Psalms 59

למנצח אל תשחת לדוד מכתם בשלח שאול וישמרו את הבית להמיתו הצילני מאיבי אלהי ממתקוממי תשגבני׃

Ho an'ny mpiventy hira. Al-tasheth. Miktama nataon'i Davida, fony Saoly naniraka, ka nisy niambina ny trano hamonoana azy. Afaho amin'ny fahavaloko aho, Andriamanitro ô; asondroty eo amin'ny avo aho tsy ho azon'izay miodina amiko.

הצילני מפעלי און ומאנשי דמים הושיעני׃

Afaho amin'ny mpanao ratsy aho, ary vonjeo amin'ny mpandatsa-drà.

כי הנה ארבו לנפשי יגורו עלי עזים לא פשעי ולא חטאתי יהוה׃

Fa, indro, manotrika hahazo ny aiko izy; miangona hanohitra ahy ny mahery, nefa tsy fahadisoako ary tsy fahotako, Jehovah ô.

בלי עון ירוצון ויכוננו עורה לקראתי וראה׃

Tsy heloko no ihazakazahany sy iomanany, koa mifohaza hitsena ahy, ka jereo.

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה׃

Ary Hianao, Jehovah ô, Andriamanitry ny maro, Andriamanitry ny Isiraely, mifohaza hitsara ny firenen-tsamy hafa; aza mamindra fo amin'izay mpivadika ratsy fanahy.

ישובו לערב יהמו ככלב ויסובבו עיר׃

Miverina nony hariva ireny ka mierona tahaka ny alika, sady mandehandeha eran'ny tanàna.

הנה יביעון בפיהם חרבות בשפתותיהם כי מי שמע׃

Indro, mirezadrezatra amin'ny vavany izy; sabatra no eo amin'ny molony, fa iza, hono, no handre?

ואתה יהוה תשחק למו תלעג לכל גוים׃

Kanjo Hianao, Jehovah ô, hihomehy azy; Hianao haneso ny firenena rehetra.

עזו אליך אשמרה כי אלהים משגבי׃

Koa noho ny herin'ireny dia hiandry Anao aho; fa Andriamanitra no fiarovana avo ho ahy.

אלהי חסדו יקדמני אלהים יראני בשררי׃

Andriamanitra, Izay mamindra fo amiko, no hialoha ahy; hataon'Andriamanitra faly mijery ny amin'ny fahavaloko aho.

אל תהרגם פן ישכחו עמי הניעמו בחילך והורידמו מגננו אדני׃

Aza mahafaty azy Hianao, fandrao hanadino izany ny fireneko. Ampirenireneo amin'ny herinao izy, ka aripaho, ry Tompo ô, Ampinganay.

חטאת פימו דבר שפתימו וילכדו בגאונם ומאלה ומכחש יספרו׃

Ny fahotan'ny vavany dia ny tenin'ny molony; aoka hosamborina amin'ny fireharehany izy, eny, noho ny ozona sy ny lainga ataony.

כלה בחמה כלה ואינמו וידעו כי אלהים משל ביעקב לאפסי הארץ סלה׃

Aringano an-katezerana izy, aringano mba tsy ho ao intsony; ary aoka ho fantany fa Andriamanitra no manapaka eo amin'ny Jakoba ka hatramin'ny faran'ny tany.

וישובו לערב יהמו ככלב ויסובבו עיר׃

Ary miverina nony hariva ireny ka mierona tahaka ny alika, sady mandehandeha eran'ny tanàna.

המה ינועון לאכל אם לא ישבעו וילינו׃

Miriorio mitady hanina izy; raha tsy voky izy, dia any ihany mandritra ny alina.

ואני אשיר עזך וארנן לבקר חסדך כי היית משגב לי ומנוס ביום צר לי׃

Fa izaho kosa dia hihira ny herinao, ary hihoby ny famindram-ponao nony maraina, satria fiarovana avo ho ahy Hianao, ary fandosirako amin'ny andro fahoriana.

עזי אליך אזמרה כי אלהים משגבי אלהי חסדי׃

Ry Heriko ô, Hianao no hankalazaiko; fa Andriamanitra no fiarovana avo ho ahy, dia Andriamanitra Izay mamindra fo amiko.