Psalms 30

מזמור שיר חנכת הבית לדוד ארוממך יהוה כי דליתני ולא שמחת איבי לי׃

Mi gloros Vin alte, ho Eternulo, Ĉar Vi levis min kaj Vi ne lasis miajn malamikojn triumfi super mi.

יהוה אלהי שועתי אליך ותרפאני׃

Ho Eternulo, mia Dio, mi vokis al Vi, Kaj Vi min sanigis.

יהוה העלית מן שאול נפשי חייתני מיורדי בור׃

Ho Eternulo, Vi ellevis el Ŝeol mian animon; Vi vivigis min, ke mi ne iru en la tombon.

זמרו ליהוה חסידיו והודו לזכר קדשו׃

Kantu al la Eternulo, ho Liaj piuloj, Kaj gloru Lian sanktan nomon.

כי רגע באפו חיים ברצונו בערב ילין בכי ולבקר רנה׃

Ĉar nur momenton daŭras Lia kolero, Sed tutan vivon daŭras Lia favoro; Vespere povas esti ploro, Sed matene venos ĝojego.

ואני אמרתי בשלוי בל אמוט לעולם׃

Kaj mi diris en la tempo de mia feliĉo: Mi neniam falos.

יהוה ברצונך העמדתה להררי עז הסתרת פניך הייתי נבהל׃

Ho Eternulo, per Via favoro Vi starigis mian monton fortike; Sed kiam Vi kaŝis Vian vizaĝon, mi konfuziĝis.

אליך יהוה אקרא ואל אדני אתחנן׃

Al Vi, ho Eternulo, mi vokis, Kaj al la Eternulo mi preĝis:

מה בצע בדמי ברדתי אל שחת היודך עפר היגיד אמתך׃

Kion utilos mia sango, se mi iros en la tombon? Ĉu gloros Vin polvo? ĉu ĝi aŭdigos Vian veron?

שמע יהוה וחנני יהוה היה עזר לי׃

Aŭskultu, ho Eternulo, kaj korfavoru min; Ho Eternulo, estu helpanto al mi.

הפכת מספדי למחול לי פתחת שקי ותאזרני שמחה׃

Vi anstataŭigis al mi mian plendon per danco; Vi deprenis de mi mian sakaĵon kaj zonis min per ĝojo,

למען יזמרך כבוד ולא ידם יהוה אלהי לעולם אודך׃

Por ke mia animo kantu al Vi kaj ne silentiĝu. Ho Eternulo, mia Dio, eterne mi Vin gloros.