Psalms 140

למנצח מזמור לדוד חלצני יהוה מאדם רע מאיש חמסים תנצרני׃

Liberigu min, ho Eternulo, de malbona homo, Gardu min kontraŭ perfortulo;

אשר חשבו רעות בלב כל יום יגורו מלחמות׃

Kontraŭ tiuj, kiuj elpensas malbonon en la koro, Ĉiutage kaŭzas militojn;

שננו לשונם כמו נחש חמת עכשוב תחת שפתימו סלה׃

Kiuj akrigas sian langon, kiel serpento; Veneno de vipuro estas sub iliaj lipoj. Sela.

שמרני יהוה מידי רשע מאיש חמסים תנצרני אשר חשבו לדחות פעמי׃

Gardu min, ho Eternulo, kontraŭ la manoj de malvirtuloj, Gardu min kontraŭ perfortuloj, Kiuj intencas renversi miajn paŝojn.

טמנו גאים פח לי וחבלים פרשו רשת ליד מעגל מקשים שתו לי סלה׃

Fieruloj kaŝis kaptilon por mi kaj ŝnurojn, Ili etendis reton ĉe la vojo, implikilon ili metis por mi. Sela.

אמרתי ליהוה אלי אתה האזינה יהוה קול תחנוני׃

Mi diris al la Eternulo: Vi estas mia Dio; Atentu, ho Eternulo, la voĉon de mia petego.

יהוה אדני עז ישועתי סכתה לראשי ביום נשק׃

Ho Eternulo, mia Sinjoro, forto de mia savo, Vi ŝirmas mian kapon en la tago de batalo.

אל תתן יהוה מאויי רשע זממו אל תפק ירומו סלה׃

Ne donu, ho Eternulo, al malvirtulo lian dezirataĵon, Lian intencon ne efektivigu, ke ili ne fieriĝu. Sela.

ראש מסבי עמל שפתימו יכסומו׃

La veneno de miaj ĉirkaŭantoj, La malicaĵo de iliaj lipoj kovru ilin.

ימיטו עליהם גחלים באש יפלם במהמרות בל יקומו׃

Falu sur ilin brulantaj karboj; Ili ĵetiĝu en fajron, En abismojn, ke ili ne leviĝu.

איש לשון בל יכון בארץ איש חמס רע יצודנו למדחפת׃

Kalumnianto ne staros forte sur la tero; Perfortulon la malbono entiros en pereon.

ידעת כי יעשה יהוה דין עני משפט אבינים׃

Mi scias, ke la Eternulo defendos la aferon de mizerulo, La rajton de malriĉuloj.

אך צדיקים יודו לשמך ישבו ישרים את פניך׃

Kaj virtuloj ja gloros Vian nomon; Piuloj restos antaŭ Via vizaĝo.