Psalms 96

שירו ליהוה שיר חדש שירו ליהוה כל הארץ׃

Mihira fihiram-baovao ho an'i Jehovah; Mihirà ho an'i Jehovah ry tany rehetra.

שירו ליהוה ברכו שמו בשרו מיום ליום ישועתו׃

Mihirà ho an'i Jehovah, misaora ny anarany; Lazao isan'andro isan'andro ny famonjeny mahafaly.

ספרו בגוים כבודו בכל העמים נפלאותיו׃

Ambarao any amin'ny jentilisa ny voninahiny Ary any amin'ny firenena rehetra ny fahagagana ataony.

כי גדול יהוה ומהלל מאד נורא הוא על כל אלהים׃

Fa lehibe Jehovah ka mendrika hoderaina indrindra, Sady mahatahotra, fa ambonin'ny Andriamanitra rehetra.

כי כל אלהי העמים אלילים ויהוה שמים עשה׃

Fa ny andriamanitry ny firenena dia tsinontsinona; Fa Jehovah no nanao ny lanitra.

הוד והדר לפניו עז ותפארת במקדשו׃

Famirapiratana sy voninahitra no eo anatrehany; Hery sy fahatsaran-tarehy no ao amin'ny fitoerany masina.

הבו ליהוה משפחות עמים הבו ליהוה כבוד ועז׃

Ry firenena, manomeza an'i Jehovah, Eny, manomeza voninahitra sy hery ho an i Jehovah.

הבו ליהוה כבוד שמו שאו מנחה ובאו לחצרותיו׃

Manomeza an'i Jehovah ny voninahitry ny anarany; Mitondrà fanatitra, ka mankanesa eo an-kianjany.

השתחוו ליהוה בהדרת קדש חילו מפניו כל הארץ׃

Miankohofa eo anatrehan'i Jehovah amin'ny fihaingoana masina; Mangovita eo anatrehany, ry tany rehetra.

אמרו בגוים יהוה מלך אף תכון תבל בל תמוט ידין עמים במישרים׃

Lazao any amin'ny jentilisa fa Jehovah no Mpanjaka; Ary izao rehetra izao voaorina ka tsy hihetsika; Hitsara ny olona amin'ny fahamarinana Izy.

ישמחו השמים ותגל הארץ ירעם הים ומלאו׃

Aoka ho faly ny lanitra ary ho ravoravo ny tany; Aoka hirohondrohona ny ranomasina sy izay rehetra ao aminy.

יעלז שדי וכל אשר בו אז ירננו כל עצי יער׃

Aoka ho faly ny saha sy izay rehetra eo aminy; Dia hihoby amin'izay ny hazo rehetra any an'ala

לפני יהוה כי בא כי בא לשפט הארץ ישפט תבל בצדק ועמים באמונתו׃

Eo anatrehan'i Jehovah, fa avy Izy, Eny, avy hitsara ny tany Izy; Hitsara izao tontolo izao araka ny rariny Izy Ary ny firenena amin'ny fahamarinany.