Psalms 141

מזמור לדוד יהוה קראתיך חושה לי האזינה קולי בקראי לך׃

Ho Eternulo, mi vokas al Vi; rapidu al mi; Atentu mian voĉon, kiam mi vokas al Vi.

תכון תפלתי קטרת לפניך משאת כפי מנחת ערב׃

Mia preĝo valoru antaŭ Vi kiel incenso, La levo de miaj manoj kiel vespera oferdono.

שיתה יהוה שמרה לפי נצרה על דל שפתי׃

Metu, ho Eternulo, gardon al mia buŝo, Gardu la pordon de miaj lipoj.

אל תט לבי לדבר רע להתעולל עללות ברשע את אישים פעלי און ובל אלחם במנעמיהם׃

Ne klinu mian koron al io malbona, Al partoprenado en malbonagoj kun malbonaguloj; Mi ne manĝu iliajn bongustaĵojn.

יהלמני צדיק חסד ויוכיחני שמן ראש אל יני ראשי כי עוד ותפלתי ברעותיהם׃

Virtuloj min frapu favorkore kaj punu min: Ĝi estos oleo por la kapo; Mia kapo ne rifuzos, se estos eĉ pli; Kaj mi preĝas ĉe iliaj malfeliĉoj.

נשמטו בידי סלע שפטיהם ושמעו אמרי כי נעמו׃

Disiĝis sur roko iliaj juĝantoj, Kaj ili aŭdis miajn vortojn, kiel amikaj ili estis.

כמו פלח ובקע בארץ נפזרו עצמינו לפי שאול׃

Kiel iu plugas kaj dispecigas la teron, Tiel estas disĵetitaj iliaj ostoj ĝis la buŝo de Ŝeol.

כי אליך יהוה אדני עיני בכה חסיתי אל תער נפשי׃

Ĉar al Vi, ho Eternulo, mia Sinjoro, estas direktitaj miaj okuloj; Al Vi mi esperas: ne forpuŝu mian animon.

שמרני מידי פח יקשו לי ומקשות פעלי און׃

Gardu min kontraŭ la reto, kiun oni metis al mi, Kontraŭ la implikilo de la malbonaguloj.

יפלו במכמריו רשעים יחד אנכי עד אעבור׃

La malvirtuloj falu en siajn retojn ĉiuj, Dum mi preteriros.