1. Home
  2. Pair
  3. HebModern
  4. Esperanto
  5. Ps.31

Psalms 31

31:1
למנצח מזמור לדוד בך יהוה חסיתי אל אבושה לעולם בצדקתך פלטני׃
Vin, ho Eternulo, mi fidas, ke mi neniam estu hontigita; Per Via justeco savu min.
31:2
הטה אלי אזנך מהרה הצילני היה לי לצור מעוז לבית מצודות להושיעני׃
Klinu al mi Vian orelon, rapide savu min! Estu por mi forta roko, fortika kastelo, por helpi min.
31:3
כי סלעי ומצודתי אתה ולמען שמך תנחני ותנהלני׃
Ĉar Vi estas mia roko kaj mia kastelo; Kaj pro Via nomo gvidu min kaj konduku min.
31:4
תוציאני מרשת זו טמנו לי כי אתה מעוזי׃
Eligu min el la reto, kiun ili metis kontraŭ mi; Ĉar Vi estas mia fortikaĵo.
31:5
בידך אפקיד רוחי פדיתה אותי יהוה אל אמת׃
En Vian manon mi transdonas mian spiriton; Vi savas min, ho Eternulo, Dio de la vero.
31:6
שנאתי השמרים הבלי שוא ואני אל יהוה בטחתי׃
Mi malamas la adorantojn de vantaj idoloj, Sed mi fidas la Eternulon.
31:7
אגילה ואשמחה בחסדך אשר ראית את עניי ידעת בצרות נפשי׃
Mi gajas kaj ĝojas pro Via favoro; Ĉar Vi vidis min mizeron, Vi eksciis la suferojn de mia animo,
31:8
ולא הסגרתני ביד אויב העמדת במרחב רגלי׃
Kaj Vi ne transdonis min en la manon de malamiko, Vi starigis miajn piedojn sur vasta loko.
31:9
חנני יהוה כי צר לי עששה בכעס עיני נפשי ובטני׃
Korfavoru min, ho Eternulo, ĉar mi suferas; Malfortiĝis de malĝojo mia okulo, mia animo, kaj mia korpo.
31:10
כי כלו ביגון חיי ושנותי באנחה כשל בעוני כחי ועצמי עששו׃
Ĉar mia vivo konsumiĝis de malĝojo kaj miaj jaroj de ĝemado; Mia forto malaperis per mia kulpo, kaj miaj ostoj malfortiĝis.
31:11
מכל צררי הייתי חרפה ולשכני מאד ופחד למידעי ראי בחוץ נדדו ממני׃
Per ĉiuj miaj malamikoj mi fariĝis granda hontindaĵo por miaj najbaroj Kaj teruraĵo por miaj konatoj; Kiuj vidas min sur la strato, tiuj forkuras de mi.
31:12
נשכחתי כמת מלב הייתי ככלי אבד׃
Oni forgesis pri mi en la koro, kiel pri mortinto; Mi fariĝis kiel rompita vazo.
31:13
כי שמעתי דבת רבים מגור מסביב בהוסדם יחד עלי לקחת נפשי זממו׃
Ĉar mi aŭdas la insultojn de multaj; Ĉirkaŭe estas minacoj; Ili kune konspiras kontraŭ mi, Ili intencas pereigi mian vivon.
31:14
ואני עליך בטחתי יהוה אמרתי אלהי אתה׃
Sed mi — mi fidas Vin, ho Eternulo; Mi diras: Vi estas mia Dio.
31:15
בידך עתתי הצילני מיד אויבי ומרדפי׃
En Via mano estas mia sorto; Savu min de la mano de miaj malamikoj kaj persekutantoj.
31:16
האירה פניך על עבדך הושיעני בחסדך׃
Lumu per Via vizaĝo al Via sklavo, Helpu min per Via boneco.
31:17
יהוה אל אבושה כי קראתיך יבשו רשעים ידמו לשאול׃
Ho Eternulo, ne hontigu min, ĉar mi vokis al Vi; Hontigitaj estu la malpiuloj, ili silentiĝu por Ŝeol.
31:18
תאלמנה שפתי שקר הדברות על צדיק עתק בגאוה ובוז׃
Mutiĝu la mensogaj buŝoj, Kiuj parolas arogante kontraŭ piulo, Kun fiero kaj malestimo.
31:19
מה רב טובך אשר צפנת ליראיך פעלת לחסים בך נגד בני אדם׃
Kiel granda estas Via boneco, kiun Vi konservis por tiuj, kiuj Vin timas, Kaj kiun Vi faris antaŭ la homoj por tiuj, kiuj Vin fidas!
31:20
תסתירם בסתר פניך מרכסי איש תצפנם בסכה מריב לשנות׃
Vi kovras ilin per la kovro de Via vizaĝo kontraŭ homaj atencoj, Vi kaŝas ilin en tendo kontraŭ malamikaj langoj.
31:21
ברוך יהוה כי הפליא חסדו לי בעיר מצור׃
Glorata estu la Eternulo, Kiu aperigis al mi mirindan favoron en fortikigita urbo.
31:22
ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃
Kaj mi diris en mia konfuziĝo: Mi estas forpuŝita for de Viaj okuloj; Tamen Vi aŭskultis la voĉon de mia preĝo, kiam mi vokis al Vi.
31:23
אהבו את יהוה כל חסידיו אמונים נצר יהוה ומשלם על יתר עשה גאוה׃
Amu la Eternulon, ĉiuj Liaj piuloj; La fidelulojn la Eternulo gardas, Kaj Li repagas sufiĉege al tiuj, kiuj agas malhumile.
31:24
חזקו ויאמץ לבבכם כל המיחלים ליהוה׃
Estu kuraĝaj, kaj forta estu via koro, Vi ĉiuj, kiuj esperas al la Eternulo!

© bibleglot.com