Psalms 6

Oh Panginoon, huwag mo akong sawayin sa iyong galit, ni parusahan mo man ako sa iyong mahigpit na sama ng loob.

למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני׃

Maawa ka sa akin, Oh Panginoon; sapagka't ako'y naluluoy, Oh Panginoon, pagalingin mo ako; sapagka't ang aking mga buto ay nagsisipangalog.

חנני יהוה כי אמלל אני רפאני יהוה כי נבהלו עצמי׃

Ang akin ding kaluluwa ay nababagabag na mainam: at ikaw, Oh Panginoon, hanggang kailan?

ונפשי נבהלה מאד ואת יהוה עד מתי׃

Bumalik ka, Oh Panginoon, palayain mo ang aking kaluluwa: iligtas mo ako alangalang sa iyong kagandahang-loob.

שובה יהוה חלצה נפשי הושיעני למען חסדך׃

Sapagka't sa kamatayan ay walang alaala sa iyo; sa Sheol ay sinong mangagpapasalamat sa iyo?

כי אין במות זכרך בשאול מי יודה לך׃

Ako'y pagal ng aking pagdaing; gabigabi ay aking pinalalangoy ang aking higaan; Aking dinidilig ang aking hiligan ng aking mga luha.

יגעתי באנחתי אשחה בכל לילה מטתי בדמעתי ערשי אמסה׃

Ang aking mga mata ay nangamumugto dahil sa kapanglawan; tumatanda ako dahil sa aking lahat na kaaway.

עששה מכעס עיני עתקה בכל צוררי׃

Magsilayo kayo sa akin, kayong lahat na manggagawa ng kasamaan: sapagka't narinig ng Panginoon ang tinig ng aking pagtangis.

סורו ממני כל פעלי און כי שמע יהוה קול בכיי׃

Narinig ng Panginoon ang aking pananaing; tatanggapin ng Panginoon ang aking dalangin.

שמע יהוה תחנתי יהוה תפלתי יקח׃

Lahat ng kaaway ko'y mapapahiya, at mababagabag na mainam: sila'y magsisibalik, sila'y mangapapahiyang kagyat.

יבשו ויבהלו מאד כל איבי ישבו יבשו רגע׃