Exodus 9

9:1

ויאמר יהוה אל משה בא אל פרעה ודברת אליו כה אמר יהוה אלהי העברים שלח את עמי ויעבדני׃

耶和华吩咐摩西说：「你进去见法老，对他说：耶和华─希伯来人的　神这样说：容我的百姓去，好事奉我。

9:2

כי אם מאן אתה לשלח ועודך מחזיק בם׃

你若不肯容他们去，仍旧强留他们，

9:3

הנה יד יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד׃

耶和华的手加在你田间的牲畜上，就是在马、驴、骆驼、牛群、羊群上，必有重重的瘟疫。

9:4

והפלה יהוה בין מקנה ישראל ובין מקנה מצרים ולא ימות מכל לבני ישראל דבר׃

耶和华要分别以色列的牲畜和埃及的牲畜，凡属以色列人的，一样都不死。』」

9:5

וישם יהוה מועד לאמר מחר יעשה יהוה הדבר הזה בארץ׃

耶和华就定了时候，说：「明天耶和华必在此地行这事。」

9:6

ויעש יהוה את הדבר הזה ממחרת וימת כל מקנה מצרים וממקנה בני ישראל לא מת אחד׃

第二天，耶和华就行这事。埃及的牲畜几乎都死了，只是以色列人的牲畜，一个都没有死。

9:7

וישלח פרעה והנה לא מת ממקנה ישראל עד אחד ויכבד לב פרעה ולא שלח את העם׃

法老打发人去看，谁知以色列人的牲畜连一个都没有死。法老的心却是固执，不容百姓去。

9:8

ויאמר יהוה אל משה ואל אהרן קחו לכם מלא חפניכם פיח כבשן וזרקו משה השמימה לעיני פרעה׃

耶和华吩咐摩西、亚伦说：「你们取几捧炉灰，摩西要在法老面前向天扬起来。

9:9

והיה לאבק על כל ארץ מצרים והיה על האדם ועל הבהמה לשחין פרח אבעבעת בכל ארץ מצרים׃

这灰要在埃及全地变作尘土，在人身上和牲畜身上成了起泡的疮。」

9:10

ויקחו את פיח הכבשן ויעמדו לפני פרעה ויזרק אתו משה השמימה ויהי שחין אבעבעת פרח באדם ובבהמה׃

摩西、亚伦取了炉灰，站在法老面前。摩西向天扬起来，就在人身上和牲畜身上成了起泡的疮。

9:11

ולא יכלו החרטמים לעמד לפני משה מפני השחין כי היה השחין בחרטמם ובכל מצרים׃

行法术的在摩西面前站立不住，因为在他们身上和一切埃及人身上都有这疮。

9:12

ויחזק יהוה את לב פרעה ולא שמע אלהם כאשר דבר יהוה אל משה׃

耶和华使法老的心刚硬，不听他们，正如耶和华对摩西所说的。

9:13

ויאמר יהוה אל משה השכם בבקר והתיצב לפני פרעה ואמרת אליו כה אמר יהוה אלהי העברים שלח את עמי ויעבדני׃

耶和华对摩西说：「你清早起来，站在法老面前，对他说：耶和华─希伯来人的　神这样说：容我的百姓去，好事奉我。

9:14

כי בפעם הזאת אני שלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃

因为这一次我要叫一切的灾殃临到你和你臣仆并你百姓的身上，叫你知道在普天下没有像我的。

9:15

כי עתה שלחתי את ידי ואך אותך ואת עמך בדבר ותכחד מן הארץ׃

我若伸手用瘟疫攻击你和你的百姓，你早就从地上除灭了。

9:16

ואולם בעבור זאת העמדתיך בעבור הראתך את כחי ולמען ספר שמי בכל הארץ׃

其实，我叫你存立，是特要向你显我的大能，并要使我的名传遍天下。

9:17

עודך מסתולל בעמי לבלתי שלחם׃

你还向我的百姓自高，不容他们去吗？

9:18

הנני ממטיר כעת מחר ברד כבד מאד אשר לא היה כמהו במצרים למן היום הוסדה ועד עתה׃

到明天约在这时候，我必叫重大的冰雹降下，自从埃及开国以来，没有这样的冰雹。

9:19

ועתה שלח העז את מקנך ואת כל אשר לך בשדה כל האדם והבהמה אשר ימצא בשדה ולא יאסף הביתה וירד עלהם הברד ומתו׃

