Psalms 148

Whakamoemititia a Ihowa. Whakamoemititia a Ihowa i runga i nga rangi: whakamoemititia ia i nga wahi tiketike.

הללו יה הללו את יהוה מן השמים הללוהו במרומים׃

Whakamoemititia ia, e ana anahera katoa: whakamoemititia ia, e ana mano whaioio.

הללוהו כל מלאכיו הללוהו כל צבאו׃

Whakamoemititia ia, e te ra, e te marama: whakamoemititia ia, e nga whetu whakamarama katoa.

הללוהו שמש וירח הללוהו כל כוכבי אור׃

Whakamoemititia ia, e nga rangi o nga rangi, e nga wai hoki o runga atu i nga rangi.

הללוהו שמי השמים והמים אשר מעל השמים׃

Kia whakamoemititia e ratou te ingoa o Ihowa: nana hoki i whakahau, a kua hanga ratou.

יהללו את שם יהוה כי הוא צוה ונבראו׃

Nana hoki aua mea i whakapumau ake ake: i whakatakotoria e ia he tikanga e kore e taka.

ויעמידם לעד לעולם חק נתן ולא יעבור׃

Whakamoemititia a Ihowa, i runga i te whenua, e nga tarakona, e nga rire katoa;

הללו את יהוה מן הארץ תנינים וכל תהמות׃

E te kapura, e te whatu; e te hukarere, e te kohu; e te tupuhi, e mahi nei i tana kupu;

אש וברד שלג וקיטור רוח סערה עשה דברו׃

E nga maunga, e nga puke katoa; e nga rakau hua, e nga hita katoa;

ההרים וכל גבעות עץ פרי וכל ארזים׃

E nga kirehe, e nga kararehe katoa; e nga mea ngokingoki, e nga manu whai pakau:

החיה וכל בהמה רמש וצפור כנף׃

E nga kingi o te whenua, e nga iwi katoa; e nga rangatira, e nga kaiwhakawa katoa o te whenua:

מלכי ארץ וכל לאמים שרים וכל שפטי ארץ׃

E nga taitama, e nga taitamahine; e nga koroheke ratou ko nga tamariki:

בחורים וגם בתולות זקנים עם נערים׃

Kia whakamoemititia e ratou te ingoa o Ihowa: nona anake hoki te ingoa e nui ana; kei runga ake i te whenua, i te rangi, tona kororia.

יהללו את שם יהוה כי נשגב שמו לבדו הודו על ארץ ושמים׃

Ko ia hoki te kaiwhakaara o te haona o tana iwi; e whakamoemititia ana e ana tangata tapu katoa; e nga tama a Iharaira, e te iwi e tata ana ki a ia. Whakamoemititia a Ihowa.

וירם קרן לעמו תהלה לכל חסידיו לבני ישראל עם קרבו הללו יה׃