Psalms 81

למנצח על הגתית לאסף הרנינו לאלהים עוזנו הריעו לאלהי יעקב׃

Magsiawit kayo ng malakas sa Dios na ating kalakasan: mangagkaingay kayo na may kagalakan sa Dios ni Jacob,

שאו זמרה ותנו תף כנור נעים עם נבל׃

Magsiawit kayo at dalhin ninyo rito ang pandereta, ang masayang alpa sangpu ng salterio.

תקעו בחדש שופר בכסה ליום חגנו׃

Magsihihip kayo ng pakakak sa bagong buwan, sa kabilugan ng buwan, sa ating dakilang kapistahan.

כי חק לישראל הוא משפט לאלהי יעקב׃

Sapagka't pinakapalatuntunan sa Israel, ayos ng Dios ni Jacob.

עדות ביהוסף שמו בצאתו על ארץ מצרים שפת לא ידעתי אשמע׃

Kaniyang inilagay na pinakapatotoo sa Jose, nang siya'y lumabas na maglakbay sa lupain ng Egipto: na aking kinaringgan ng wika na di ko nauunawa.

הסירותי מסבל שכמו כפיו מדוד תעברנה׃

Aking inihiwalay ang kaniyang balikat sa pasan: ang mga kamay niya'y napabitiw sa luwelang.

בצרה קראת ואחלצך אענך בסתר רעם אבחנך על מי מריבה סלה׃

Ikaw ay tumawag sa kabagabagan, at iniligtas kita; sinagot kita sa lihim na dako ng kulog; sinubok kita sa tubig ng Meriba. (Selah)

שמע עמי ואעידה בך ישראל אם תשמע לי׃

Dinggin mo, Oh bayan ko, at ako'y sasaksi sa iyo: Oh Israel, kung ikaw ay makikinig sa akin!

לא יהיה בך אל זר ולא תשתחוה לאל נכר׃

Hindi magkakaroon ng ibang dios sa iyo; at hindi ka man sasamba sa anomang ibang dios.

אנכי יהוה אלהיך המעלך מארץ מצרים הרחב פיך ואמלאהו׃

Ako ang Panginoon mong Dios, na naglabas sa iyo mula sa lupain ng Egipto: bukhin mong maluwang ang iyong bibig, at aking pupunuin.

ולא שמע עמי לקולי וישראל לא אבה לי׃

Nguni't hindi nakinig sa aking tinig ang bayan ko; at hindi ako sinunod ng Israel.

ואשלחהו בשרירות לבם ילכו במועצותיהם׃

Sa gayo'y aking pinasunod sa pagmamatigas ng kanilang puso, upang sila'y makalakad sa kanilang sariling mga payo.

לו עמי שמע לי ישראל בדרכי יהלכו׃

Oh kung ako'y didinggin ng aking bayan, kung ang Israel ay lalakad sa aking mga daan!

כמעט אויביהם אכניע ועל צריהם אשיב ידי׃

Aking pasusukuing madali ang kanilang mga kaaway, at ibabalik ko ang aking kamay laban sa kanilang mga kaaway.

משנאי יהוה יכחשו לו ויהי עתם לעולם׃

Ang mga mapagtanim sa Panginoon ay magsisisuko sa kaniya: nguni't ang kanilang panahon ay mananatili kailan man,

ויאכילהו מחלב חטה ומצור דבש אשביעך׃

Kaniya ring pakakanin sila ng katabaan ng trigo: at ng pulot na mula sa bato ay bubusugin kita.