I Corinthians 3

Ary izaho, ry rahalahy, tsy nahazo niteny taminareo tahaka ny amin'izay araka ny Fanahy, fa tahaka ny amin'izay mbola nofo, dia tahaka izay mbola zaza ihany ao amin'i Kristy.

And I, brethren, could not speak unto you as unto spiritual, but as unto carnal, even as unto babes in Christ.

Ronono no nomeko anareo, fa tsy ventin-kanina, satria tsy mbola natanjaka ianareo; eny, mbola tsy matanjaka mandraka ankehitriny aza,

I have fed you with milk, and not with meat: for hitherto ye were not able to bear it, neither yet now are ye able.

fa mbola araka ny nofo ihany ianareo. Fa raha misy fialonana sy fifandirana eo aminareo, tsy araka ny nofo va ianareo ka mandeha araka ny fanaon'ny olona?

For ye are yet carnal: for whereas there is among you envying, and strife, and divisions, are ye not carnal, and walk as men?

Fa raha hoy ny anankiray: Izaho an'i Paoly, ary ny anankiray kosa: Izaho an'i Apolosy, moa tsy olona ihany va ianareo?

For while one saith, I am of Paul; and another, I am of Apollos; are ye not carnal?

Koa inona moa Apolosy, ary inona moa Paoly? Mpanompo ihany izay nahatonga anareo ho mpino ireo, dia samy araka ny nomen'ny Tompo azy avy.

Who then is Paul, and who is Apollos, but ministers by whom ye believed, even as the Lord gave to every man?

Izaho namboly, Apolosy nandena, fa Andriamanitra no nampitombo.

I have planted, Apollos watered; but God gave the increase.

Ka dia tsinontsinona izay mamboly, na izay mandena, fa Andriamanitra Izay mampitombo no izy.

So then neither is he that planteth any thing, neither he that watereth; but God that giveth the increase.

Ary iray ihany ny mpamboly sy ny mpandena; nefa samy handray izay valim-pitiany avy araka ny fisasarany izy.

Now he that planteth and he that watereth are one: and every man shall receive his own reward according to his own labour.

Fa mpiara-miasa amin'Andriamanitra izahay; ary sahan'Andriamanitra sy trano arafitr'Andriamanitra ianareo.

For we are labourers together with God: ye are God's husbandry, ye are God's building.

Araka ny fahasoavan'Andriamanitra nomena ahy, tahaka ny fanaon'ny mpità-marika mahay no nanaovako ny fanorenana, ary ny hafa mandrafitra eo amboniny; nefa aoka ny olona rehetra hitandrina izay arafiny eo amboniny.

According to the grace of God which is given unto me, as a wise masterbuilder, I have laid the foundation, and another buildeth thereon. But let every man take heed how he buildeth thereupon.

Fa tsy misy mahay manao fanorenana hafa afa-tsy izay natao, dia Jesosy Kristy.

For other foundation can no man lay than that is laid, which is Jesus Christ.

Ary raha misy mandrafitra volamena, na volafotsy, na vato tsara, na hazo, na bozaka, na mololo, eo ambonin'ny fanorenana,

Now if any man build upon this foundation gold, silver, precious stones, wood, hay, stubble;

dia haseho avokoa ny asan'ny olona rehetra; fa ny andro no hampiseho azy, satria haseho amin'afo izany andro izany, ka dia hozahan-toetra, amin'ny afo ny asan'ny olona rehetra.

Every man's work shall be made manifest: for the day shall declare it, because it shall be revealed by fire; and the fire shall try every man's work of what sort it is.

Raha maharitra ny asan'ny olona, izay narafiny teo amboniny, dia handray valim-pitia izy.

If any man's work abide which he hath built thereupon, he shall receive a reward.

Raha ho levon'ny afo ny asan'ny olona, dia ho fatiantoka izy; fa ny tenany kosa dia hovonjena, nefa toy ny avy ao amin'ny afo ihany izy.

If any man's work shall be burned, he shall suffer loss: but he himself shall be saved; yet so as by fire.

Tsy fantatrareo va fa tempolin'Andriamanitra ianareo, ary ny Fanahin'Andriamanitra mitoetra no anatinareo?

Know ye not that ye are the temple of God, and that the Spirit of God dwelleth in you?

Raha misy manimba ny tempolin'Andriamanitra, dia mba hosimban'Andriamanitra kosa izy; fa masina ny tempolin'Andriamanitra, dia ianareo izany.

If any man defile the temple of God, him shall God destroy; for the temple of God is holy, which temple ye are.

Aza misy mamita-tena. Raha misy eo aminareo manao azy ho hendry amin'izao tontolo izao, aoka ho adala izy mba ho hendry.

Let no man deceive himself. If any man among you seemeth to be wise in this world, let him become a fool, that he may be wise.

Fa ny fahendren'izao tontolo izao dia fahadalana eo anatrehan'Andriamanitra; fa voasoratra hoe: Ny hafetsen'ny hendry ihany no entiny misambotra azy (Joba 5. 13).

For the wisdom of this world is foolishness with God. For it is written, He taketh the wise in their own craftiness.

Ary indray: Jehovah no mahalala ny hevitry ny hendry fa zava-poana izany (Sal. 94. 11)

And again, The Lord knoweth the thoughts of the wise, that they are vain.

Ka dia aza misy manao olona ho reharehany; fa anareo ny zavatra rehetra:

Therefore let no man glory in men. For all things are yours;

na Paoly, na Apolosy, na Kefasy, na izao tontolo izao, na fiainana, na fahafatesana, na ny zavatra ankehitriny, na ny zavatra ho avy; dia anareo izany rehetra izany;

Whether Paul, or Apollos, or Cephas, or the world, or life, or death, or things present, or things to come; all are yours;

ary ianareo an'i Kristy ary Kristy an'Andriamanitra.

And ye are Christ's; and Christ is God's.