Psalms 110

לדוד מזמור נאם יהוה לאדני שב לימיני עד אשית איביך הדם לרגליך׃

Se yon sòm David. Seyè a pale ak wa a, chèf mwen an, li di: -Chita la sou bò dwat mwen, jouk tan mwen fè lènmi ou yo tounen yon ti ban pou lonje pye ou.

מטה עזך ישלח יהוה מציון רדה בקרב איביך׃

Seyè a va fè ou dominen sou peyi ki lòt bò fwontyè peyi Siyon. Li di ou: -Gouvènen sou tout lènmi ou yo.

עמך נדבת ביום חילך בהדרי קדש מרחם משחר לך טל ילדתיך׃

Jou w'ap pare pou konbat lènmi ou yo, pèp ou a va prese vin ba ou konkou. Tankou lawouze nan granmaten, jenn gason ou yo va vin jwenn ou sou mòn ki apa pou Bondye a.

נשבע יהוה ולא ינחם אתה כהן לעולם על דברתי מלכי צדק׃

Seyè a te sèmante, l'ap toujou kenbe pawòl li: -Ou se prèt pou tout tan, menm jan ak Mèlkisedèk.

אדני על ימינך מחץ ביום אפו מלכים׃

Seyè a kanpe sou bò dwat ou. Lè l' ankòlè l'ap krabinen wa yo.

ידין בגוים מלא גויות מחץ ראש על ארץ רבה׃

L'ap jije nasyon yo, l'ap anpile kadav sou kadav, l'ap kraze chèf yo toupatou sou latè.

מנחל בדרך ישתה על כן ירים ראש׃

Wa a ap bwè dlo larivyè k'ap koule bò wout la. Se poutèt sa li p'ap janm bese tèt devan lènmi l' yo.