישמע יהוה את קולי תחנוני׃

Izaho tia an'i Jehovah, satria efa nandre Ny feon'ny fifonako Izy.

כי הטה אזנו לי ובימי אקרא׃

Satria efa nanongilana ny sofiny tamiko Izy, Dia hiantso aho, raha mbola velona koa.

אפפוני חבלי מות ומצרי שאול מצאוני צרה ויגון אמצא׃

Nihodidina tamiko ny famatoran'ny fahafatesana, Ary nahazo ahy ny fahorian'ny fiainan-tsi-hita; Nahita fahoriana sy alahelo aho.

ובשם יהוה אקרא אנה יהוה מלטה נפשי׃

Dia niantso ny anaran'i Jehovah hoe aho: Jehovah ô, mifona aminao aho, vonjeo ny fanahiko.

חנון יהוה וצדיק ואלהינו מרחם׃

Mamindra fo sy marina Jehovah Eny, miantra Andriamanitsika.

שמר פתאים יהוה דלותי ולי יהושיע׃

Miaro ny kely saina Jehovah; Reraka aho, dia namonjy ahy Izy.

שובי נפשי למנוחיכי כי יהוה גמל עליכי׃

Miverena ho amin'ny fitsaharanao, ry fanahiko, Fa Jehovah efa nanisy soa anao,

כי חלצת נפשי ממות את עיני מן דמעה את רגלי מדחי׃

Dia namonjy ny fanahiko tamin'ny fahafatesana Hianao Sy ny masoko tamin'ny ranomaso Ary ny tongotro tamin'ny fahatafintohinana.

אתהלך לפני יהוה בארצות החיים׃

Handeha eo anatrehan'i Jehovah Eo amin'ny tanin'ny velona aho.

האמנתי כי אדבר אני עניתי מאד׃

Nino aho; hiteny tokoa aho; Mahantra indrindra aho.

אני אמרתי בחפזי כל האדם כזב׃

Hoy izaho tamin'ny fahatairako; Mpandainga ny olona rehetra.

מה אשיב ליהוה כל תגמולוהי עלי׃

Inona no havaliko an'i Jehovah Noho ny soa rehetra nataony tamiko?

כוס ישועות אשא ובשם יהוה אקרא׃

Handray ny kapoaky ny famonjena aho Ka hiantso ny anaran'i Jehovah.

נדרי ליהוה אשלם נגדה נא לכל עמו׃

Hanefa ny voadiko amin'i Jehovah aho. Eny, eo anatrehan'ny olony rehetra.

יקר בעיני יהוה המותה לחסידיו׃

Zava-dehibe eo imason'i Jehovah Ny fahafatesan'ny olony masina.

אנה יהוה כי אני עבדך אני עבדך בן אמתך פתחת למוסרי׃

Indrisy! Jehovah ô, mpanomponao tokoa aho, Eny, mpanomponao sady zanaky ny ankizivavinao; Namaha ny fatorako Hianao.

לך אזבח זבח תודה ובשם יהוה אקרא׃

Hianao no haterako fanati-pisaorana, Ary ny anaran'i Jehovah no hantsoiko.

נדרי ליהוה אשלם נגדה נא לכל עמו׃

Hanefa ny voadiko amin'i Jehovah aho, Eny, eo anatrehan'ny olony rehetra,

בחצרות בית יהוה בתוככי ירושלם הללו יה׃

Dia eo an-kianjan'ny tranon'i Jehovah, Eo afovoanao, ry Jerosalema ô. Haleloia.