Ecclesiastes 1

Ny tenin'i Mpitoriteny, zanak'i Davida, mpanjaka tany Jerosalema.

The words of the Preacher, the son of David, king in Jerusalem.

Zava-poana dia zava-poana, hoy Mpitoriteny, zava-poana dia zava-poana, eny, zava-poana ny zavatra rehetra!

Vanity of vanities, saith the Preacher, vanity of vanities; all is vanity.

Inona no soa azon'ny olona amin'ny fisasarany rehetra izay isasarany atỳ ambanin'ny masoandro?

What profit hath a man of all his labour which he taketh under the sun?

Lasa ny taranaka iray, ary mandimby kosa ny taranaka iray; fa ny tany mbola maharitra mandrakizay.

One generation passeth away, and another generation cometh: but the earth abideth for ever.

Ny masoandro koa miposaka ary ny masoandro milentika sady miriotra ho any amin'ny fitoerana izay niposahany.

The sun also ariseth, and the sun goeth down, and hasteth to his place where he arose.

Mianatsimo ny rivotra, dia mihodina mianavaratra, mivezivezy mandrakariva izy ka miverimberina manodidina indray.

The wind goeth toward the south, and turneth about unto the north; it whirleth about continually, and the wind returneth again according to his circuits.

Ny renirano rehetra dia samy mankamin'ny ranomasina, nefa tsy tondraka ny ranomasina; any amin'izay falehan'ny renirano ihany no iverenany indray.

All the rivers run into the sea; yet the sea is not full; unto the place from whence the rivers come, thither they return again.

Maivana ny teny rehetra, ka tsy misy olona mahalaza; ny maso tsy mamo mijery, ary ny sofina tsy mamo mihaino.

All things are full of labour; man cannot utter it: the eye is not satisfied with seeing, nor the ear filled with hearing.

Izay efa teo ihany no ho tonga indray, ary izay efa natao ihany no mbola hatao indray fa tsy misy zava-baovao akory atỳ ambanin'ny masoandro.

The thing that hath been, it is that which shall be; and that which is done is that which shall be done: and there is no new thing under the sun.

Raha misy zavatra azo lazaina hoe: He! ity no vaovao, dia ilay efa teo ela tany amin'ny andro talohantsika ihany izany.

Is there any thing whereof it may be said, See, this is new? it hath been already of old time, which was before us.

Tsy misy fahatsiarovana ny taloha; ary ny ho avy koa dia tsy hotsarovan'izay handimby azy.

There is no remembrance of former things; neither shall there be any remembrance of things that are to come with those that shall come after.

Izaho Mpitoriteny dia mpanjakan'ny Isiraely tany Jerosalema;

I the Preacher was king over Israel in Jerusalem.

ary nampiasaiko ny foko mba hitady sy hikatsaka amim-pahendrena ny zavatra rehetra izay atao atỳ ambanin'ny lanitra; asa mahareraka omen'Andriamanitra hisasaran'ny zanak'olombelona izany.

And I gave my heart to seek and search out by wisdom concerning all things that are done under heaven: this sore travail hath God given to the sons of man to be exercised therewith.

Efa hitako ny zavatra rehetra izay atao atỳ ambanin'ny masoandro; fa, indro, zava-poana sy misambo-drivotra foana izany rehetra izany.

I have seen all the works that are done under the sun; and, behold, all is vanity and vexation of spirit.

Ny meloka tsy mety tonga mahitsy; ary ny tsy ao tsy mba azo isaina.

That which is crooked cannot be made straight: and that which is wanting cannot be numbered.

Hoy izaho tamin'ny foko: Indro, izaho nahazo fahendrena be dia be mihoatra noho izay rehetra talohako teto Jerosalema; eny, ny foko nahita ny fahendrena sy ny fahalalana betsaka.

I communed with mine own heart, saying, Lo, I am come to great estate, and have gotten more wisdom than all they that have been before me in Jerusalem: yea, my heart had great experience of wisdom and knowledge.

Ary nampiasaiko ny foko hahalala fahendrena sy hahalala fahaverezan-tsaina sy fahadalana; dia fantatro fa misambo-drivotra foana koa izany,

And I gave my heart to know wisdom, and to know madness and folly: I perceived that this also is vexation of spirit.

satria izay be fahendrena dia be alahelo, ary izay mitombo fahalalana dia mitombo fahoriana.

For in much wisdom is much grief: and he that increaseth knowledge increaseth sorrow.