现在你要打发人把你的牲畜和你田间一切所有的催进来；凡在田间不收回家的，无论是人是牲畜，冰雹必降在他们身上，他们就必死。』」

9:20

הירא את דבר יהוה מעבדי פרעה הניס את עבדיו ואת מקנהו אל הבתים׃

法老的臣仆中，惧怕耶和华这话的，便叫他的奴仆和牲畜跑进家来。

9:21

ואשר לא שם לבו אל דבר יהוה ויעזב את עבדיו ואת מקנהו בשדה׃

但那不把耶和华这话放在心上的，就将他的奴仆和牲畜留在田里。

9:22

ויאמר יהוה אל משה נטה את ידך על השמים ויהי ברד בכל ארץ מצרים על האדם ועל הבהמה ועל כל עשב השדה בארץ מצרים׃

耶和华对摩西说：「你向天伸杖，使埃及遍地的人身上和牲畜身上，并田间各样菜蔬上，都有冰雹。」

9:23

ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים׃

摩西向天伸杖，耶和华就打雷下雹，有火闪到地上；耶和华下雹在埃及地上。

9:24

ויהי ברד ואש מתלקחת בתוך הברד כבד מאד אשר לא היה כמהו בכל ארץ מצרים מאז היתה לגוי׃

那时，雹与火搀杂，甚是利害，自从埃及成国以来，遍地没有这样的。

9:25

ויך הברד בכל ארץ מצרים את כל אשר בשדה מאדם ועד בהמה ואת כל עשב השדה הכה הברד ואת כל עץ השדה שבר׃

在埃及遍地，雹击打了田间所有的人和牲畜，并一切的菜蔬，又打坏田间一切的树木。

9:26

רק בארץ גשן אשר שם בני ישראל לא היה ברד׃

惟独以色列人所住的歌珊地没有冰雹。

9:27

וישלח פרעה ויקרא למשה ולאהרן ויאמר אלהם חטאתי הפעם יהוה הצדיק ואני ועמי הרשעים׃

法老打发人召摩西、亚伦来，对他们说：「这一次我犯了罪了。耶和华是公义的；我和我的百姓是邪恶的。

9:28

העתירו אל יהוה ורב מהית קלת אלהים וברד ואשלחה אתכם ולא תספון לעמד׃

这雷轰和冰雹已经够了。请你们求耶和华，我就容你们去，不再留住你们。」

9:29

ויאמר אליו משה כצאתי את העיר אפרש את כפי אל יהוה הקלות יחדלון והברד לא יהיה עוד למען תדע כי ליהוה הארץ׃

摩西对他说：「我一出城，就要向耶和华举手祷告；雷必止住，也不再有冰雹，叫你知道全地都是属耶和华的。

9:30

ואתה ועבדיך ידעתי כי טרם תיראון מפני יהוה אלהים׃

至于你和你的臣仆，我知道你们还是不惧怕耶和华　神。」

9:31

והפשתה והשערה נכתה כי השערה אביב והפשתה גבעל׃

那时，麻和大麦被雹击打；因为大麦已经吐穗，麻也开了花。

9:32

והחטה והכסמת לא נכו כי אפילת הנה׃

只是小麦和粗麦没有被击打，因为还没有长成。）

9:33

ויצא משה מעם פרעה את העיר ויפרש כפיו אל יהוה ויחדלו הקלות והברד ומטר לא נתך ארצה׃

摩西离了法老出城，向耶和华举手祷告；雷和雹就止住，雨也不再浇在地上了。

9:34

וירא פרעה כי חדל המטר והברד והקלת ויסף לחטא ויכבד לבו הוא ועבדיו׃

法老见雨和雹与雷止住，就越发犯罪；他和他的臣仆都硬著心。

9:35

ויחזק לב פרעה ולא שלח את בני ישראל כאשר דבר יהוה ביד משה׃

法老的心刚硬，不容以色列人去，正如耶和华借著摩西所说的。