Psalms 10

למה יהוה תעמד ברחוק תעלים לעתות בצרה׃

Poukisa ou rete lwen konsa, Seyè? Poukisa ou kache kò ou konsa lè nou nan ka?

בגאות רשע ידלק עני יתפשו במזמות זו חשבו׃

Mechan an ap gonfle lestonmak li, l'ap pèsekite malere yo. Se pou pye l' pran nan pèlen limenm li tann lan.

כי הלל רשע על תאות נפשו ובצע ברך נאץ יהוה׃

Mechan an ap vante tèt li pou move lanvi li gen nan kè l'. Lanbisyon fè l' pale mal, li vire do bay Bondye.

רשע כגבה אפו בל ידרש אין אלהים כל מזמותיו׃

Mechan an tèlman gen lògèy, l'ap plede di: -Bondye p'ap pini m'. Pa gen Bondye. Se sa ase mechan an mete nan tèt li.

יחילו דרכו בכל עת מרום משפטיך מנגדו כל צורריו יפיח בהם׃

Tou sa li fè toujou mache byen. Li pa konprann jijman Bondye yo. L'ap meprize lènmi l' yo.

אמר בלבו בל אמוט לדר ודר אשר לא ברע׃

L'ap di nan kè l': Anyen pa ka brannen m'. Mwen p'ap janm nan pwoblèm.

אלה פיהו מלא ומרמות ותך תחת לשונו עמל ואון׃

Tout pawòl li se madichon, se manti, se twonpe moun. Li cho konsa pou l' pale moun mal, pou l' di gwo mo.

ישב במארב חצרים במסתרים יהרג נקי עיניו לחלכה יצפנו׃

Li kache kò l' nan ti bouk yo, l'ap pare tann inonsan yo pou l' touye yo an kachèt. L'ap veye moun ki san defans.

יארב במסתר כאריה בסכה יארב לחטוף עני יחטף עני במשכו ברשתו׃

Li anbiske kò l' tankou yon lyon nan kachèt li. Li kouche, l'ap tann malere yo. Li pran yo nan pèlen li, li trennen yo pote ale.

ודכה ישח ונפל בעצומיו חלכאים׃

Li bese, li kwoupi kò l', malere yo tonbe nan men l'.

אמר בלבו שכח אל הסתיר פניו בל ראה לנצח׃

Mechan an di nan kè l': -Bondye p'ap okipe bagay konsa. Li fèmen je l', li p'ap janm wè m'.

קומה יהוה אל נשא ידך אל תשכח עניים׃

Leve non, Seyè! vin sove mwen! Bondye, pa bliye moun y'ap peze yo!

על מה נאץ רשע אלהים אמר בלבו לא תדרש׃

Ki jan mechan an fè ap meprize Bondye jouk pou li di nan kè l': Li p'ap pini mwen?

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

Men, ou make tout bagay. Ou konnen soufrans ak lapenn lèzòm. Ou toujou pare pou ede yo. Moun ki san defans yo, se nan men ou yo lage kòz yo, paske ou toujou ede moun ki san papa.

שבר זרוע רשע ורע תדרוש רשעו בל תמצא׃

Kraze pouvwa mechan yo, pouvwa moun k'ap fè mal yo. Fè yo rann kont pou sa yo fè, jouk yo disparèt nèt devan je ou.

יהוה מלך עולם ועד אבדו גוים מארצו׃

Seyè a, se wa li ye depi tout tan ak pou tout tan. Moun lòt nasyon yo gen pou disparèt nan peyi li a.

תאות ענוים שמעת יהוה תכין לבם תקשיב אזנך׃

Seyè, w'a koute moun ki soumèt devan ou lè y'ap lapriyè. W'a ba yo kouraj.

לשפט יתום ודך בל יוסיף עוד לערץ אנוש מן הארץ׃

W'a tande rèl moun y'ap peze yo, rèl timoun ki san papa yo. W'a fè yo jistis. Konsa, lèzòm ki fèt ak pousyè tè p'ap kapab fè moun pè ankò.