Psalms 50

He himene na Ahapa. Kua puaki te kupu a te Atua, a te Atua tonu, a Ihowa, a karangatia ana e ia te whenua i te putanga mai o te ra, tae noa ki tona torengitanga.

מזמור לאסף אל אלהים יהוה דבר ויקרא ארץ ממזרח שמש עד מבאו׃

Kua tiaho mai te Atua i roto i Hiona, i te tino o te ataahua.

מציון מכלל יפי אלהים הופיע׃

Ka haere mai to tatou Atua, e kore ano e wahangu: ka kai te kapura i tona aroaro, a ka hukerikeri te awha ki tetahi taha ona, ki tetahi taha.

יבא אלהינו ואל יחרש אש לפניו תאכל וסביביו נשערה מאד׃

Ka karangatia e ia nga rangi i runga, me te whenua hoki, ki te whakaritenga mo tona iwi.

יקרא אל השמים מעל ואל הארץ לדין עמו׃

Huihuia mai ki ahau taku hunga tapu, te hunga i whakarite kawenata ki ahau i runga i te patunga tapu.

אספו לי חסידי כרתי בריתי עלי זבח׃

A ma nga rangi e whakakite tona tika: ko te Atua ake nei hoki te kaiwhakawa. (Hera.

ויגידו שמים צדקו כי אלהים שפט הוא סלה׃

Whakarongo, e toku iwi, a ka korero ahau; e Iharaira, ka whakaatu ahau ki a koe; ko ahau te Atua, ko tou Atua.

שמעה עמי ואדברה ישראל ואעידה בך אלהים אלהיך אנכי׃

E kore ahau e riri ki a koe mo au patunga tapu; a kei toku aroaro tonu au tahunga tinana.

לא על זבחיך אוכיחך ועולתיך לנגדי תמיד׃

E kore ahau e tango i tetahi puru i roto i tou whare, i etahi koati toa ranei i roto i au taiepa.

לא אקח מביתך פר ממכלאתיך עתודים׃

Naku nei hoki nga kirehe katoa o te ngahere, nga kararehe i runga i te mano o nga pukepuke.

כי לי כל חיתו יער בהמות בהררי אלף׃

E matau ana ahau ki nga manu katoa o nga maunga; naku ano nga kirehe o te parae.

ידעתי כל עוף הרים וזיז שדי עמדי׃

Me he matekai toku, e kore ahau e korero ki a koe: naku nei hoki te ao, me ona tini mea.

אם ארעב לא אמר לך כי לי תבל ומלאה׃

E kai koia ahau i te kikokiko o nga puru, e inu ranei i te toto o nga koati?

האוכל בשר אבירים ודם עתודים אשתה׃

Ko te whakawhetai hei patunga tapu mau ki te Atua; whakamana hoki au kupu taurangi ki te Runga Rawa.

זבח לאלהים תודה ושלם לעליון נדריך׃

A karanga ki ahau i te ra o te he: maku koe e whakaora, a ka whakakororiatia ahau e koe.

וקראני ביום צרה אחלצך ותכבדני׃

Ki te tangata hara ia ka mea te Atua, He aha mau te whakapuaki i aku tikanga, te whakahua ranei i taku kawenata e tou mangai?

ולרשע אמר אלהים מה לך לספר חקי ותשא בריתי עלי פיך׃

Kua kino nei hoki koe ki te ako, a e akiri ana i aku kupu ki muri i a koe.

ואתה שנאת מוסר ותשלך דברי אחריך׃

I tou kitenga i te tahae, na whakaae ana koe ki a ia; a whai tahi ana me te hunga puremu.

אם ראית גנב ותרץ עמו ועם מנאפים חלקך׃

Kua tukua e koe tou mangai ki te kino; a e tito hianga ana tou arero.

פיך שלחת ברעה ולשונך תצמיד מרמה׃

Noho ana koe, ka korero kino ki tou teina: ngautuara tonu iho koe ki te tama a tou whaea.

תשב באחיך תדבר בבן אמך תתן דפי׃

Ko au mahi enei, a wahangu tonu ahau; i mea koe he pena pu ahau me koe: otira ka riria koe e ahau, ka whakararangitia ano aua mea ki tou aroaro.

אלה עשית והחרשתי דמית היות אהיה כמוך אוכיחך ואערכה לעיניך׃

Na whakaaroa tenei, e te hunga kua wareware ki te Atua; kei haehaea koutou e ahau, a kahore he kaiwhakaora.

בינו נא זאת שכחי אלוה פן אטרף ואין מציל׃

Ko te whakamoemiti te patunga tapu e whai kororia ai ahau: ko te tangata hoki he tika nei tona ara ka whakakitea e ahau ki a ia te whakaoranga a te Atua.

זבח תודה יכבדנני ושם דרך אראנו בישע אלהים׃