Psalms 6

למנצח בנגינות על השמינית מזמור לדוד יהוה אל באפך תוכיחני ואל בחמתך תיסרני׃

Ki te tino kaiwhakatangi Nekinoto, he mea Heminiti. He himene na Rawiri. E Ihowa, kaua e whakatupehupehu mai ki ahau, ina riri koe, kaua ano ahau e pakia ina arita mai koe.

6:2

חנני יהוה כי אמלל אני רפאני יהוה כי נבהלו עצמי׃

E Ihowa, tohungia ahau, he ngoikore hoki ahau: rongoatia ahau, e Ihowa, e ohooho ana hoki oku wheua.

6:3

ונפשי נבהלה מאד ואת יהוה עד מתי׃

E ohooho noa iho ana hoki toku wairua: ko koe ia, e Ihowa, kia pehea atu te roa?

6:4

שובה יהוה חלצה נפשי הושיעני למען חסדך׃

Hoki mai, e Ihowa, kia mawhiti atu toku wairua: kia mahara ki tou aroha, a whakaorangia ahau.

6:5

כי אין במות זכרך בשאול מי יודה לך׃

Kahore hoki he mahara ki a koe ina mate: ko wai hei whakawhetai ki a koe i roto i te reinga?

6:6

יגעתי באנחתי אשחה בכל לילה מטתי בדמעתי ערשי אמסה׃

Mauiui iho ahau i toku auetanga; e manu ana toku moenga i ahau a pau noa te po; e whakamakukuria ana e ahau toku takotoranga ki oku roimata.

6:7

עששה מכעס עיני עתקה בכל צוררי׃

Pakoko kau toku kanohi i te tangi; kua koroheke haere i oku hoariri katoa.

6:8

סורו ממני כל פעלי און כי שמע יהוה קול בכיי׃

Mawehe atu i ahau, e nga kaimahi katoa i te kino; kua rongo nei hoki a Ihowa i te reo o taku tangi.

6:9

שמע יהוה תחנתי יהוה תפלתי יקח׃

Kua rongo a Ihowa ki taku inoi; ka manako a Ihowa ki taku karakia.

6:10

יבשו ויבהלו מאד כל איבי ישבו יבשו רגע׃

Ka whakama, ka pokaikaha noa iho oku hoariri katoa: ka hoki ratou, ka pa whakarere atu te whakama.