Philemon 1

Mwen menm Pòl, ki nan prizon poutèt Jezikri, m'ap ekri lèt sa a, ansanm ak frè Timote, Pou Filemon, yon moun nou renmen anpil epi k'ap travay ansanm ak nou pou Seyè a,

Paul, a prisoner of Jesus Christ, and Timothy our brother, unto Philemon our dearly beloved, and fellowlabourer,

pou tout legliz la ki reyini lakay li a, pou Apya, sè nou an, ak Achip, kanmarad ki te konbat ansanm ak nou an.

And to our beloved Apphia, and Archippus our fellowsoldier, and to the church in thy house:

Nou mande Bondye, Papa nou, ansanm ak Jezikri, Seyè nou an, pou yo ban nou benediksyon ak kè poze.

Grace to you, and peace, from God our Father and the Lord Jesus Christ.

Chak fwa m'ap lapriyè, mwen nonmen non ou, mwen di Bondye mèsi pou ou.

I thank my God, making mention of thee always in my prayers,

Paske m' tande jan ou renmen tout pèp Bondye a, jan ou gen konfyans nan Seyè Jezi.

Hearing of thy love and faith, which thou hast toward the Lord Jesus, and toward all saints;

M'ap mande Bondye pou konfyans nou gen ansanm nan li a ka fè nou konprann pi byen tout benediksyon nou jwenn nan lavi n'ap mennen ansanm nan Kris la.

That the communication of thy faith may become effectual by the acknowledging of every good thing which is in you in Christ Jesus.

Se pa ti kontan m' te kontan, sa te ankouraje m' anpil, frè mwen, lè m' tande jan ou renmen moun ki fè pati pèp Bondye a, jan ou te remoute kouraj yo anpil.

For we have great joy and consolation in thy love, because the bowels of the saints are refreshed by thee, brother.

Se poutèt sa, atout Kris la ban m' otorite pou m' di ou sa ou gen pou ou fè,

Wherefore, though I might be much bold in Christ to enjoin thee that which is convenient,

m' pito mande ou rann mwen sèvis sa a nan non Kris la ki renmen nou: wi, mwen menm Pòl, tou vye granmoun jan m' ye a, atout mwen nan prizon poutèt Jezikri,

Yet for love's sake I rather beseech thee, being such an one as Paul the aged, and now also a prisoner of Jesus Christ.

m'ap mande ou yon favè pou Onezim, yon pitit mwen fè nan Kris la antan m' la nan prizon an.

I beseech thee for my son Onesimus, whom I have begotten in my bonds:

Anvan sa, li pa t' vo anyen pou ou, men koulye a, li vo kichòy ni pou ou ni pou mwen.

Which in time past was to thee unprofitable, but now profitable to thee and to me:

M'ap voye l' tounen ba ou koulye a tankou pitit pa mwen.

Whom I have sent again: thou therefore receive him, that is, mine own bowels:

M' ta byen renmen kenbe l' bò kote m', pou l' te ka sèvi m' nan plas ou, pandan m' nan prizon pou bon nouvèl la.

Whom I would have retained with me, that in thy stead he might have ministered unto me in the bonds of the gospel:

Men, m' pa vle fè anyen san konsantman ou. Mwen pa ta renmen sa sanble se fòse m'ap fòse ou rann mwen sèvis. Mwen ta pito wè ou fè l' ou menm, paske ou vle fè li.

But without thy mind would I do nothing; that thy benefit should not be as it were of necessity, but willingly.

Ou pa janm konnen si Onezim pa t' kite ou pou yon tan, pou ou te ka jwenn li ankò pou tout tan.

For perhaps he therefore departed for a season, that thou shouldest receive him for ever;

Paske, se pa tankou yon senp esklav ou jwenn li ankò. Koulye a, li plis pase yon esklav pou ou: se yon frè li ye pou nou nan Kris la, yon frè mwen renmen anpil. Men, ou menm ou dwe renmen li pi plis pase m' ankò. Pa sèlman tankou nenpòt ki moun, men tankou yon frè nan Seyè a.

Not now as a servant, but above a servant, a brother beloved, specially to me, but how much more unto thee, both in the flesh, and in the Lord?

Si ou konsidere m' pou zanmi ou, resevwa Onezim menm jan ou ta resevwa mwen.

If thou count me therefore a partner, receive him as myself.

Si l' te fè ou kèk bagay mal, osinon si l' dwe ou kichòy, mete sa sou kont mwen.

If he hath wronged thee, or oweth thee ought, put that on mine account;

Mwen menm Pòl, m'ap ekri sa ak men pa mwen: m'a renmèt ou sa. Mwen pa kwè m' bezwen fè ou chonje jan ou dwe m' lavi.

I Paul have written it with mine own hand, I will repay it: albeit I do not say to thee how thou owest unto me even thine own self besides.

Wi, frè m', fè m' favè sa a nan non Seyè a. Soulaje kè m' tankou yon frè nan Kris la dwe fè li.

Yea, brother, let me have joy of thee in the Lord: refresh my bowels in the Lord.

Se paske mwen konnen w'ap fè sa m' mande ou la ki fè m' ekri ou lèt sa a. Mwen konnen ou va fè pi plis pase sa m' mande ou la.

Having confidence in thy obedience I wrote unto thee, knowing that thou wilt also do more than I say.

An menm tan, pare yon chanm pou mwen, paske, pou lapriyè mwen konnen nou fè pou mwen, mkwè Bondye va tande nou, la fè m' favè vin jwenn nou ankò.

But withal prepare me also a lodging: for I trust that through your prayers I shall be given unto you.

Epafras ki nan prizon ansanm ak mwen poutèt Jezi, Kris la, voye bonjou pou ou.

There salute thee Epaphras, my fellowprisoner in Christ Jesus;

Mak, Aristak, Demas ak Lik k'ap travay ansanm ak mwen, yo tout voye bonjou tou.

Marcus, Aristarchus, Demas, Lucas, my fellowlabourers.

Se pou benediksyon Jezikri, Seyè nou an, toujou la avèk nou. Amèn.

The grace of our Lord Jesus Christ be with your spirit. Amen. Written from Rome to Philemon, by Onesimus, a servant.