Psalms 143

מזמור לדוד יהוה שמע תפלתי האזינה אל תחנוני באמנתך ענני בצדקתך׃

Ho Eternulo, aŭskultu mian preĝon, Atentu mian petegon laŭ Via vereco, Respondu al mi laŭ Via justeco.

ואל תבוא במשפט את עבדך כי לא יצדק לפניך כל חי׃

Kaj ne eniru en juĝon kun Via sklavo, Ĉar neniu vivanta povos praviĝi antaŭ Vi.

כי רדף אויב נפשי דכא לארץ חיתי הושיבני במחשכים כמתי עולם׃

Ĉar malamiko persekutis mian animon, Premis al la tero mian vivon; Li metis min en mallumon, kiel delonge mortintojn.

ותתעטף עלי רוחי בתוכי ישתומם לבי׃

Senfortiĝas en mi mia animo, Konsumiĝas en mi mia koro.

זכרתי ימים מקדם הגיתי בכל פעלך במעשה ידיך אשוחח׃

Mi rememoras la tagojn antikvajn, Mi meditas pri ĉiuj Viaj faroj, Mi pensas pri la faritaĵoj de Viaj manoj.

פרשתי ידי אליך נפשי כארץ עיפה לך סלה׃

Mi etendas al Vi miajn manojn; Mia animo soifas Vin kiel seka tero. Sela.

מהר ענני יהוה כלתה רוחי אל תסתר פניך ממני ונמשלתי עם ירדי בור׃

Rapidu, aŭskultu min, ho Eternulo, mia spirito konsumiĝas; Ne kaŝu antaŭ mi Vian vizaĝon, Ĉar mi similiĝus al la forirantaj en la tombon.

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

Aŭdigu al mi matene Vian bonecon, Ĉar Vin mi fidas; Montru al mi la vojon, kiun mi devas iri, Ĉar al Vi mi levas mian animon.

הצילני מאיבי יהוה אליך כסתי׃

Savu min de miaj malamikoj, ho Eternulo; Al Vi mi rifuĝas.

למדני לעשות רצונך כי אתה אלוהי רוחך טובה תנחני בארץ מישור׃

Instruu al mi plenumi Vian volon, ĉar Vi estas mia Dio; Via bona spirito gvidu min sur ebena tero.

למען שמך יהוה תחיני בצדקתך תוציא מצרה נפשי׃

Pro Via nomo, ho Eternulo, lasu min vivi; Pro Via justeco eligu mian animon el mizero.

ובחסדך תצמית איבי והאבדת כל צררי נפשי כי אני עבדך׃

Kaj pro Via favorkoreco ekstermu miajn malamikojn Kaj pereigu ĉiujn premantojn de mia animo, Ĉar mi estas Via sklavo.