Psalms 19

למנצח מזמור לדוד השמים מספרים כבוד אל ומעשה ידיו מגיד הרקיע׃

داؤد کا زبور۔ موسیقی کے راہنما کے لئے۔ آسمان اللہ کے جلال کا اعلان کرتے ہیں، آسمانی گنبد اُس کے ہاتھوں کا کام بیان کرتا ہے۔

יום ליום יביע אמר ולילה ללילה יחוה דעת׃

ایک دن دوسرے کو اطلاع دیتا، ایک رات دوسری کو خبر پہنچاتی ہے،

אין אמר ואין דברים בלי נשמע קולם׃

لیکن زبان سے نہیں۔ گو اُن کی آواز سنائی نہیں دیتی،

בכל הארץ יצא קום ובקצה תבל מליהם לשמש שם אהל בהם׃

توبھی اُن کی آواز نکل کر پوری دنیا میں سنائی دیتی، اُن کے الفاظ دنیا کی انتہا تک پہنچ جاتے ہیں۔ وہاں اللہ نے آفتاب کے لئے خیمہ لگایا ہے۔

והוא כחתן יצא מחפתו ישיש כגבור לרוץ ארח׃

جس طرح دُولھا اپنی خواب گاہ سے نکلتا ہے اُسی طرح سورج نکل کر پہلوان کی طرح اپنی دوڑ دوڑنے پر خوشی مناتا ہے۔

מקצה השמים מוצאו ותקופתו על קצותם ואין נסתר מחמתו׃

آسمان کے ایک سرے سے چڑھ کر اُس کا چکر دوسرے سرے تک لگتا ہے۔ اُس کی تپتی گرمی سے کوئی بھی چیز پوشیدہ نہیں رہتی۔

תורת יהוה תמימה משיבת נפש עדות יהוה נאמנה מחכימת פתי׃

رب کی شریعت کامل ہے، اُس سے جان میں جان آ جاتی ہے۔ رب کے احکام قابلِ اعتماد ہیں، اُن سے سادہ لوح دانش مند ہو جاتا ہے۔

פקודי יהוה ישרים משמחי לב מצות יהוה ברה מאירת עינים׃

رب کی ہدایات باانصاف ہیں، اُن سے دل باغ باغ ہو جاتا ہے۔ رب کے احکام پاک ہیں، اُن سے آنکھیں چمک اُٹھتی ہیں۔

יראת יהוה טהורה עומדת לעד משפטי יהוה אמת צדקו יחדו׃

رب کا خوف پاک ہے اور ابد تک قائم رہے گا۔ رب کے فرمان سچے اور سب کے سب راست ہیں۔

הנחמדים מזהב ומפז רב ומתוקים מדבש ונפת צופים׃

وہ سونے بلکہ خالص سونے کے ڈھیر سے زیادہ مرغوب ہیں۔ وہ شہد بلکہ چھتے کے تازہ شہد سے زیادہ میٹھے ہیں۔

גם עבדך נזהר בהם בשמרם עקב רב׃

اُن سے تیرے خادم کو آگاہ کیا جاتا ہے، اُن پر عمل کرنے سے بڑا اجر ملتا ہے۔

שגיאות מי יבין מנסתרות נקני׃

جو خطائیں بےخبری میں سرزد ہوئیں کون اُنہیں جانتا ہے؟ میرے پوشیدہ گناہوں کو معاف کر!

גם מזדים חשך עבדך אל ימשלו בי אז איתם ונקיתי מפשע רב׃

اپنے خادم کو گستاخوں سے محفوظ رکھ تاکہ وہ مجھ پر حکومت نہ کریں۔ تب مَیں بےالزام ہو کر سنگین گناہ سے پاک رہوں گا۔

יהיו לרצון אמרי פי והגיון לבי לפניך יהוה צורי וגאלי׃

اے رب، بخش دے کہ میرے منہ کی باتیں اور میرے دل کی سوچ بچار تجھے پسند آئے۔ تُو ہی میری چٹان اور میرا چھڑانے والا ہے۔