Psalms 132

שיר המעלות זכור יהוה לדוד את כל ענותו׃

Se yon chante pou yo chante lè y'ap moute lavil Jerizalèm. Seyè, pa bliye David. Chonje tout traka li te bay tèt li pou ou.

אשר נשבע ליהוה נדר לאביר יעקב׃

Seyè, chonje sèman li te fè ou, pwomès li te fè ou, ou menm Bondye Jakòb la ki gen fòs, lè l' te di:

אם אבא באהל ביתי אם אעלה על ערש יצועי׃

-Mwen p'ap antre nan kay kote m' rete a, mwen p'ap moute kouche sou kabann mwen,

אם אתן שנת לעיני לעפעפי תנומה׃

mwen p'ap bay kò m' repo, mwen p'ap fèmen je m',

עד אמצא מקום ליהוה משכנות לאביר יעקב׃

toutotan mwen pa jwenn yon kote pou Seyè a, yon kay pou Bondye Jakòb la ki gen fòs ka rete.

הנה שמענוה באפרתה מצאנוה בשדי יער׃

Nou te tande Bwat Kontra a te lavil Efrata. Men, nou jwenn li nan jaden Jearim yo.

נבואה למשכנותיו נשתחוה להדם רגליו׃

Ann al lakay Seyè a. Ann al devan fotèy li pou n' adore l'.

קומה יהוה למנוחתך אתה וארון עזך׃

Leve non, Seyè, vin kote pou ou pran repo a. Vini non ansanm ak Bwat Kontra ou la ki fè nou wè jan ou gen pouvwa.

כהניך ילבשו צדק וחסידיך ירננו׃

Se pou prèt yo fè konnen jan ou bay pèp ou a delivrans. Se pou tout pèp ou a rele sitèlman yo kontan.

בעבור דוד עבדך אל תשב פני משיחך׃

Poutèt pwomès ou te fè David, sèvitè ou la, tanpri, Seyè, pa vire do bay moun ou te chwazi a.

נשבע יהוה לדוד אמת לא ישוב ממנה מפרי בטנך אשית לכסא לך׃

Seyè a te fè David, sèvitè li a, yon pwomès, l'ap toujou kenbe pawòl li: Se yonn nan pitit ou yo m'ap mete chita sou fotèy ou a.

אם ישמרו בניך בריתי ועדתי זו אלמדם גם בניהם עדי עד ישבו לכסא לך׃

Si pitit ou yo kenbe kontra mwen fè ak yo a, si yo kenbe prensip mwen ba yo, pitit pa yo tou va toujou chita son fotèy ou a.

כי בחר יהוה בציון אוה למושב לו׃

Seyè a te chwazi mòn Siyon, se la li vle bati kay li.

זאת מנוחתי עדי עד פה אשב כי אותיה׃

Se la mwen chwazi pou m' toujou pran repo, se la m'ap rete, paske se sa mwen vle.

צידה ברך אברך אביוניה אשביע לחם׃

M'a voye benediksyon sou tou sa li bezwen pou l' viv. M'a bay pòv li yo manje plen vant yo.

וכהניה אלביש ישע וחסידיה רנן ירננו׃

M'a delivre prèt li yo, m'a fè tout pèp Bondye a rele sitèlman yo kontan.

שם אצמיח קרן לדוד ערכתי נר למשיחי׃

Se la m'ap fè yonn nan pitit David yo tounen yon gwo wa. Mwen p'ap kite limyè a soti nan fanmi moun mwen chwazi a.

אויביו אלביש בשת ועליו יציץ נזרו׃

M'ap fè lènmi l' yo wont, kouwòn ki sou tèt li a ap toujou rete byen klere.