Psalms 99

99:1

Se Seyè a ki wa! Pèp yo ap tranble. Li chita sou fotèy li anwo zanj cheriben yo. Tout moun sou latè ap tranble!

יהוה מלך ירגזו עמים ישב כרובים תנוט הארץ׃

99:2

Seyè a gen pouvwa nan peyi Siyon! L'ap gouvènen sou tout pèp yo.

יהוה בציון גדול ורם הוא על כל העמים׃

99:3

Se pou tout moun fè lwanj li, paske li gen pouvwa, li merite respè! Se Bondye tout bon li ye!

יודו שמך גדול ונורא קדוש הוא׃

99:4

Ou se yon wa ki gen pouvwa, yon wa ki renmen sa ki dwat. Ou mete jistis toupatou nan peyi Izrayèl. Ou fè yo fè jistis nan peyi a san patipri, jan sa dwe fèt.

ועז מלך משפט אהב אתה כוננת מישרים משפט וצדקה ביעקב אתה עשית׃

99:5

Lwanj pou Seyè a, Bondye nou an! Bese tèt nou devan fotèy li. Sè Bondye tout bon li ye!

רוממו יהוה אלהינו והשתחוו להדם רגליו קדוש הוא׃

99:6

Moyiz ak Arawon te fè pati prèt li yo! Samyèl te yonn nan moun ki te sèvi l' yo! Tout twa te rele Seyè a, li te reponn yo.

משה ואהרן בכהניו ושמואל בקראי שמו קראים אל יהוה והוא יענם׃

99:7

Li rete nan poto nwaj la, li pale ak yo. Yo te obeyi lòd ak kòmandman li te ba yo.

בעמוד ענן ידבר אליהם שמרו עדתיו וחק נתן למו׃

99:8

Seyè, Bondye nou, ou te reponn yo lè yo te lapriyè ou! Ou te moutre yo se yon Bondye ki konn padonnen ou ye. Men, ou te pini yo pou sa yo fè ki mal.

יהוה אלהינו אתה עניתם אל נשא היית להם ונקם על עלילותם׃

99:9

Lwanj pou Seyè a, Bondye nou an! Adore l' sou mòn ki apa pou li a! Paske, Seyè a, Bondye nou an, se Bondye tout bon li ye.

רוממו יהוה אלהינו והשתחוו להר קדשו כי קדוש יהוה אלהינו׃