Psalms 50

canticum Asaph fortis Deus Dominus locutus est et vocavit terram ab ortu solis usque ad occasum eius

Se yon sòm Asaf. Seyè ki Bondye tout bondye yo pale. Li rele tout moun ki rete sou latè, depi moun ki rete kote solèy leve jouk moun ki rete kote solèy kouche. Li fè yo tout sanble.

de Sion perfecta decore Deus apparuit

Bondye parèt, li klere byen bèl depi Siyon, mòn ki bèl tout bon an.

veniet Deus noster et non tacebit ignis coram eo vorabit et in circuitu eius tempestas valida

Bondye nou an ap vini. Li p'ap rete ak bouch li fèmen. Devan li gen yon gwo dife k'ap boule tout bagay, l'ap vini nan mitan yon gwo van k'ap fè dega.

vocabit caelum desursum et terram ut iudicet populum suum

Li rele syèl la ak latè a pou sèvi l' temwen. Li pral jije pèp li a.

congregate mihi sanctos meos qui feriunt pactum meum in sacrificio

Li di: -Sanble tout moun k'ap sèvi m' yo nan pye m'. Sanble tout moun ki te fè kontra avèk mwen lè yo te ofri bèt touye ban mwen.

et adnuntiabunt caeli iustitiam eius quia Deus iudex est semper

Syèl la va fè konnen Bondye ki pa nan patipri a, se li menm ki sèl jij!

audi popule meus et loquar Israhel et contestabor te Deus Deus tuus ego sum

Koute, pèp Izrayèl, pèp mwen! Mwen pral pale avè ou! Mwen pral mete tout bagay aklè avè ou! Se mwen menm ki Bondye, se mwen menm ki Bondye ou.

non propter victimas tuas arguam te et holocaustomata tua coram me sunt semper

Se pa pou bèt ou touye pou mwen yo m'ap fè ou repwòch, ni pou bèt ou boule pou mwen yo.

non accipiam de domo tua vitulum neque de gregibus tuis hircos

Mwen pa mande ou ti towo bèf ki nan sèka ou, ni bouk kabrit ki nan jaden ou.

mea sunt enim omnia animalia silvarum pecudes in montibus milium

Paske, tout bèt ki nan bwa, se pou mwen yo ye. Tout kantite bèt ki nan mòn yo, se pou mwen yo ye tou.

scio omnes aves montium et universitas agri mecum est

Mwen konnen tout zwezo k'ap vole nan mòn yo. Tout zannimo ki nan savann, se pou mwen yo ye.

si esuriero non dicam tibi meus est enim orbis et plenitudo eius

Si m' te grangou, mwen pa ta janm bezwen di ou sa, paske tout tè a ansanm ak tou sa ki ladan l', se pou mwen yo ye.

numquid comedam carnem taurorum aut sanguinem hircorum bibam

Eske m' manje vyann towo bèf? Eske m' bwè san bouk kabrit?

immola Deo laudem et redde Altissimo vota tua

Men sa pou ou fè pou Bondye: Di l' mèsi pou tout bagay. Fè tout sa ou te pwomèt fè pou Bondye ki anwo nan syèl la.

et invoca me in die tribulationis liberabo te et glorificabis me

Lè ou nan tray, rele m', m'a delivre ou. W'a fè lwanj mwen.

impio autem dixit Deus quid tibi est cum narratione praeceptorum meorum et ut adsumas pactum meum in ore tuo

Men, Bondye pale ak mechan yo, li di yo: -Ki dwa nou genyen pou n'ap resite kòmandman mwen yo? Ki dwa nou genyen pou nou gen pawòl kontra mwen an nan bouch nou?

qui odisti disciplinam et proiecisti verba mea post te

Nou pa vle kite m' korije nou. Nou derefize obeyi kòmandman mwen yo.

si videbas furem consentiebas ei et cum adulteris erat pars tua

Lè nou wè yon vòlè, nou fè zanmi avèk li. Nou met tèt nou ansanm ak fanm movèz vi yo.

os tuum dimisisti ad malitiam et lingua tua concinnavit dolum

Lang nou cho pou pale moun mal. Depi nou louvri bouch nou, se manti n'ap bay.

sedens adversum fratrem tuum loquebaris et adversum filium matris tuae fabricabaris obprobrium

Nou chita, n'ap pale frè nou mal. N'ap bay manti sou frè nou ki menm manman ak nou.

haec fecisti et tacui existimasti futurum me similem tui arguam te et proponam te ante oculos tuos

Nou fè tou sa, epi nou te vle pou m' pe bouch mwen? Nou mete nan tèt nou se menm moun ak nou mwen ye? Men koulye a, mwen pral fè nou pran men nou. Mwen pral mete tout bagay aklè devan je nou.

intellegite hoc qui obliviscimini Deum ne forte capiam et non sit qui liberet

Koute sa byen, nou menm ki bliye si gen Bondye. Si se pa sa, m'ap dechire nou. Lè sa a, p'ap gen moun ki ka delivre nou.

qui immolat confessionem glorificat me et qui ordinate ambulat ostendam ei salutare Dei

Lè yon moun chonje di m' mèsi pou tout bagay, se lè sa a li fè lwanj mwen. M'ap delivre tout moun k'ap veye kote y'ap mete pye yo.