Psalms 3

Salamo nataon'i Davida, fony izy nandositra an'i Absaloma zanany. Jehovah ô, akory izato hamaroan'ny mampahory ahy! Maro no mitsangana hanohitra ahy.

Psaume de David. A l'occasion de sa fuite devant Absalom, son fils. O Eternel, que mes ennemis sont nombreux! Quelle multitude se lève contre moi!

Maro no milaza ny fanahiko hoe: tsy manam-pamonjena amin'Andriamanitra izy.

Combien qui disent à mon sujet: Plus de salut pour lui auprès de Dieu! -Pause.

Kanjo Hianao, Jehovah ô, no ampinga manodidina ahy, Voninahitro sy mpanandratra ny lohako.

Mais toi, ô Eternel! tu es mon bouclier, Tu es ma gloire, et tu relèves ma tête.

Amin'ny feoko no iantsoako an'i Jehovah, ary any an-tendrombohiny masina no mamaly ahy Izy.

De ma voix je crie à l'Eternel, Et il me répond de sa montagne sainte. -Pause.

Izaho nandry ka natory; nifoha aho, satria Jehovah no manohana ahy.

Je me couche, et je m'endors; Je me réveille, car l'Eternel est mon soutien.

Tsy hatahotra olona alinalina aho, izay milahatra manodidina hamely ahy.

Je ne crains pas les myriades de peuples Qui m'assiègent de toutes parts.

Mitsangàna, Jehovah ô; vonjeo aho, Andriamanitro ô; fa efa namely ny takolaky ny fahavaloko rehetra Hianao; ny nifin'ny ratsy fanahy novakivakinao.

Lève-toi, Eternel! sauve-moi, mon Dieu! Car tu frappes à la joue tous mes ennemis, Tu brises les dents des méchants.

An'i Jehovah ny famonjena; Ho amin'ny olonao anie ny fitahianao.

Le salut est auprès de l'Eternel: Que ta bénédiction soit sur ton peuple! -Pause.