Psalms 58

למנצח אל תשחת לדוד מכתם האמנם אלם צדק תדברון מישרים תשפטו בני אדם׃

Ho an'ny mpiventy hira. Al-tasheth. Miktama nataon'i Davida. Moa ny tsi-fitenenana va ataonareo ho filazana ny marina? Mitsara mahitsy va ianareo, ry zanak'olombelona?

58:2

אף בלב עולת תפעלון בארץ חמס ידיכם תפלסון׃

Tsy izany, fa ny fonareo no amoronanareo ny ratsy; mandanja ny fandozan'ny tananareo etỳ an-tany ianareo.

58:3

זרו רשעים מרחם תעו מבטן דברי כזב׃

Mivily hatrany am-bohoka ny ratsy fanahy; mania hatrany an-kibo izy ka miteny lainga.

58:4

חמת למו כדמות חמת נחש כמו פתן חרש יאטם אזנו׃

Misy poizina tahaka ny an'ny menarana aminy; eny, tahaka ny vipera marenina izay manentsin-tadiny izy,

58:5

אשר לא ישמע לקול מלחשים חובר חברים מחכם׃

Ka tsy mihaino ny feon'ny mpanao ody, na dia izay mpahay ody indrindra aza.

58:6

אלהים הרס שנימו בפימו מלתעות כפירים נתץ יהוה׃

Andriamanitra ô, torotoroy ny nifiny eo am-bavany; omboty ny vazan'ny liona tanora, Jehovah ô.

58:7

ימאסו כמו מים יתהלכו למו ידרך חצו כמו יתמללו׃

Aoka ho ritra tahaka ny ranotrambo izy; raha atraniny ny zana-tsipìkany, dia aoka ho tapa-doha ireny;

58:8

כמו שבלול תמס יהלך נפל אשת בל חזו שמש׃

Aoka ho tahaka ny lelosy izay mihalevona eny am-pandehanana izy; Aoka ho tahaka ny zaza-vakimanta izay tsy mahita masoandro izy.

58:9

בטרם יבינו סירתיכם אטד כמו חי כמו חרון ישערנו׃

Dieny tsy mbola mafanan'ny afon-tsilo ny vilaninareo, aoka ho entin'ny tafio-drivotra ireny, na ny lena na ny maina.

58:10

ישמח צדיק כי חזה נקם פעמיו ירחץ בדם הרשע׃

Hifaly ny marina, raha mahita ny famaliana; hanasa ny tongony amin'ny ran'ny ratsy fanahy izy;

58:11

ויאמר אדם אך פרי לצדיק אך יש אלהים שפטים בארץ׃

Dia hiteny ny olona ka hanao hoe: misy valiny tokoa ho an'ny marina; misy tokoa Andriamanitra Izay mitsara etỳ ambonin'ny tany.